1 Chronicles 2
1အအံၤမ့ၢ်အံၣ်စရ့လးအဖိခွါ. စီၤရူၤဘ့ၣ်,စီၤစူၤမ့းအိၣ်,စီၤလ့ၤဝံဒီးစီၤယူဒၤ,စီၤယံးစၣ်ကၢ်ဒီးစီၤစဘူလိၣ်,
2စီၤဒၣ်,စီၤယိၤသး,ဒီးစီၤဘံၣ်ယၤမံၣ်,စီၤနးသၤလံ,စီၤကးဒီးစီၤအၤရှ့ၢ်လီၤ.
3စီၤယူဒၤအဖိခွါ,စီၤအ့ၢ်,ဒီးစီၤအိနၣ်,ဒီးစီၤရှ့လၤသၢဂၤန့ၣ်ပှၤကနၤဧၣ်မုၣ်နီၢ်ရှူဧၤအဖိမုၣ်ဆံးစၢ်န့ၢ်ဝဲလၢအဂီၢ်လီၤ.ဒီးစီၤယူဒၤအဖိဝဲၢ်ကိစီၤအ့ၢ်မ့ၢ်ပှၤအၢလၢယွၤအမဲာ်,
4ဒီးယွၤမၤသံအီၤလီၤ.ဒီးအဒဲၣ်နီၢ်တၤမၢ်ဆံးစၢ်န့ၢ်စီၤဖ့ၤရ့း,ဒီးစီၤစ့ရၤလၢအဂီၢ်လီၤ.စီၤယူဒၤအဖိခွါခဲလၢာ်န့ၣ်မ့ၢ်ယဲၢ်ဂၤလီၤ.
5ဒီးစီၤဖ့ၤရ့းအဖိခွါမ့ၢ်စီၤဃ့စရိၣ်,ဒီးစီၤဃမူးလီၤ.
6ဒီးစီၤစ့ရၤအဖိခွါမ့ၢ်စီၤစံၣ်ရံၤ,ဒီးစီၤအ့ၤသၣ်,ဒီးစီၤဟ့မၣ်,ဒီးစီၤကးလကိးလး,ဒီးစီၤဒါရၤလီၤ.ခဲလၢာ်န့ၣ်အိၣ်ယဲၢ်ဂၤလီၤ.
7ဒီးစီၤကၢ်မံၤအဖိခွါမ့ၢ်စီၤဧၤကၢ်,ပှၤမၤကိၢ်မၤဂီၤအံၣ်စရ့လးလၢအမၤကမၣ်တၢ်လၢတၢ်ဘၣ်ဆိၣ်အၢအပူၤလီၤ.
8ဒီးစီၤအ့ၤသၣ်အဖိခွါမ့ၢ်စီၤဧစၤရယၤလီၤ.
9ဒီးစီၤဃ့စရိၣ်အဖိခွါလၢအအိၣ်ဖျဲၣ်လၢအဂီၢ်န့ၣ်မ့ၢ်စီၤယရၤဃမအ့လး,ဒီးစီၤရၣ်,ဒီးစီၤကလူဘဲၤလီၤ.
10ဒီးစီၤရၣ်ထီၣ်ဖိစီၤဧးမံၤနဒး,ဒီးစီၤဧးမံၤနဒးထီၣ်ဖိစီၤနးၡိၣ်,ပှၤယူဒၤဖိအခိၣ်လီၤ.
11ဒီးစီၤနးၡိၣ်ထီၣ်ဖိစီၤစၤလမိၣ်,ဒီးစီၤစၤလမိၣ်ထီၣ်ဖိစီၤဘိၤဧး,
12ဒီးစီၤဘိၤဧးထီၣ်ဖိစီၤဧိၤဘ့း,ဒီးစီၤဧိၤဘ့းထီၣ်ဖိစီၤယံးၡဲ,
13ဒီးစီၤယံးၡဲထီၣ်ဖိအဝဲၢ်ကိစီၤအလံအာ်,ဒီးခံဂၤတဂၤစီၤအဘံနဒာ်,ဒီးသၢဂၤတဂၤစီၤၡံမၤ,
14လွံၢ်ဂၤတဂၤစီၤနၤသန့လး,ယဲၢ်ဂၤတဂၤစီၤရၤဒဲ,
15ဃုဂၤတဂၤစီၤအိနၣ်,နွံဂၤတဂၤစီၤဒၤဝံးလီၤ.
16ဒီးအဒီပုၢ်ဝဲၢ်မုၣ်မ့ၢ်နီၢ်စရူယၤ,ဒီးနီၢ်အဘံၤကါယံးလးလီၤ.ဒီးနီၢ်စရူယၤအဖိခွါမ့ၢ်စီၤအဘံၡဲၤ,ဒီးစီၤယိၤအာ်,ဒီးစီၤဧစၤအ့လးန့ၣ်သၢဂၤလီၤ.
