Ezekiel 8:10
ဒီးယလဲၤနုာ်,ဒီးယထံၣ်တၢ်,ဒီးကွၢ်ကွၢ်,ကယဲၢ်တၢ်စွါအကလုာ်ကလုာ်,ဒီးဆၣ်ဖိကီၢ်ဖိတကဆှီဘၣ်,ဒီးအံၣ်စရ့လးအတၢ်ဂီၤတၢ်ဖီၣ်တဖၣ်န့ၣ်ကွဲးအသးလၢတၢ်အဒူၣ်လိၤန့ၣ်ဝးတရံးဝဲလီၤ.
S'gaw Karen Mason Bible 1853
In The King James Version
In Context
9ဒီးစံးဘၣ်ယၤ,လဲၤနုာ်,ဒီးကွၢ်တၢ်သးဘၣ်အၢတဖၣ်လၢအဝဲသ့ၣ်မၤဖဲန့ၣ်တက့ၢ်.
Cross References
Leviticus 11:10ဒီးကယဲၢ်တၢ်လၢအဒံးတအိၣ်,အသဒံၣ်တအိၣ်လၢပီၣ်လဲၣ်ပူၤ,ဒီးလၢထံကျိတဖၣ်အပူၤ,လၢတၢ်လဲၤတၢ်လၢထံကျါခဲလၢာ်အကျါ,ဒီးတၢ်သးလၢအအိၣ်လၢထံကျါခဲလၢာ်အကျါန့ၣ်မ့ၢ်တၢ်သးဘၣ်အၢလၢသုဂီၢ်လီၤ.
Leviticus 11:42ကယဲၢ်တၢ်စွါလၢအဟၢဖၢ,ဒီးကယဲၢ်တၢ်လၢအစွါလၢအခီၣ်လွံၢ်ခီ,ဒီးတၢ်လၢအခီၣ်အိၣ်အါခီလၢတၢ်စွါလၢအစွါလၢဟီၣ်ခိၣ်ချၢအကျါတမံၤလၢ်လၢ်န့ၣ်သုတအီၣ်အီၤနီတမံၤတဂ့ၤ.အဂ့ၢ်ဒ်အံၤ,မ့ၢ်တၢ်သးဘၣ်အၢလီၤ.
Deuteronomy 4:18တၢ်စွါလၢဟီၣ်ခိၣ်အဖီခိၣ်တမံၤမံၤအဂီၤမ့ၢ်ဂ့ၤ,ဒ့ၣ်ဧိၤညၣ်ဧိၤလၢအအိၣ်ဝဲလၢထံကျါလၢဟီၣ်ခိၣ်အဖီလာ်တမံၤမံၤအဂီၤမ့ၢ်ဂ့ၤ,သုကမၤဘၣ်ဖုးတၢ်ဂီၤစိးပျၤအသးလီၤဂာ်တၢ်တမံၤမံၤန့ၣ်လီၤ.
Deuteronomy 4:25တုၤနထီၣ်ဖိ,ဒီးဖိအဖိ,ဒီးအိၣ်တ့ၢ်လၢကီၢ်ပူၤယံာ်ယံာ်,ဒီးမၤဘၣ်အၢတၢ်,ဒီးတ့တၢ်ဂီၤစိးပျၤအသးလီၤဂာ်တၢ်တမံၤမံၤ,ဒီးမၤတၢ်အၢလၢယွၤနကစၢ်အမဲာ်ညါလၢအဒုးသုးထီၣ်အီၤဒီး,
Deuteronomy 14:7ဘၣ်ဆၣ်ဒီးအအံၤမ့ၢ်တၢ်လၢအကလိာ်ထီၣ်အဆၣ်အကျါ,ဒီးတၢ်လၢအမၤသ့ၣ်ဖးအခီၣ်အကျါလၢသုတဘၣ်အီၣ်အီၤ,ကီၤလၤအူး,ဒီးယူၣ်,ဒီးၡၤဖးလီၤ.အဂ့ၢ်ဒ်အံၤ,ကလိာ်ထီၣ်ဝဲအဆၣ်ဘၣ်ဆၣ်ဒီး,တမၤသ့ၣ်ဖးအခီၣ်ဘၣ်,မ့ၢ်တၢ်တကဆှီဘၣ်လၢသုဂီၢ်လီၤ.
Jeremiah 2:26ဒ်ပှၤဟုၣ်တၢ်ဘျၣ်တၢ်တဂၤတုၤပှၤထံၣ်န့ၢ်အီၤဒီး,ပာ်မဲာ်ဆှးအသးအသိးန့ၣ်,အံၣ်စရ့လးအပှၤဟံၣ်ဖိအမဲာ်ဆှးဒ်န့ၣ်အသိး,အဝဲသ့ၣ်တဖၣ်န့ၣ်အစီၤပၤတဖၣ်,အပဒိၣ်ဖးဒိၣ်တဖၣ်,အပှၤလုၢ်တၢ်အဒိၣ်တဖၣ်,အဝံသ့ၣ်တဖၣ်န့ၣ်လီၤ.