Joshua 8:33
Sotheli al the puple, and the grettere men in birthe, and the duykis, and iugis stoden on `euer either side of the arke, in the siyt of preestis and dekenes, that baren the arke of boond of pees of the Lord; as a comeling, so and a man borun in the lond; the mydil part of hem stood bisidis the hil Garasym, and the myddil part stood bisidis the hil Hebal, as Moises, the `seruaunt of the Lord, comaundide. And first `sotheli he blesside the puple of Israel.
Bible (Wycliffe)
In The King James Version
In Context
Cross References
Exodus 12:49The same lawe schal be to a man borun of the lond, and to a comelyng, that takith youre feith, which is a pilgrym anentis you.
Numbers 15:15o comaundement and doom schal be, as wel to you as to comelyngis of the lond.
Numbers 15:29As wel to men borun in the lond as to comelyngis, o lawe schal be of alle that synnen vnwityngli.
Deuteronomy 27:11And Moises comaundide to the puple in that day,
Deuteronomy 29:10Alle ye stonden to day bifor youre Lord God, youre princes, and lynagis, and the grettere men in birthe, and techeris, al the puple of Israel,
Deuteronomy 31:12while thei heren, and while al the puple is gaderid to gidere, as wel to men, as to wymmen, to litle children, and comelyngis that ben with ynne thi yatis; that thei here, and lerne, and drede youre Lord God, and kepe and fille alle the wordis of this lawe;