Ezekiel 32:24

ဧ့ၤလၣ်ဒီးအပှၤဂီၢ်မုၢ်ခဲလၢာ်အိၣ်ဝးတရံးဝဲလၢအတၢ်သွၣ်ခိၣ်ပူၤ,ဘၣ်တၢ်မၤသံအီၤခဲလၢာ်,လီၤဃံၤဝဲလၢနးဧိၤဘီဧိၤ,တဒိးဘၣ်တၢ်ကူးတရံးဘၣ်ဒီး,လဲၤလီၤဝဲဆူဟီၣ်ခိၣ်လာ်,ပှၤလၢအမၤပျံၤတၢ်လၢကီၢ်မူအပူၤလီၤ,ဒီးတူၢ်လံအတၢ်မဲာ်ဆှးဒီးပှၤလၢအလဲၤလီၤဆူတၢ်ပူၤန့ၣ်လီၤ.

S'gaw Karen Mason Bible 1853

In The King James Version

There is Elam and all her multitude round about her grave, all of them slain, fallen by the sword, which are gone down uncircumcised into the nether parts of the earth, which caused their terror in the land of the living; yet have they borne their shame with them that go down to the pit.

In Context

23အတၢ်သွၣ်ခိၣ်အိၣ်ဝဲလၢတၢ်ပူၤအခံဒး,ဒီးအတၢ်အိၣ်ဖှိၣ်ဝးတရံးဝဲအတၢ်သွၣ်ခိၣ်ပူၤလီၤ.ဘၣ်တၢ်မၤသံအီၤခဲလၢာ်,လီၤဃံၤဝဲလၢနးဧိၤဘီဧိၤ,ပှၤလၢအမၤပျံၤတၢ်လၢကီၢ်မူအပူၤန့ၣ်လီၤ.

25ပှၤပာ်လီၤန့ၢ်အီၤလၢအလီၢ်မံအိၣ်ဒီးအပှၤဂီၢ်မုၢ်ခဲလၢာ်လၢပှၤဘၣ်တၢ်မၤသံအီၤအကျါ,အတၢ်သွၣ်ခိၣ်ပူၤတဖၣ်အိၣ်ဝးတရံးအီၤလီၤ.တဒိးဘၣ်တၢ်ကူးတရံးနီတဂၤဘၣ်ဒီး,ဘၣ်တၢ်မၤသံအီၤလီၤ.မၤပျံၤတၢ်လၢကီၢ်မူအပူၤဘၣ်ဆၣ်ဒီး,တူၢ်လံအတၢ်မဲာ်ဆှးဒ်ပှၤလၢအလဲၤလီၤတ့ၢ်ဆူတၢ်ပူၤအသိးလီၤ.တၢ်ပာ်လီၤအီၤလၢပှၤလၢအဘၣ်တၢ်မၤသံအီၤအကျါလီၤ.

Read all of Ezekiel 32

Cross References

Genesis 10:22ဒီးစီၤရှ့ၣ်အဖိခွါတဖၣ်မ့ၢ်စီၤဧ့ၤလၣ်,ဒီးစီၤအၤရှူၢ်,ဒီးစီၤအၢ်ဖးၡး,ဒီးစီၤလူး,ဒီးစီၤအရၣ်လီၤ.

1 Chronicles 1:17ဒီးစီၤရှ့ၣ်အဖိခွါမ့ၢ်စီၤဧ့ၤလၣ်,ဒီးစီၤအၤရှူၢ်,ဒီးစီၤအၢ်ဖးၡးဒီးစီၤလူး,ဒီးစီၤအရၣ်,ဒီးစီၤဧူးစး,ဒီးစီၤဃူလး,ဒီးစီၤက့သၢ်,ဒီးစီၤမ့ၤရှ့းလီၤ.

Isaiah 11:11ဒီးလၢမုၢ်တနံၤန့ၣ်တၢ်ကမၤအသးလၢယွၤကယူာ်ထီၣ်အစုပှဲၤထီၣ်ခံဘျီတဘျီ,ဒ်သိးအကမၤန့ၢ်က့ၤအတၢ်အိၣ်လီၤတဲာ်လၢအအိၣ်လီၤတဲာ်လၢအၤရှူၢ်,ဒီးလၢအဲၤကူပတူး,ဒီးလၢပၤသြိၣ်,ဒီးလၢကူၤၡး,ဒီးလၢဧ့ၤလၣ်,ဒီးလၢၡံနၢ်,ဒီးလၢဃမါသး,ဒီးလၢပီၣ်လဲၣ်အကီးတဖၣ်န့ၣ်လီၤ.

Jeremiah 25:25ဒီးစံၣ်ရံၤအစီၤပၤခဲလၢာ်,ဒီးဧ့ၤလၣ်အစီၤပၤခဲလၢာ်,ဒီးပှၤမၤဒဲဖိအစီၤပၤခဲလၢာ်,

Ezekiel 16:52နဲဒၣ်အံၤအိၣ်စ့ၢ်ကီးဒီးနမဲာ်ဆှးဒၣ်နဲလၢနစံၣ်ညီၣ်နဒီပုၢ်ဝဲၢ်မုၣ်အဃိတက့ၢ်.အဂ့ၢ်ဒ်အံၤ,အဝဲသ့ၣ်တဖၣ်န့ၣ်တီန့ၢ်နၤတက့ၢ်လၢနတၢ်ဒဲးဘးလၢနမၤတၢ်သးဘၣ်အၢနးန့ၢ်အဝဲသ့ၣ်တက့ၢ်အဃိလီၤ.မ့ၢ်မးပာ်ဆှးနမဲာ်ဒီးအိၣ်ဒၣ်တၢ်ဒီးနမဲာ်ဆှးတက့ၢ်.

Ezekiel 26:20ယကဆီၣ်လီၤနၤပၢၢ်လၢအလဲၤလီၤဆူတၢ်ပူၤ,ပှၤဂီၢ်မုၢ်လၢအအိၣ်လၢပျၢၤ,ဒီးယကဒုးအိၣ်နၤလၢဟီၣ်ခိၣ်လာ်လၢအလီၢ်အိၣ်သယုၢ်လၢပျၢၤ,အိၣ်ဒီးပှၤလၢအလဲၤလီၤဆူတၢ်ပူၤ,ဒ်သိးပှၤအသုတအိၣ်တဆိးလၢၤလၢနပူၤတဂ့ၤ,ဒီးယကပာ်တၢ်လၤကပီၤလၢတၢ်မူအကီၢ်ပူၤလီၤ.

This Verse In Other Editions

Study Ezekiel 32:24