1 Chronicles 5:26
וַיָּעַר אֱלֹהֵי יִשְׂרָאֵל אֶת ־ רוּחַ ׀ פּוּל מֶֽלֶךְ ־ אַשּׁוּר וְאֶת ־ רוּחַ תִּלְּגַת פִּלְנֶסֶר מֶלֶךְ אַשּׁוּר וַיַּגְלֵם לָראוּבֵנִי וְלַגָּדִי וְלַחֲצִי שֵׁבֶט מְנַשֶּׁה וַיְבִיאֵם לַחְלַח וְחָבוֹר וְהָרָא וּנְהַר גּוֹזָן עַד הַיּוֹם הַזֶּֽה ׃ פ בְּנֵי לֵוִי גֵּרְשׁוֹן קְהָת וּמְרָרִֽי ׃ וּבְנֵי קְהָת עַמְרָם יִצְהָר וְחֶבְרוֹן וְעֻזִּיאֵֽל ׃ ס וּבְנֵי עַמְרָם אַהֲרֹן וּמֹשֶׁה וּמִרְיָם ס וּבְנֵי אַהֲרֹן נָדָב וַאֲבִיהוּא אֶלְעָזָר וְאִיתָמָֽר ׃ ס אֶלְעָזָר הוֹלִיד אֶת ־ פִּֽינְחָס פִּֽינְחָס הֹלִיד אֶת ־ אֲבִישֽׁוּעַ ׃ וַאֲבִישׁוּעַ הוֹלִיד אֶת ־ בֻּקִּי וּבֻקִּי הוֹלִיד אֶת ־ עֻזִּֽי ׃ וְעֻזִּי הוֹלִיד אֶת ־ זְרַֽחְיָה וּֽזְרַֽחְיָה הוֹלִיד אֶת ־ מְרָיֽוֹת ׃ מְרָיוֹת הוֹלִיד אֶת ־ אֲמַרְיָה וַאֲמַרְיָה הוֹלִיד אֶת ־ אֲחִיטֽוּב ׃ וַאֲחִיטוּב הוֹלִיד אֶת ־ צָדוֹק וְצָדוֹק הוֹלִיד אֶת ־ אֲחִימָֽעַץ ׃ וַאֲחִימַעַץ הוֹלִיד אֶת ־ עֲזַרְיָה וַעֲזַרְיָה הוֹלִיד אֶת ־ יוֹחָנָֽן ׃ וְיוֹחָנָן הוֹלִיד אֶת ־ עֲזַרְיָה הוּא אֲשֶׁר כִּהֵן בַּבַּיִת אֲשֶׁר ־ בָּנָה שְׁלֹמֹה בִּירוּשָׁלִָֽם ׃ וַיּוֹלֶד עֲזַרְיָה אֶת ־ אֲמַרְיָה וַאֲמַרְיָה הוֹלִיד אֶת ־ אֲחִיטֽוּב ׃ וַאֲחִיטוּב הוֹלִיד אֶת ־ צָדוֹק וְצָדוֹק הוֹלִיד אֶת ־ שַׁלּֽוּם ׃ וְשַׁלּוּם הוֹלִיד אֶת ־ חִלְקִיָּה וְחִלְקִיָּה הוֹלִיד אֶת ־ עֲזַרְיָֽה ׃ וַעֲזַרְיָה הוֹלִיד אֶת ־ שְׂרָיָה וּשְׂרָיָה הוֹלִיד אֶת ־ יְהוֹצָדָֽק ׃ וִיהוֹצָדָק הָלַךְ בְּהַגְלוֹת יְהוָה אֶת ־ יְהוּדָה וִירוּשָׁלִָם בְּיַד נְבֻכַדְנֶאצַּֽר ׃ ס
Hebrew Tanakh (Original)
In The King James Version
In Context
Cross References
2 Kings 15:19בָּא פוּל מֶֽלֶךְ ־ אַשּׁוּר עַל ־ הָאָרֶץ וַיִּתֵּן מְנַחֵם לְפוּל אֶלֶף כִּכַּר ־ כָּסֶף לִהְיוֹת יָדָיו אִתּוֹ לְהַחֲזִיק הַמַּמְלָכָה בְּיָדֽוֹ ׃
2 Kings 16:7וַיִּשְׁלַח אָחָז מַלְאָכִים אֶל ־ תִּגְלַת פְּלֶסֶר מֶֽלֶךְ ־ אַשּׁוּר לֵאמֹר עַבְדְּךָ וּבִנְךָ אָנִי עֲלֵה וְהוֹשִׁעֵנִי מִכַּף מֶֽלֶךְ ־ אֲרָם וּמִכַּף מֶלֶךְ יִשְׂרָאֵל הַקּוֹמִים עָלָֽי ׃
2 Kings 18:11וַיֶּגֶל מֶֽלֶךְ ־ אַשּׁוּר אֶת ־ יִשְׂרָאֵל אַשּׁוּרָה וַיַּנְחֵם בַּחְלַח וּבְחָבוֹר נְהַר גּוֹזָן וְעָרֵי מָדָֽי ׃
1 Chronicles 5:6בְּאֵרָה בְנוֹ אֲשֶׁר הֶגְלָה תִּלְּגַת פִּלְנְאֶסֶר מֶלֶךְ אַשֻּׁר הוּא נָשִׂיא לָרֽאוּבֵנִֽי ׃
2 Chronicles 30:6וַיֵּלְכוּ הָרָצִים בָּֽאִגְּרוֹת מִיַּד הַמֶּלֶךְ וְשָׂרָיו בְּכָל ־ יִשְׂרָאֵל וִֽיהוּדָה וּכְמִצְוַת הַמֶּלֶךְ לֵאמֹר בְּנֵי יִשְׂרָאֵל שׁוּבוּ אֶל ־ יְהוָה אֱלֹהֵי אַבְרָהָם יִצְחָק וְיִשְׂרָאֵל וְיָשֹׁב אֶל ־ הַפְּלֵיטָה הַנִּשְׁאֶרֶת לָכֶם מִכַּף מַלְכֵי אַשּֽׁוּר ׃
Ezra 1:5וַיָּקוּמוּ רָאשֵׁי הָאָבוֹת לִֽיהוּדָה וּבִנְיָמִן וְהַכֹּהֲנִים וְהַלְוִיִּם לְכֹל הֵעִיר הָאֱלֹהִים אֶת ־ רוּחוֹ לַעֲלוֹת לִבְנוֹת אֶת ־ בֵּית יְהוָה אֲשֶׁר בִּירוּשָׁלִָֽם ׃
Matthew Henry on 1 Chronicles 5:19-26
The Defeat of the Hagarites. ( b. c. 750.) 18 The sons of Reuben, and the Gadites, and half the tribe of Manasseh, of valiant men, men able to bear buckler and sword, and to shoot with bow, and skilful in war, were four and forty thousand seven hundred and threescore, that went out to the war. 19 And they made war with the Hagarites, with Jetur, and Nephish, and Nodab. 20 And they were helped against them, and the Hagarites were delivered into their hand, and all that were with them: for they cried to God in the… Read the whole commentary →