1 John 2:1
ယဖိဆံးသ့ၣ်ဧၢ,တၢ်တဖၣ်အံၤယကွဲးန့ၢ်သု,ဒ်သိးသုသုတမၤတၢ်ဒဲးဘးတဂ့ၤ,ဒီးပှၤမ့ၢ်မၤတၢ်ဒဲးဘးတဂၤဂၤဒီး,ပှၤသကွံၢ်ကညးန့ၢ်ပဂီၢ်လၢပၢ်အအိၣ်န့ၣ်အိၣ်တဂၤလီၤ.အဝဲဒၣ်မ့ၢ်တၢ်တီတၢ်လိၤယ့ၣ်ရှူးခရံာ်တဂၤန့ၣ်လီၤ.
S'gaw Karen Mason Bible 1853
In The King James Version
In Context
Cross References
Ezekiel 3:21မ့ၢ်နာ်သက့ဒ်န့ၣ်ဒီးနမ့ၢ်သိၣ်က့ၤပှၤတီပှၤလိၤ,ဒ်သိးပှၤတီပှၤလိၤအသုတမၤတၢ်ဒဲးဘးတဂ့ၤဒီး,ပှၤတီပှၤလိၤန့ၣ်မ့ၢ်တမၤတၢ်ဒဲးဘးဒီး,မူဒီးကမူဝဲလီၤ.အဂ့ၢ်ဒ်အံၤ,ဒိးတၢ်သိၣ်က့ၤအီၤလီၤ.ဒီးနဲဒၣ်အံၤနမၤပူၤမၤဖျဲးနသးလီၤ.
Luke 10:22ဒီးဃၣ်ဃီၤအသးဆူအပျဲၢ်အဘီၣ်အအိၣ်ဒီးစံးဝဲဒၣ်,ယပၢ်န့ၣ်ဟ့ၣ်လီၤလံယၤလၢတၢ်ခဲလၢာ်လံ.ဒီးမ့တမ့ၢ်ဘၣ်ပၢ်န့ၣ်ဒီး,ပှၤတသ့ၣ်ညါဘၣ်ဖိခွါနီတဂၤဘၣ်.ဒီးမ့တမ့ၢ်ဘၣ်ဖိခွါ,ဒီးပှၤလၢဖိခွါဘၣ်အသးလၢအကလီၣ်ဖျါပၢ်လၢအီၤတဖၣ်န့ၣ်ဒီး,ပှၤတသ့ၣ်ညါဘၣ်ပၢ်နီတဂၤဘၣ်.
John 5:19မၤသးဒ်န့ၣ်ဒီး,ယ့ၣ်ရှူးကတိၤဆၢတၢ်ဒီးစံးဘၣ်အီၤ,ယစံးဘၣ်တဲဘၣ်သုတီတီလိၤလိၤ,ဖိခွါမၤဒၣ်တၢ်တသ့ဘၣ်နီတမံၤဘၣ်.မၤဝဲသ့ထဲတၢ်လၢအထံၣ်လၢပၢ်မၤန့ၣ်လီၤ.အဂ့ၢ်ဒ်အံၤ,ဖဲဒၣ်ပၢ်မၤတၢ်တမံၤလၢ်လၢ်န့ၣ်,ဖိခွါမၤစ့ၢ်ကီးဝဲလီၤ.
John 6:27တၢ်အီၣ်လၢအဟးဂီၤဒၣ်တၢ်အဂီၢ်န့ၣ်,သုတမၤတဂ့ၤ.မ့မ့ၢ်တၢ်အီၣ်လၢအအိၣ်ဝဲဆိးဝဲလၢတၢ်မူလီၤထူလီၤယိာ်,လၢပှၤကညီဖိခွါကဟ့ၣ်လီၤသုန့ၣ်မၤတက့ၢ်.အဂ့ၢ်ဒ်အံၤ,အဝဲဒၣ်န့ၣ်ပၢ်ယွၤတဂၤစဲပနီၣ်ဃာ်ဝဲလီၤ.
John 10:15ဒ်ပၢ်သ့ၣ်ညါယၤ,ဒီးယသ့ၣ်ညါပၢ်အသိးန့ၣ်လီၤ.ဒီးယပာ်လီၤကွံာ်ယသးသမူလၢသိအဂီၢ်လီၤ.
John 14:6ယ့ၣ်ရှူးစံးဘၣ်အီၤ,ယဲဒၣ်အံၤယမ့ၢ်ကျဲ,ဒီးတၢ်မ့ၢ်တၢ်တီ,ဒီးတၢ်မူလီၤ.မ့တမ့ၢ်ဘၣ်ယၤဒီး,ပှၤတဟဲဘၣ်ဆူပၢ်အအိၣ်နီတဂၤဘၣ်.