Proverbs 21:1
פַּלְגֵי ־ מַיִם לֶב ־ מֶלֶךְ בְּיַד ־ יְהוָה עַֽל ־ כָּל ־ אֲשֶׁר יַחְפֹּץ יַטֶּֽנּוּ ׃
Hebrew Tanakh (Original)
In The King James Version
In Context
2כָּֽל ־ דֶּרֶךְ ־ אִישׁ יָשָׁר בְּעֵינָיו וְתֹכֵן לִבּוֹת יְהוָֽה ׃
Cross References
Exodus 7:3וַאֲנִי אַקְשֶׁה אֶת ־ לֵב פַּרְעֹה וְהִרְבֵּיתִי אֶת ־ אֹתֹתַי וְאֶת ־ מוֹפְתַי בְּאֶרֶץ מִצְרָֽיִם ׃
Ezra 1:1וּבִשְׁנַת אַחַת לְכוֹרֶשׁ מֶלֶךְ פָּרַס לִכְלוֹת דְּבַר ־ יְהוָה מִפִּי יִרְמְיָה הֵעִיר יְהוָה אֶת ־ רוּחַ כֹּרֶשׁ מֶֽלֶךְ ־ פָּרַס וַיַּֽעֲבֶר ־ קוֹל בְּכָל ־ מַלְכוּתוֹ וְגַם ־ בְּמִכְתָּב לֵאמֹֽר ׃
Ezra 6:22וַיַּֽעֲשׂוּ חַג ־ מַצּוֹת שִׁבְעַת יָמִים בְּשִׂמְחָה כִּי ׀ שִׂמְּחָם יְהוָה וְֽהֵסֵב לֵב מֶֽלֶךְ ־ אַשּׁוּר עֲלֵיהֶם לְחַזֵּק יְדֵיהֶם בִּמְלֶאכֶת בֵּית ־ הָאֱלֹהִים אֱלֹהֵי יִשְׂרָאֵֽל ׃ פ
Nehemiah 1:11אָנָּא אֲדֹנָי תְּהִי נָא אָזְנְךָֽ ־ קַשֶּׁבֶת אֶל ־ תְּפִלַּת עַבְדְּךָ וְאֶל ־ תְּפִלַּת עֲבָדֶיךָ הַֽחֲפֵצִים לְיִרְאָה אֶת ־ שְׁמֶךָ וְהַצְלִֽיחָה ־ נָּא לְעַבְדְּךָ הַיּוֹם וּתְנֵהוּ לְרַחֲמִים לִפְנֵי הָאִישׁ הַזֶּה וַאֲנִי הָיִיתִי מַשְׁקֶה לַמֶּֽלֶךְ ׃ פ
Nehemiah 2:8וְאִגֶּרֶת אֶל ־ אָסָף שֹׁמֵר הַפַּרְדֵּס אֲשֶׁר לַמֶּלֶךְ אֲשֶׁר יִתֶּן ־ לִי עֵצִים לְקָרוֹת אֶת ־ שַׁעֲרֵי הַבִּירָה אֲשֶׁר ־ לַבַּיִת וּלְחוֹמַת הָעִיר וְלַבַּיִת אֲשֶׁר ־ אָבוֹא אֵלָיו וַיִּתֶּן ־ לִי הַמֶּלֶךְ כְּיַד ־ אֱלֹהַי הַטּוֹבָה עָלָֽי ׃
Psalms 74:15אַתָּה בָקַעְתָּ מַעְיָן וָנָחַל אַתָּה הוֹבַשְׁתָּ נַהֲרוֹת אֵיתָֽן ׃