2 Chronicles 20:1
ဒီးလၢတၢ်န့ၣ်တဖၣ်အလီၢ်ခံတၢ်မၤအသးလၢပှၤမိၤအးဖိ,ဒီးပှၤဧၣ်မိၣ်ဖိ,ဒီးပှၤမူနးဖိအိၣ်ဒီးအီၤသ့ၣ်တဖၣ်ဟဲဝဲဆူစီၤယဟိၡၤဖးအအိၣ်,ဒ်သိးအကဒုးတၢ်လီၤ.
S'gaw Karen Mason Bible 1853
In The King James Version
In Context
Cross References
1 Chronicles 4:41ဒီးအဝဲသ့ၣ်လၢအမံၤကွဲးအသးတဖၣ်န့ၣ်ဟဲဝဲလၢယူဒၤအစီၤပၤဃံးစကံယၤအမုၢ်နံၤတဖၣ်,ဒီးကျီကွံာ်အဒဲတဖၣ်,ဒီးတၢ်အိၣ်အလီၢ်တဖၣ်လၢအထံၣ်န့ၢ်ဖဲန့ၣ်,ဒီးမၤဟးဂူာ်ဟးဂီၤကွံာ်အီၤတုၤမုၢ်မဆါတနံၤအံၤ,ဒီးအိၣ်ဝဲဆိးဝဲလၢအလီၢ်ပူၤလီၤ.အဂ့ၢ်ဒ်အံၤတၢ်အီၣ်ဆၣ်လၢအသိအမဲာ်တဲးလဲးတဖၣ်အဂီၢ်န့ၣ်အိၣ်ဝဲလီၤ.
2 Chronicles 19:2ဒီးပှၤထံၣ်တၢ်စီၤဃနၤနံအဖိခွါစီၤယ့ၤဟူလဲၤသဂၢၢ်ထီၣ်အီၤ,ဒီးစံးဘၣ်စီၤပၤယဟိၡၤဖး,နကမၤစၢၤပှၤတတီတလိၤ,ဒီးအဲၣ်ပှၤလၢအသးဟ့ယွၤန့ၣ်ဧါ.တၢ်သးထီၣ်ဘၣ်နၤလၢယွၤအမဲာ်ညါလၢတၢ်န့ၣ်အဃိလီၤ.
2 Chronicles 19:11ဒီးကွၢ်ကွၢ်,ပှၤလုၢ်တၢ်အဒိၣ်အခိၣ်စီၤအမၤရယၤအိၣ်ဝဲလၢသုဖီခိၣ်လၢကယဲၢ်တၢ်ဘၣ်ဃးဒီးယွၤ,ဒီးယူဒၤအပှၤဟံၣ်ဖိအခိၣ်စီၤယံးၡမၤဧ့လးအဖိခွါစီၤစဘၤဒယၤလၢကယဲၢ်တၢ်ဘၣ်ဃးဒီးစီၤပၤ,ဒီးပှၤလ့ၤဝံဖိကကဲထီၣ်ပဒိၣ်တဖၣ်လၢသုမဲာ်ညါလီၤ.ပာ်ဆူၣ်ထီၣ်သုသး,ဒီးမၤတၢ်တက့ၢ်.ဒီးယွၤကအိၣ်ဒီးပှၤအဂ့ၤလီၤ.
2 Chronicles 32:1တၢ်န့ၣ်တဖၣ်,ဒီးအအိၣ်ဂၢၢ်ဆိးကျၢၤတ့ၢ်ဝဲအလီၢ်ခံဒီး,အၤရှူၢ်အစီၤပၤစၤနဃ့ရံာ်ဟဲဝဲ,ဒီးဟဲနုာ်လၢယူဒၤ,ဒီးသူၣ်ဒဲထီဒါဝ့ၢ်အိၣ်ဒီးအခိၣ်ဒူတဖၣ်,ဒီးသါကမၤန့ၢ်ဘၣ်အီၤလၢအဂီၢ်ဒၣ်ဝဲလီၤ.
Isaiah 7:1ဒီးလၢယူဒၤအစီၤပၤစီၤဧူးစံယါအဖိခွါ,စီၤယိၤသၣ်အဖိခွါ,စီၤအၤဃးအမုၢ်နံၤတဖၣ်န့ၣ်တၢ်မၤအသးလၢပှၤစူၤရံအစီၤပၤရစံၣ်,ဒီးအံၣ်စရ့လးအစီၤပၤစီၤရမါလယၤအဖိခွါစီၤပ့ကးန့ၣ်ဟဲထီၣ်ဝဲဆူယရူၤၡလ့ၣ်ဒ်သိးအကဒုးတၢ်ဒီးအီၤ,ဒီးဒုးန့ၢ်ဝဲတသ့ဘၣ်လီၤ.
Isaiah 16:6ပနၢ်ဟူလံလၢမိၤအးအသးထီၣ်ထီအဂ့ၢ်အကျိၤန့ၣ်,လၢအပာ်အသးထီၣ်ထီနးမး,လၢအပာ်ကဖိအသး,ဒီးလၢအပာ်အသးကဖိလိ,ဒီးလၢအသးကဲၤထီၣ်,အပာ်ကဖိအသးန့ၣ်တမ့ၢ်ဘၣ်တၢ်ဘၣ်န့ၣ်လီၤ.