דברי הימים ב 23:13
בני עמרם אהרן ומשה ויבדל אהרן להקדישו קדש קדשים הוא ובניו עד עולם—להקטיר לפני יהוה לשרתו ולברך בשמו עד עולם
Aleppo Codex
In The King James Version
In Context
12בני קהת עמרם יצהר חברון ועזיאל—ארבעה {ס}
14ומשה איש האלהים—בניו יקראו על שבט הלוי {ס}
Cross References
Exodus 28:1ואתה הקרב אליך את אהרן אחיך ואת בניו אתו מתוך בני ישראל—לכהנו לי אהרן—נדב ואביהוא אלעזר ואיתמר בני אהרן
Exodus 29:33ואכלו אתם אשר כפר בהם למלא את ידם לקדש אתם וזר לא יאכל כי קדש הם
Exodus 30:6ונתתה אתו לפני הפרכת אשר על ארן העדת—לפני הכפרת אשר על העדת אשר אועד לך שמה
Exodus 40:9ולקחת את שמן המשחה ומשחת את המשכן ואת כל אשר בו וקדשת אתו ואת כל כליו והיה קדש
Leviticus 10:1ויקחו בני אהרן נדב ואביהוא איש מחתתו ויתנו בהן אש וישימו עליה קטרת ויקריבו לפני יהוה אש זרה—אשר לא צוה אתם
Leviticus 10:17מדוע לא אכלתם את החטאת במקום הקדש—כי קדש קדשים הוא ואתה נתן לכם לשאת את עון העדה לכפר עליהם לפני יהוה