Exodus 15:26

ဒီးစံးဝဲဒၣ်,နမ့ၢ်ကနၣ်ယွၤနကစၢ်အကလုၢ်သပှၢ်တၢၢ်,ဒီးမၤတၢ်တီတၢ်လိၤလၢအမဲာ်ညါ,ဒီးပာ်နၢ်ဟူနနၢ်လၢအတၢ်မၤလိာ်,ဒီးတိၢ်န့ၢ်ဖံးဃာ်အတၢ်သိၣ်တၢ်သီခဲလၢာ်ဒီး,တၢ်ဆူးတၢ်ဆါလၢယဒုးဘၣ်ပှၤအဲၤကူပတူးဖိန့ၣ်ယတပာ်ဘၣ်လၢနလိၤနီတမံၤဘၣ်.အဂ့ၢ်ဒ်အံၤ,ယမ့ၢ်ယွၤလၢအမၤဘျါက့ၤနၤလီၤ.

S'gaw Karen Mason Bible 1853

In The King James Version

And said, If thou wilt diligently hearken to the voice of the LORD thy God, and wilt do that which is right in his sight, and wilt give ear to his commandments, and keep all his statutes, I will put none of these diseases upon thee, which I have brought upon the Egyptians: for I am the LORD that healeth thee.

In Context

25ဒီးစီၤမိၤရှ့ကိးထီၣ်ယွၤ,ဒီးယွၤဒုးနဲၣ်အီၤလၢသ့ၣ်တထံးလီၤ.ဒီးတ့ၢ်လီၤဝဲလၢထံကျါဒီးထံဘျါထီၣ်ဝဲလီၤ.ဖဲန့ၣ်ပာ်တၢ်သိၣ်တၢ်သီ,ဒီးတၢ်စံၣ်ညီၣ်လၢအဂီၢ်,ဒီးဖဲန့ၣ်မၤကွၢ်အီၤလီၤ.

27ဒီးဟဲတုၤလၢအ့လံၣ်,ဖဲထံပူၤတဆံခံပူၤဒီးသ့ၣ်စူၣ်ပလိၣ်အိၣ်အထံးနွံဆံ,ဒီးသူၣ်အဒဲလၢထံအဃၢၤလီၤ.

Read all of Exodus 15

Cross References

Exodus 9:10ဒီးအဝဲသ့ၣ်တဖၣ်န့ၣ်ဟံးန့ၢ်ဖၣ်ကပူၤအဖၣ်ဆါ,ဒီးဆၢထၢၣ်လၢဖၤရိၤအမဲာ်ညါ,ဒီးစီၤမိၤရှ့ဖှံထီၣ်ဝဲဆူမူခိၣ်,ဒီးကဲထီၣ်ဝဲလၢတၢ်ဝ့တၢ်ကျူၤဖးထီၣ်လၢတၢ်ပူၤလီၢ်လၢပှၤကညီအလိၤ,ဒီးဆၣ်ဖိကီၢ်ဖိအလိၤလီၤ.

Exodus 19:5ဒီးခဲကနံၣ်အံၤသုမ့ၢ်ဒိကနၣ်ယကလုၢ်သပှၢ်တၢၢ်,ဒီးတိၢ်န့ၢ်ယတၢ်အၢၣ်လီၤအီလီၤဒီး,သုကကဲထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်ဒိၣ်န့ၢ်ပှၤကလုာ်ခဲလၢာ်တက့ၢ်လီၤ.အဂ့ၢ်ဒ်အံၤ,ဟီၣ်ခိၣ်ဒီဘ့ၣ်ညါမ့ၢ်ယတၢ်လီၤ.

Leviticus 26:3သုမ့ၢ်လဲၤတၢ်လၢယလုၢ်ယလၢ်အပူၤ,ဒီးတိၢ်န့ၢ်ယတၢ်မၤလိာ်,ဒီးမၤအီၤဒီး,

Numbers 12:13ဒီးစီၤမိၤရှ့ကိးထီၣ်ဆူယွၤဒီးစံးဝဲဒၣ်,ကစၢ်ဧၢ,မၤဘျါက့ၤလၢ်အီၤတက့ၢ်.

Deuteronomy 7:12ဒီးတၢ်ကမၤအသးလၢသုမ့ၢ်ကနၣ်တၢ်စံၣ်ညီၣ်အံၤ,ဒီးတိၢ်န့ၢ်,ဒီးမၤအီၤဒီး,ယွၤနကစၢ်ကတိၢ်န့ၢ်တၢ်အၢၣ်လီၤအီလီၤ,ဒီးတၢ်ဘျုးတၢ်ဖှိၣ်လၢနဂီၢ်လၢအဆိၣ်တၢ်ဒီးနပၢ်တဖၣ်လီၤ.

Deuteronomy 12:28တိၢ်န့ၢ်,ဒီးဒိကနၣ်ကယဲၢ်တၢ်ကတိၤလၢယမၤလိာ်နၤ,ဒ်သိးတုၤနမၤတၢ်အဂ့ၤအဘၣ်လၢယွၤနကစၢ်အမဲာ်ညါဒီး,တၢ်ကဂ့ၤလၢနဂီၢ်,ဒီးလၢနဖိနလံၤလၢနလီၢ်ခံန့ၣ်အဂီၢ်လီၤစိၤလီၤထီတက့ၢ်.

This Verse In Other Editions

Study Exodus 15:26