1 Chronicles 25:6
အဝဲသ့ၣ်ခဲလၢာ်န့ၣ်အိၣ်ဝဲလၢအပၢ်အစုဖီလာ်လၢအုၣ်တၢ်အဂီၢ်လၢယွၤအဟံၣ်ပူၤ,အိၣ်ဝဲဒီးစှၢၣ်စှံး,သီတူၢ်,ဒီးတနၢ်လၢယွၤအဟံၣ်အတၢ်မၤအဂီၢ်,ဒ်စီၤပၤမၤလိာ်စီၤအၤစာ်,စီၤယဒူသူၣ်,ဒီးစီၤဟ့မၣ်အသိးန့ၣ်လီၤ.
S'gaw Karen Mason Bible 1853
In The King James Version
In Context
Cross References
1 Chronicles 15:16ဒီးစီၤဒၤဝံးမၤလိာ်ပှၤလ့ၤဝံဖိအခိၣ်ဒ်သိးအကပာ်အဒီပုၢ်ဝဲၢ်လၢပှၤသးဝံၣ်တၢ်ဖိ,အိၣ်ဒီးအုၣ်တၢ်အဃၢၤအဃိၢ်,တနၢ်,ဒီးသီတူၢ်,ဒီးစှၢၣ်စှံး,ဒီးထုထီၣ်အကလုၢ်သတးဒီး,မၤသီၣ်ထီၣ်ဒီးတၢ်သူၣ်ခုသးခုလီၤ.
1 Chronicles 15:22ဒီးပှၤလ့ၤဝံဖိအခိၣ်စီၤကံနၤနယၤလၢတၢ်သးဝံၣ်အဂီၢ်လီၤ.မ့ၢ်အနၢ်ပၢၢ်တၢ်ဒီး,သိၣ်လိတၢ်လၢတၢ်သးဝံၣ်အဂ့ၢ်အကျိၤလီၤ.
1 Chronicles 25:1ဒီးစီၤဒၤဝံး,ဒီးပှၤသုးမုၢ်အခိၣ်တဖၣ်နီၤဖးပှၤလၢအကသံကျံတၢ်လၢတနၢ်,သီတူၢ်,ဒီးစှၢၣ်စှံးတဖၣ်လၢစီၤအၤစာ်,ဒီးစီၤဟ့မၣ်ဒီးစီၤယဒူသူၣ်အဖိခွါတဖၣ်အတၢ်မၤအဂီၢ်,ဒီးပှၤမၤတၢ်ဖိအတၢ်ဂံၢ်ဒ်အတၢ်မၤအသိးန့ၣ်,
2 Chronicles 23:13ဒီးကွၢ်ဝဲ,ဒီးကွၢ်ကွၢ်,စီၤပၤဆၢထၢၣ်လၢအလီၢ်ထီၣ်ထီ,ဖဲတၢ်လဲၤနုာ်န့ၣ်,ဒီးပဒိၣ်ဖးဒိၣ်တဖၣ်,ဒီးပှၤအူကွဲၤတဖၣ်အိၣ်ဝဲလၢစီၤပၤအဃၢၤန့ၣ်လီၤ.ဒီးကီၢ်အပှၤဂီၢ်မုၢ်ခဲလၢာ်သူၣ်ခုသးခုဒီးအူကွဲၤ,ဒီးပှၤသးဝံၣ်တၢ်ဖိအိၣ်ဝဲဒီးဒံၣ်ဒၢပီၤဒွါ,ဒီးပှၤလၢအသိၣ်လိတၢ်စံးထီၣ်ပတြၢၤလီၤ.ဒီးနီၢ်ဧသၤလယၤဖှီအဆ့,ဒီးကိးထီၣ်,တၢ်ပူထီၣ်,တၢ်ပူထီၣ်န့ၣ်လီၤ.
Nehemiah 11:17တုၤပှၤသးဝံၣ်တၢ်လၢတၢ်စံးထီၣ်ပတြၢၤဒီး,စီၤမးတၤနယၤ,စီၤမံၤကါအဖိခွါ,စီၤစးဘဒံၤအဖိခွါ,စီၤအၤစာ်အဖိခွါန့ၣ်မ့ၢ်ပှၤအခိၣ်လၢအမၤဆိဝဲလီၤ.စီၤဘးကဘူကယၤမ့ၢ်ပှၤခံဂၤတဂၤလၢအဒီပုၢ်ဝဲၢ်အကျါ,ဒီးစီၤၡံမူၤအဖိခွါစီၤဧၤဘဒါ,စီၤကၤလလးအဖိခွါ,စီၤယဒူသူၣ်အဖိခွါလီၤ.
Nehemiah 12:46အဂ့ၢ်ဒ်အံၤ,လၢစီၤဒၤဝံး,ဒီးစီၤအၤစာ်အမုၢ်နံၤလၢပျၢၤန့ၣ်ပှၤသးဝံၣ်တၢ်ဖိ,ပှၤအုၣ်တၢ်စံးထီၣ်ပတြၢၤယွၤတဖၣ်အခိၣ်အိၣ်ဝဲလီၤ.