Exodus 12:49
ပှၤလၢအအိၣ်ဖျဲၣ်လၢကီၢ်ပူၤ,ဒီးပှၤတခီဘီမုၢ်ဖိလၢအအိၣ်အဆိးလၢသုကျါန့ၣ်,ကအိၣ်ဒီးတၢ်သိၣ်တၢ်သီတမံၤဃီလီၤ.
S'gaw Karen Mason Bible 1853
In The King James Version
One law shall be to him that is homeborn, and unto the stranger that sojourneth among you.
In Context
50ဒီးပှၤအံၣ်စရ့လးဖိခဲလၢာ်မၤဝဲဒ်ယွၤမၤလိာ်စီၤမိၤရှ့ဒီးစီၤအၤဟရိၣ်အသိးန့ၣ်,မၤဝဲဒ်န့ၣ်လီၤ.
Cross References
Leviticus 19:34ဒီးပှၤတခီဘီမုၢ်ဖိလၢအအိၣ်အဆိးဒီးသုန့ၣ်ဘၣ်ကဲထီၣ်လၢသုမဲာ်ညါဒ်ပှၤအိၣ်ဖျဲၣ်လၢသုကျါအသိးန့ၣ်လီၤ.ဒီးနဘၣ်အဲၣ်အီၤဒ်နအဲၣ်လီၤနကစၢ်ဒၣ်နဲအသိးန့ၣ်လီၤ.အဂ့ၢ်ဒ်အံၤ,သုမ့ၢ်တ့ၢ်ပှၤတခီဘီတခီမုၢ်ဖိလၢကီၢ်အဲၤကူပတူးအပူၤလီၤ.ယဲဒၣ်အံၤယမ့ၢ်ယွၤသုကစၢ်လီၤ.
Numbers 9:14ဒီးပှၤတခီဘီမုၢ်ဖိလၢအအိၣ်အဆိးလၢသုကျါတဂၤမ့ၢ်ဘၣ်အသးလၢအကတိၢ်န့ၢ်တၢ်လဲၤကပာ်လၢယွၤအဂီၢ်,ဒ်တၢ်လဲၤကပာ်အလုၢ်အလၢ်အသိး,ဒီးဒ်တၢ်စံၣ်ညီၣ်ဘၣ်ဃးဒီးအီၤအသိးန့ၣ်ဘၣ်မၤဒ်န့ၣ်လီၤ.သုဘၣ်အိၣ်ဒီးတၢ်အလုၢ်အလၢ်တမံၤဃီလၢပှၤတခီဘီမုၢ်ဖိအဂီၢ်,ဒီးလၢပှၤလၢအအိၣ်ဖျဲၣ်လၢကီၢ်ပူၤအဂီၢ်လီၤ.
Numbers 15:16တၢ်သိၣ်တၢ်သီတမံၤဃီ,ဒီးတၢ်စံၣ်ညီၣ်တမံၤဃီအိၣ်လၢသုဂီၢ်,ဒီးပှၤတခီဘီမုၢ်ဖိလၢအအိၣ်အဆိးလၢသုကျါအဂီၢ်လီၤ.
Numbers 35:15ဝ့ၢ်ဃုဝ့ၢ်န့ၣ်ကကဲထီၣ်တၢ်တူၢ်လိာ်တၢ်လၢပှၤအံၣ်စရ့လးဖိအဂီၢ်,ဒီးလၢပှၤတခီဘီမုၢ်ဖိအဂီၢ်,ဒီးလၢပှၤလၢအအိၣ်အဆိးလၢအကျါအဂီၢ်,ဒ်သိးပှၤလၢအမၤသံပှၤတဂၤဂၤလၢအဟးဖျိးတၢ်အဃိန့ၣ်ကဃ့ၢ်ပူၤဖျဲးဖဲန့ၣ်ကိးဂၤဒဲးလီၤ.
Colossians 3:11ဖဲန့ၣ်ပှၤဟ့းလ့ၣ်ဖိဒီးပှၤယူဒၤဖိတအိၣ်,ပှၤဒိးတၢ်ကူးတရံးဒီးပှၤတဒိးဘၣ်တၢ်ကူးတရံးတအိၣ်,ပှၤပှၢ်လၢ်ကျါဖိ,ပှၤစကူသ့ၤဖိ,ပှၤကုၢ်ဖိ,ပှၤသဘျ့ဖိတအိၣ်ဘၣ်,မ့မ့ၢ်ခရံာ်မ့ၢ်တၢ်ခဲလၢာ်,ဒီးအိၣ်ဝဲလၢတၢ်ခဲလၢာ်အပူၤလီၤ.