2 Peter 3:17

မၤသးဒ်န့ၣ်ဒီး,ပှၤလၢတၢ်အဲၣ်အီၤသုဝဲသ့ၣ်ဧၢ,မ့ၢ်သုသ့ၣ်ညါပာ်သတးဒီး,ပလီၢ်သုသးဒ်သိးတၢ်သုတကလံာ်န့ၢ်သုလၢပှၤတတီတလိၤဘၣ်အတၢ်လီတၢ်ဝ့ၤတဂ့ၤ,ဒ်သိးသုသုတလီၤတဲာ်ကွံာ်လၢသုတၢ်ဂၢၢ်တၢ်ကျၢၤဒၣ်သုဝဲန့ၣ်တဂ့ၤ.

S'gaw Karen Mason Bible 1853

In The King James Version

Ye therefore, beloved, seeing ye know these things before, beware lest ye also, being led away with the error of the wicked, fall from your own stedfastness.

In Context

16ဒ်အကတိၤတၢ်လၢအလံာ်ကွဲးခဲလၢာ်လၢအကတိၤတၢ်လၢအပူၤလၢတၢ်တဖၣ်အံၤအဂ့ၢ်စ့ၢ်ကီးအသိးလီၤ.လၢအဝဲန့ၣ်အပူၤတၢ်တနီၤနီၤပှၤနၢ်ပၢၢ်ကီ,ဒီးပှၤတသ့ဘၣ်လံာ်ဒီးပှၤတဂၢၢ်တကျၢၤဘၣ်တဖၣ်န့ၣ်,ဘိးကဒါဝဲ,ဒ်တၢ်ကွဲးအသးအဂၤတဖၣ်အသိးစ့ၢ်ကီး,လၢအကစၢ်ဒၣ်ဝဲအတၢ်ဟးဂီၤအဂီၢ်လီၤ.

18မ့မ့ၢ်ဒိၣ်ထီၣ်သုဝဲလၢတၢ်ဘျုးတၢ်ဖှိၣ်,ဒီးလၢတၢ်သ့ၣ်ညါတၢ်အုၣ်က့ၤခီၣ်က့ၤပှၤပကစၢ်ယ့ၣ်ရှူးခရံာ်အပူၤန့ၣ်တက့ၢ်.တုၤအံၤဆူညါ,မ်တၢ်လၤကပီၤအိၣ်ဒီးအီၤလီၤစိၤလီၤထီတက့ၢ်.အၤမ့ၣ်.

Read all of 2 Peter 3

Cross References

Matthew 7:15ပလီၢ်သုသးလၢဝံအဘျၣ်လၢအဟဲဆူသုအိၣ်,သိးဒီးသိအကူအသိးဒီးလၢအပူၤန့ၣ်မ့ၢ်ထွံၣ်မံၤလၢအဒူတဖၣ်န့ၣ်တက့ၢ်.

Matthew 16:11ယစံးဘၣ်သု,ပလီၢ်သုသးလၢပှၤဖၤရံၤရှဲဒီးပှၤစးဒူၤကဲသ့ၣ်တဖၣ်အကိၣ်မံၣ်န့ၣ်,ယတစံးဘၣ်သုလၢကိၣ်အဂ့ၢ်အကျိၤဘၣ်န့ၣ်,ဘၣ်မနုၤလၢသုနၢ်တပၢၢ်ဘၣ်လဲၣ်.

Mark 13:22အဂ့ၢ်ဒ်အံၤ,ခရံာ်အဘျၣ်တဖၣ်ဒီးဝံအဘျၣ်တဖၣ်ကအိၣ်ထီၣ်ဝဲ,ဒီးကဟ့ၣ်တၢ်အပနီၣ်လီၤလးဒီးတၢ်လီၤလိၢ်လီၤလးသ့ၣ်တဖၣ်,ဒ်သိးမ့ၢ်သ့ဒီး,ကလီန့ၢ်ပှၤလၢအဘၣ်တၢ်ဃုထၢအီၤတဖၣ်ဒၣ်လဲာ်လီၤ.

Acts 2:42ဒီးအဝဲသ့ၣ်တဖၣ်န့ၣ်,အိၣ်ဝဲတဘိယူၢ်ဃီလၢပှၤတၢ်မၢဖိအတၢ်သိၣ်တၢ်သီအပူၤ,ဒီးလၢတၢ်ရ့လိာ်,ဒီးတၢ်စိၢ်ဘျဲးကိၣ်,ဒီးတၢ်ဘါထုကဖၣ်အပူၤလီၤ.

1 Corinthians 10:12မၤသးဒ်န့ၣ်ဒီးပှၤလၢအဆိကမိၣ်လၢအအိၣ်ဆၢထၢၣ်န့ၣ်,ဒ်သိးအသုတလီၤဃံၤတဂ့ၤဒီး,မ်အပလီၢ်အသးတက့ၢ်.

2 Corinthians 11:3ဘၣ်ဆၣ်ဒီးဒ်ဂုၢ်လီန့ၢ်နီၢ်အံၣ်အုလၢအတၢ်လီတၢ်ဝ့ၤအသိးန့ၣ်,ယဘၣ်ယိၣ်လၢတၢ်ကမၤဟးဂီၤကွံာ်သုသးလၢတၢ်တီတၢ်လိၤဘၣ်ဃးဒီးခရံာ်လီၤ.

This Verse In Other Editions

Study 2 Peter 3:17