17ဒီးနီၢ်အဘံၤကါယံးလးန့ၣ်ဆံးစၢ်န့ၢ်စီၤဧမါစၤလီၤ.ဒီးစီၤဧမါစၤအပၢ်န့ၣ်မ့ၢ်ပှၤယံးၡမၤဧ့လးဖိစီၤယ့သၢ်လီၤ.
18ဒီးစီၤဃ့စရိၣ်အဖိခွါစီၤကၤလ့းထီၣ်ဖိဒီးအမါနီၢ်ဧစူဘၤ,ဒီးနီၢ်ယရံဧိးလီၤ.အအံၤမ့ၢ်အဖိခွါ,စီၤယ့ရှ့ၢ်,ဒီးစီၤၡိၤဘာ်,ဒီးစီၤအၢ်ဒိၣ်လီၤ.
19ဒီးနီၢ်ဧစူဘၤန့ၣ်သံဝဲဝံၤဒီး,စီၤကၤလ့းဟံးန့ၢ်နီၢ်အ့ဖရးသး,ဒီးအဝဲဒၣ်ဆံးစၢ်န့ၢ်အီၤလၢစီၤဃူၢ်လီၤ.
20ဒီးစီၤဃူၢ်ထီၣ်ဖိစီၤအူရံၤဒီးစီၤအူရံၤထီၣ်ဖိစီၤဘစၤလအ့လးလီၤ.
21လၢခံက့ၤဒီးစီၤဃ့စရိၣ်လဲၤနုာ်လၢစီၤကံးလဧးအပၢ်စီၤမၤကံၢ်အဖိမုၣ်အအိၣ်လီၤ.အဝဲဒၣ်အသးပှၢ်အနံၣ်ဃုဆံဒီးဟံးန့ၢ်ဝဲ,ဒီးဆံးစၢ်န့ၢ်စီၤစကံာ်လၢအဂီၢ်လီၤ.
22ဒီးစီၤစကံာ်ထီၣ်ဖိစီၤယၤအံၢ်လၢအအိၣ်ဒီးအဝ့ၢ်ခံဆံသၢဝ့ၢ်လၢကီၢ်ကံးလဧးအပူၤလီၤ.
23ဒီးမၤန့ၢ်ကရှူၢ်,ဒီးအရၣ်,ဒီးစီၤယၤအံၢ်အတဝီတဖၣ်လၢအီၤ,ဒီးကနး,ဒီးအတဝီတဖၣ်,ဝ့ၢ်ဃုဆံလီၤ.အဝဲသ့ၣ်ခဲလၢာ်န့ၣ်မ့ၢ်စီၤကံးလဧးအပၢ်စီၤမၤကံၢ်အဖိခွါတဖၣ်လီၤ.
24ဒီးလၢစီၤဃ့စရိၣ်သံဝဲလၢကၤလ့းအ့ပရးသးအပူၤအလီၢ်ခံန့ၣ်,စီၤဃ့းစရိၣ်အမါနီၢ်အဘံယၤဆံးစၢ်န့ၢ်စီၤအၤရှူၢ်,စီၤတကိၤအပၢ်လၢအဂီၢ်လီၤ.
25ဒီးစီၤဃ့စရိၣ်အဖိဝဲၢ်ကိ,စီၤယရၤဃမအ့လးအဖိခွါတဖၣ်မ့ၢ်အဝဲၢ်ကိစီၤရၣ်,ဒီးစီၤဘူနၤ,ဒီးစီၤအိရ့ၣ်,ဒီးစီၤအိစ့ၣ်,စီၤအဃံယၤလီၤ.
26ဒီးစီၤယရၤဃမအ့လးအိၣ်ဒီးအမါတဂၤဒၣ်လီၤ.ဒီးအမံၤမ့ၢ်နီၢ်ဧတါရၤလီၤ.အဝဲဒၣ်မ့ၢ်စီၤအိၤနၣ်အမိၢ်လီၤ.
27ဒီးစီၤယရၤဃမအ့လးအဖိဝဲၢ်ကိ,စီၤရၣ်အဖိခွါတဖၣ်မ့ၢ်စီၤမၤဧး,ဒီးစီၤယၤမံၣ်,ဒီးစီၤဧ့က့ၢ်လီၤ.
