Ezekiel 16:14
ဒီးနမံၤဟူထီသါလီၤလၢနဃံနလၤအဃိလၢပှၤကလုာ်တဖၣ်အကျါလီၤ.အဂ့ၢ်ဒ်အံၤ,မ့ၢ်အလၢအပှဲၤလၢတၢ်အဂ့ၤအဘၣ်လၢယပာ်လၢနလိၤအဃိန့ၣ်လီၤ,ယွၤစံးဝဲဒၣ်.
S'gaw Karen Mason Bible 1853
In The King James Version
In Context
Cross References
Deuteronomy 4:32အဂ့ၢ်ဒ်အံၤ,သံကွၢ်လၢ်မုၢ်နံၤမုၢ်နၤလၢအခီၣ်ထံး,လၢအအိၣ်တ့ၢ်လၢနတချုးအိၣ်ဒံးဘၣ်လၢမုၢ်တနံၤလၢယွၤတ့ပှၤကညီလၢဟီၣ်ခိၣ်ချၢ,ဒီးသံကွၢ်တၢ်လၢမူခိၣ်အအံၤတခီပၢၢ်လၢမူခိၣ်အန့ၣ်တခီ,တၢ်မၤအသးဒ်တၢ်ဒိၣ်တမံၤအံၤအသိး,တၢ်နၢ်ဟူတၢ်ဒ်အဝဲန့ၣ်အသိးအိၣ်စ့ၢ်ကီးဧါ.
Joshua 9:6ဒီးလဲၤဝဲဆူစီၤယိၤရှူအအိၣ်လၢပှၤသူၣ်ဒဲအလီၢ်လၢကံးလကၤလးအပူၤ,ဒီးစံးဘၣ်အီၤဒီးပှၤအံၣ်စရ့လးအပှၤကညီတဖၣ်,ပဟဲလၢထံယံၤကီၢ်ယံၤ,ဒီးခဲကနံၣ်အံၤ,အၢၣ်လီၤအီလီၤတၢ်အၢၣ်လီၤအီလီၤဒီးပှၤတက့ၢ်.
1 Kings 10:24ဒီးဟီၣ်ခိၣ်ဖိဃုစီၤၡလိၤမိၤအမဲာ်ခဲလၢာ်ဒ်သိးအကနၢ်ဟူအတၢ်ကူၣ်သ့လၢယွၤပာ်လီၤဝဲလၢအသးကံၢ်ပူၤလီၤ.
2 Chronicles 9:23ဒီးဟီၣ်ခိၣ်အစီၤပၤဃုစီၤၡလိၤမိၤအမဲာ်ခဲလၢာ်ဒ်သိးအကနၢ်ဟူအတၢ်ကူၣ်သ့လၢယွၤပာ်လီၤဝဲလၢအသးကံၢ်ပူၤန့ၣ်လီၤ.
Ezekiel 5:5ကစၢ်ယွၤစံးဒ်အံၤ,အဝဲအံၤမ့ၢ်ယရူၤၡလ့ၣ်လီၤ.ယပာ်လီၤအီၤလၢပှၤကလုာ်တဖၣ်,ဒီးထံဧိၤကီၢ်ဧိၤအိၣ်ဝးတရံးအီၤတဖၣ်အသးကံၢ်ပူၤလီၤ.