2 Chronicles 23:17

ဒီးပှၤဂီၢ်မုၢ်ခဲလၢာ်လဲၤဆူဘဧၤလးအဟံၣ်ပူၤ,ဒီးမၤလီၤပှီၢ်ဝဲ,ဒီးမၤကၢ်လီၤကလဲအတၢ်လုၢ်လီၢ်ဒီးအတၢ်ဂီၤ,ဒီးမၤသံဘဧၤလးအပှၤလုၢ်တၢ်အဒိၣ်စီၤမးတၣ်လၢတၢ်လုၢ်လီၢ်တဖၣ်အမဲာ်ညါလီၤ.

S'gaw Karen Mason Bible 1853

In The King James Version

Then all the people went to the house of Baal, and brake it down, and brake his altars and his images in pieces, and slew Mattan the priest of Baal before the altars.

In Context

16ဒီးစီၤယဟိယဒါအၢၣ်လီၤအီလီၤတၢ်,ဒီးဒုးအၢၣ်လီၤပှၤဂီၢ်မုၢ်ခဲလၢာ်,ဒီးစီၤပၤဒ်သိးအကကဲထီၣ်ယွၤအပှၤဂီၢ်မုၢ်လီၤ.

18ဒီးစီၤယဟိယဒါပာ်လီၤယွၤအဟံၣ်အတၢ်မၤတဖၣ်,လၢပှၤလုၢ်တၢ်အဒိၣ်ပှၤလ့ၤဝံဖိအစုပူၤ,လၢစီၤဒၤဝံးနီၤဖးဝဲအဆၢလၢယွၤအဟံၣ်ပူၤဒ်သိးအကလုၢ်ယွၤလၢတၢ်လုၢ်မ့ၣ်အူ,ဒ်တၢ်ကွဲးအသးလၢစီၤမိၤရှ့အတၢ်သိၣ်တၢ်သီအသိးန့ၣ်အိၣ်ဒီးတၢ်သူၣ်ခုသးခု,ဒီးသးဝံၣ်တၢ်ဒ်စီၤဒၤဝံးမၤလိာ်ဝဲအသိးန့ၣ်လီၤ.

Read all of 2 Chronicles 23

Cross References

Deuteronomy 12:3ဒီးသုဘၣ်မၤဟးဂီၤကွံာ်အတၢ်လုၢ်လီၢ်တဖၣ်ဒီးမၤကၢ်ကွံာ်အထူၣ်တဖၣ်,ဒီးဆူးထီၣ်ကွံာ်အရှ့ရၤလၢမ့ၣ်အူ,ဒီးကူာ်ကွံာ်အကစၢ်တဖၣ်အတၢ်ဂီၤစိးပျၤအသး,ဒီးမၤဟးဂီၤကွံာ်အမံၤလၢအလီၢ်ဖဲန့ၣ်လီၤ.

1 Kings 18:40ဒီးစီၤအ့ၤလံယၤစံးဘၣ်အီၤဟံးဃာ်ဘဧၤလးအဝံတဖၣ်န့ၣ်တက့ၢ်.ဒုးပူၤဖျဲးအီၤနီတဂၤတဂ့ၤ.ဒီးအဝဲသ့ၣ်ဟံးဃာ်အီၤ,ဒီးစီၤအ့ၤလံယၤစိာ်ထီၣ်အီၤဆူထံကျိကံၡိၣ်,ဒီးမၤသံအီၤဖဲန့ၣ်လီၤ.

2 Kings 11:18ဒီးကီၢ်အပှၤဂီၢ်မုၢ်ခဲလၢာ်လဲၤနုာ်ဆူဘဧၤလးအဟံၣ်ပူၤ,ဒီးမၤလီၤပှီၢ်အီၤ,ဒီးမၤကၢ်လီၤကလဲအတၢ်လုၢ်လီၢ်,ဒီးအတၢ်ဂီၤ,ဒီးမၤသံဘဧၤလးအပှၤလုၢ်တၢ်အဒိၣ်စီၤမးတၣ်လၢတၢ်လုၢ်လီၢ်တဖၣ်အမဲာ်ညါလီၤ.ဒီးပှၤလုၢ်တၢ်အဒိၣ်န့ၣ်ပာ်လီၤပဒိၣ်ဖးဒိၣ်တဖၣ်လၢယွၤအဟံၣ်အဖီခိၣ်လီၤ.

2 Chronicles 34:4ဒီးပှၤမၤလီၤပှီၢ်ကွံာ်ဘဧၤလးအတၢ်လုၢ်လီၢ်လၢအမဲာ်ညါ,ဒီးတၢ်ဂီၤဃမၣ်လၢအအိၣ်ထီၣ်ထီလၢအဖီခိၣ်န့ၣ်ကူာ်လီၤကွံာ်ဝဲလီၤ.ဒီးအရှ့ရၤ,ဒီးတၢ်ဂီၤစိးပျၤအသး,ဒီးတၢ်ဂီၤသိအသးန့ၣ်မၤလီၤကလဲကွံာ်ဝဲ,ဒီးမၤဝဲလၢတၢ်အကမူၣ်,ဒီးဖှံဝဲလၢပှၤလၢအလုၢ်တၢ်လၢအီၤတဖၣ်အသွၣ်ခိၣ်အဖီခိၣ်န့ၣ်လီၤ.

Isaiah 2:18ဒီးတၢ်ဂီၤတၢ်ဖီၣ်န့ၣ်ကဟါမၢ်ကွံာ်ဝဲခဲလၢာ်လီၤ.

This Verse In Other Editions

Study 2 Chronicles 23:17