28ဒီးစီၤအိၤနၣ်အဖိခွါတဖၣ်မ့ၢ်စီၤၡးမဲ,ဒီးစီၤယၤဒၤလီၤ.ဒီးစီၤၡးမဲအဖိခွါတဖၣ်မ့ၢ်စီၤနၤဒးဒီးစီၤအဘံရှူၢ်လီၤ.ဒီးစီၤအဘံရှူၢ်အမါအမံၤမ့ၢ်နီၢ်အဘံဟယ့လးလီၤ.
29ဒီးအဝဲဒၣ်ဆံးစၢ်န့ၢ်စီၤအၤဃဘၣ်,ဒီးစီၤမိလံးလၢအဂီၢ်လီၤ.
30ဒီးစီၤနၤဒးအဖိခွါမ့ၢ်စီၤစ့လ့း,ဒီးစီၤအဖၤယံၣ်လီၤ.ဒီးစီၤစ့လ့းသံတူာ်ဖိလီၤ.
31ဒီးစီၤအဖၤယံၣ်အဖိခွါမ့ၢ်စီၤယံၡံၤလီၤ.ဒီးစီၤယံၡံၤအဖိခွါမ့ၢ်စီၤရှ့ၡၣ်လီၤ.ဒီးစီၤရှ့ၡၣ်အဖိခွါမ့ၢ်စီၤအၤဃလဲလီၤ.
32ဒီးစီၤၡးမဲအဒီပုၢ်ဝဲၢ်စီၤယၤဒၤအဖိခွါမ့ၢ်စီၤယ့သ့ၢ်,ဒီးစီၤယိနၤသၣ်လီၤ.ဒီးစီၤယ့သ့ၢ်န့ၣ်သံတူာ်ဖိလီၤ.
33ဒီးစီၤယိနၤသၣ်အဖိခွါမ့ၢ်စီၤပ့းလ့း,ဒီးစီၤစၤစၤလီၤ.အဝဲသ့ၣ်တဖၣ်န့ၣ်မ့ၢ်စီၤယရၤဃမအ့လးအဖိခွါလီၤ.
34ဒီးစီၤရှ့ၡၣ်န့ၣ်အဖိခွါတအိၣ်ဘၣ်.မ့မ့ၢ်အဖိမုၣ်တဖၣ်အိၣ်လီၤ.ဒီးစီၤရှ့ၡၣ်အိၣ်ဒီးအခ့အပှၤ,ပှၤအဲၤကူပတူးဖိတဂၤ,ဒီးအမံၤမ့ၢ်စီၤယၢ်ဃၤလီၤ.
35ဒီးစီၤရှ့ၡၣ်ဟ့ၣ်လီၤအဖိမုၣ်လၢအခ့အပှၤစီၤယၢ်ဃၤလၢအမါ,ဒီးအဝဲဒၣ်ဆံးစၢ်န့ၢ်စီၤဧၤတဲလၢအဂီၢ်လီၤ.
36ဒီးစီၤဧၤတဲထီၣ်ဖိစီၤနၤသၣ်,ဒီးစီၤနၤသၣ်ထီၣ်ဖိစီၤစၤဘး,
37ဒီးစီၤစၤဘးထီၣ်ဖိစီၤအ့ဖလလး,ဒီးစီၤအ့ဖလလးထီၣ်ဖိစီၤဧိၤဘ့း,
38ဒီးစီၤဧိၤဘ့းထီၣ်ဖိစီၤယ့ၤဟူ,စီၤယ့ၤဟူထီၣ်ဖိစီၤဧစၤရယၤ,
39ဒီးစီၤဧစၤရယၤထီၣ်ဖိစီၤဃ့လ့း,ဒီးစီၤဃ့လ့းထီၣ်ဖိစီၤအ့လဧစၤ,
40ဒီးစီၤအ့လဧစၤထီၣ်ဖိစီၤစံၤစမဲ,ဒီးစီၤစံၤစမဲထီၣ်ဖိစီၤၡၤလူၣ်,
41ဒီးစီၤၡၤလူၣ်ထီၣ်ဖိစီၤယကၤမယၤ,ဒီးစီၤယကၤမယၤထီၣ်ဖိစီၤအလံၤၡမၤလီၤ.
42ဒီးစီၤယရၤဃမအ့လးအဒီပုၢ်ဝဲၢ်စီၤကၤလ့းအဖိခွါအဖိဝဲၢ်ကိမ့ၢ်စီၤမ့ၡၤလီၤ.အဝဲဒၣ်မ့ၢ်စံဖးအပၢ်လီၤ.ဒီးစီၤမၤရ့ၡၤအဖိခွါတဖၣ်,ဃ့ဘြိၣ်အပၢ်လီၤ.
