Acts 2:43
ဒီးတၢ်လီၤလိၢ်လီၤလး,ဒီးတၢ်ပနီၣ်လီၤလးမၤအသးအါမံၤလၢပှၤတၢ်မၢဖိတဖၣ်အစုပူၤ,ဒီးတၢ်သူၣ်ပျံၤသးပျံၤလီၤဘၣ်လၢပှၤအသးကိးအဂၤဒဲးလီၤ.
S'gaw Karen Mason Bible 1853
In The King James Version
And fear came upon every soul: and many wonders and signs were done by the apostles.
In Context
44ဒီးပှၤလၢအစူၢ်က့ၤနာ်က့ၤခဲလၢာ်န့ၣ်,အိၣ်လၢအလီၢ်တပူၤဃီ,ဒီးပာ်ဃုာ်အတၢ်ခဲလၢာ်လီၤ.
Cross References
Esther 8:17ဒီးဖဲဒၣ်စီၤပၤအကလုၢ်,ဒီးအတၢ်မၤလိာ်ဟဲဝဲလၢကီၢ်တဘ့ၣ်လၢ်လၢ်အပူၤ,ဒီးလၢဝ့ၢ်တဝ့ၢ်လၢ်လၢ်အပူၤန့ၣ်ပှၤယူဒၤဖိအိၣ်ဝဲဒီးတၢ်သူၣ်ခုသးခု,တၢ်သူၣ်ဖှံသးညီ,တၢ်အီၣ်တၢ်အီ,ဒီးမုၢ်နံၤအဂ့ၤတနံၤလီၤ.ဒီးပှၤကီၢ်ဖိအါဂၤကဲထီၣ်ပှၤယူဒၤဖိလီၤ.အဂ့ၢ်ဒ်အံၤ,တၢ်ပျံၤပှၤယူဒၤဖိလီၤဘၣ်အလိၤလီၤ.
Hosea 3:5လၢခံက့ၤဒီး,ပှၤအံၣ်စရ့လးဖိကက့ၤကဒါက့ၤ,ဒီးကဃုယွၤအကစၢ်,ဒီးစီၤဒၤဝံးအစီၤပၤ,ဒီးကပျံၤယွၤဒီးအတၢ်ဂ့ၤတၢ်ဝါလၢမုၢ်နံၤအလီၢ်ခံတဖၣ်န့ၣ်လီၤ.
Luke 7:16ဒီးပှၤခဲလၢာ်ပျံၤတၢ်,ဒီးစံးထီၣ်ပတြၢၤယွၤဒီးစံးဝဲဒၣ်,ဝံဖးဒိၣ်တဂၤအိၣ်ထီၣ်လံလၢပကျါလံ,ဒီးယွၤဟဲအိၣ်သကိးအပှၤဂီၢ်မုၢ်လံလီၤ.
John 14:12ယစံးဘၣ်တဲဘၣ်သုတီတီလိၤလိၤ,ပှၤလၢအစူၢ်က့ၤနာ်က့ၤယၤန့ၣ်တၢ်မၤလၢယမၤန့ၣ်ကမၤစ့ၢ်ကီးဝဲ,ဒီးကမၤတၢ်ဒိၣ်န့ၢ်အန့ၣ်တက့ၢ်လီၤ.အဂ့ၢ်ဒ်အံၤ,ယက့ၤထီၣ်ဆူယပၢ်အအိၣ်,
Acts 4:33ဒီးပှၤတၢ်မၢဖိအိၣ်ဒီးအစိဒိၣ်အကမီၤဒိၣ်ဒီးအုၣ်အသးလၢကစၢ်ယ့ၣ်ရှူးဂဲၤဆၢထၢၣ်က့ၤအဂ့ၢ်,ဒီးတၢ်ဘျုးတၢ်ဖှိၣ်ဒိၣ်မးအိၣ်လၢအဝဲသ့ၣ်ခဲလၢာ်အလိၤလီၤ.
Acts 5:15မၤသးဒ်န့ၣ်ဒီးပှၤဟဲစိာ်ပှၤဘၣ်ဆူးဘၣ်ဆါတဖၣ်ဆူကျဲပူၤ,ဒီးပာ်လီၤအီၤလၢအလီၢ်မံခး,ဒီးအလီၢ်မံဖိအဖီခိၣ်,ဒ်သိးစီၤပ့းတရူးလဲၤတၢ်ဒီး,အကဒုကဘၣ်အီၤသ့ၣ်သ့ၣ်လီၤ.