43ဒီးစီၤဃ့ဘြိၣ်အဖိခွါမ့ၢ်စီၤကိၤရး,ဒီးစီၤတးပူၤ,ဒီးစီၤရ့က့ၣ်,ဒီးစီၤရှ့မၤလီၤ.
44ဒီးစီၤရှ့မၤန့ၣ်ထီၣ်ဖိစီၤရၤဃၣ်,စီၤယၢ်ကၣ်အပၢ်လီၤ.ဒီးစီၤရ့က့ၣ်န့ၣ်ထီၣ်ဖိစီၤၡးမဲလီၤ.
45ဒီးစီၤၡးမဲအဖိခွါမ့ၢ်စီၤမၤဧိၣ်,ဒီးစီၤမၤဧိၣ်န့ၣ်မ့ၢ်ဘ့ၤသစူၢ်အပၢ်လီၤ.
46ဒီးစီၤကၤလ့းအသံၣ်မါနီၢ်ဧ့ၤဖၣ်ဆံးစၢ်န့ၢ်စီၤဃၤရၣ်,ဒီးစီၤမိစၤ,ဒီးစီၤက့စ့းလီၤ.ဒီးစီၤဃၤရၣ်န့ၣ်ထီၣ်ဖိစီၤက့စ့းလီၤ.
47ဒီးစီၤယ့ၤဒဲအဖိခွါမ့ၢ်စီၤရ့ၤက့ၣ်,ဒီးစီၤယိၤသၣ်,ဒီးစီၤက့ၡၣ်,ဒီးစီၤပ့လ့း,ဒီးစီၤဧ့ၤဖၣ်,ဒီးစီၤယၡၤဧာ်လီၤ.
48စီၤကၤလ့းအသံၣ်မါနီၢ်မၤကၤဆံးစၢ်န့ၢ်စီၤရှ့ဘ့ၢ်,ဒီးစီၤတ့ၢ်ဃနၤ,
49ဒီးဆံးစၢ်န့ၢ်စီၤၡၤဧာ်,မၤဒမးနၤအပၢ်,စီၤၡဝၤ,မၤကဘ့နၤအပၢ်,ဒီးကံဘဧၤအပၢ်လီၤ.ဒီးစီၤကၤလ့းအဖိမုၣ်မ့ၢ်နီၢ်ဧၤကစ့လီၤ.
50အအံၤမ့ၢ်စီၤဃူၢ်အဖိခွါစီၤကၤလ့းအဖိခွါ,နီၢ်အ့ဖရးသးအဖိဝဲၢ်ကိစီၤၡိဘလး,ကံးရယးယဧၤရံၣ်အပၢ်,
51စီၤစၤလမၤ,ဘ့ၤသလ့ဃ့ၣ်အပၢ်,စီၤဃၤရၣ်,ဘ့ၤသကၤဒ့ၢ်အပၢ်,
52ဒီးစီၤၡိဘလး,ကံးရယးယဧၤရံၣ်အပၢ်န့ၣ်အိၣ်ဒီးအဖိခွါတဖၣ်,စီၤဃ့ၤရိအ့း,ပှၤမနူဃးဖိတဝာ်လီၤ.
53ဒီးပှၤကံးရယးယဧၤရံၣ်အဒူၣ်တဖၣ်မ့ၢ်ပှၤယံးသၢ်ဖိ,ဒီးပှၤပူၤသးဖိ,ဒီးပှၤရှူၤမသးဖိ,ဒီးပှၤမံၤၡရံဖိလီၤ.ပှၤစၤရၤသးဧၤဖိ,ဒီးပှၤအ့ၡတၤအူလးဖိလီၤစၢၤလၢအဝဲသ့ၣ်တဖၣ်န့ၣ်လီၤ.
54ဒီးစီၤစၤလမၤအဖိန့ၣ်မ့ၢ်ပှၤဘ့ၤသလ့ဃ့ၣ်ဖိ,ဒီးပှၤနတိၤဖးဖိ,ပှၤဧးတးရိးဖိ,ပှၤဘ့ၤသယိၤအးဖိ,ဒီးဖးဖီပှၤမနူဃးဖိ,ပှၤစိးရဧၤဖိ,
55ဒီးပှၤကွဲးလံာ်အဒူၣ်တဖၣ်လၢအအိၣ်အဆိးလၢယၤဘ့း,ဒီးပှၤတံရသးဖိ,ပှၤၡံမဧးဖိ,ပှၤစူးကိၤသးဖိလီၤ.အဝဲသ့ၣ်တဖၣ်န့ၣ်မ့ၢ်ပှၤက့ၣ်ဖိလၢအလီၤစၢၤလၢစီၤဃၤမးရ့ကးအပှၤဟံၣ်ဖိအပၢ်လီၤ.