Genesis 44
1ဒီးအဝဲဒၣ်မၤလိာ်ပှၤလၢအဟံၣ်ဖိအဖီခိၣ်,ဒီးစံးဝဲဒၣ်,မၤပှဲၤထီၣ်ပှၤတဖၣ်န့ၣ်အထၢၣ်ပူၤဒီးတၢ်အီၣ်တၢ်အီဖဲအစိာ်ထီၣ်သ့,ဒီးဒၢနုာ်ပှၤအစ့,တဂၤအစ့လၢအထၢၣ်ခိၣ်,တဂၤအစ့လၢအထၢၣ်ခိၣ်,
2ဒီးဒၢနုာ်ယသလူ,သလူစ့တဖျၢၣ်လၢပှၤအဆံးအထၢၣ်ခိၣ်,ဒီးအဘုအဟုအစ့န့ၣ်တက့ၢ်.ဒီးမၤဝဲဒ်စီၤယိၤသးကတိၤတၢ်အသိးန့ၣ်လီၤ.
3တုၤမုၢ်ဆ့ၣ်ကပီၤထီၣ်ဒီး,တၢ်မၢပှၤတဖၣ်လဲၤတၢ်,အဝဲသ့ၣ်ဒီးအကသ့ၣ်ယီၤလီၤ.
4ဟးထီၣ်ဝဲလၢဝ့ၢ်ပူၤတယံၤဘၣ်ဒီး,စီၤယိၤသးစံးဘၣ်ပှၤလၢအဟံၣ်ဖိအဖီခိၣ်တဂၤ,ဂဲၤဆၢထၢၣ်လူၤပိာ်ပှၤတဖၣ်န့ၣ်အခံ,ဒီးတုၤနချုးန့ၢ်အီၤဒီး,စံးဘၣ်အီၤ,သုဟ့ၣ်ဆၢက့ၤတၢ်အၢလၢတၢ်ဂ့ၤအလီၢ်မ့ၢ်အဘၣ်မနုၤလဲၣ်.
5အဝဲအံၤမ့ၢ်တၢ်လၢယကစၢ်အီလၢအပူၤ,ဒီးလၢအဖးတၢ်ဘၣ်လၢအီၤတမ့ၢ်ဘၣ်ဧါ.သုမၤတၢ်အၢလၢသုမၤတၢ်န့ၣ်လီၤ.
6ဒီးအဝဲဒၣ်လဲၤချုးန့ၢ်အီၤ,ဒီးကတိၤတၢ်ဒီးအီၤလၢတၢ်ကတိၤန့ၣ်လီၤ.
7ဒီးအဝဲသ့ၣ်တဖၣ်န့ၣ်စံးဘၣ်အီၤ,ယကစၢ်ကတိၤတၢ်ကတိၤတဖၣ်န့ၣ်မ့ၢ်အဘၣ်မနုၤလဲၣ်.ဒ်တၢ်ကတိၤတဖၣ်အသိးန့ၣ်,မ်နကုၢ်နပှၤအသုတမၤတဂ့ၤ.
8ကွၢ်ကွၢ်,စ့လၢပထံၣ်န့ၢ်ဘၣ်လၢပထၢၣ်ခိၣ်န့ၣ်ပဟဲက့ၤစိာ်ဆူနအိၣ်လၢကီၢ်ကနၤဧၣ်အပူၤလီၤ.ဒီးပဟုၣ်ကျိၣ်ဧိၤစ့ဧိၤ,ထူဧိၤလွဲဧိၤလၢနကစၢ်အဟံၣ်ပူၤဒ်လဲၣ်.
9ဖဲဒၣ်ပှၤလၢတၢ်ထံၣ်န့ၢ်အီၤအိၣ်ဒီးနကုၢ်နပှၤတဂၤဂၤအံၤ,မ်အသံတက့ၢ်,ဒီးပဝဲဒၣ်အံၤပကကဲထီၣ်ယကစၢ်အကုၢ်အပှၤလီၤ.
10ဒီးစံးဝဲဒၣ်,ခဲကနံၣ်အံၤကမၤအသးဒၣ်ဝဲဒ်သုတၢ်ကတိၤအသိးန့ၣ်တက့ၢ်.ဖဲဒၣ်ပှၤလၢတၢ်ကထံၣ်န့ၢ်အအိၣ်ဒီးအီၤတဂၤတဂၤန့ၣ်,ကကဲထီၣ်ယကုၢ်,ဒီးသုဝဲသ့ၣ်အံၤတၢ်ဒဲးဘးတအိၣ်ဘၣ်ဘၣ်လၢသုလိၤဘၣ်.
11ဒီးစိာ်လီၤကွံာ်အထၢၣ်ချ့ချ့လၢဟီၣ်ခိၣ်,ဒီးအိးထီၣ်အထၢၣ်တဂၤအထၢၣ်ဒၣ်ဝဲ,တဂၤအထၢၣ်ဒၣ်ဝဲ,
12ဒီးဃုဆိဝဲဖဲအဝဲၢ်ကိတဂၤ,ဒီးလၢာ်ဝဲဖဲအဆံးတဂၤ,ဒီးထံၣ်န့ၢ်သလူတဖျၢၣ်န့ၣ်လၢစီၤဘံၣ်ယၤမံၣ်အထၢၣ်ပူၤလီၤ.
13ဒီးဖှီဝဲအယၣ်,ဒီးပဒၢးထီၣ်တၢ်လၢအကသ့ၣ်ယီၤ,တဂၤလၢအကသ့ၣ်ယီၤ,တဂၤလၢအကသ့ၣ်ယီၤ,ဒီးက့ၤကဒါက့ၤဆူဝ့ၢ်ပူၤလီၤ.
14ဒီးစီၤယူဒၤဒီးအဒီပုၢ်ဝဲၢ်ဟဲဝဲဆူစီၤယိၤသးအဟံၣ်(ဒီးအိၣ်ဒံးဖဲန့ၣ်,)ဒီးအဝဲသ့ၣ်တဖၣ်န့ၣ်ထိၣ်လီၤပှီၢ်အသးလၢဟီၣ်ခိၣ်လၢအမဲာ်ညါလီၤ.
15ဒီးစီၤယိၤသးစံးဘၣ်အီၤ,တၢ်လၢသုမၤတၢ်အံၤမ့ၢ်မနုၤတမံၤလဲၣ်.ပှၤဒ်ယၤအသိး,ဖးတၢ်ဘၣ်န့ၣ်သုတသ့ၣ်ညါဘၣ်ဧါ.
16ဒီးစီၤယူဒၤစံးဝဲဒၣ်,ပကစံးဘၣ်ယကစၢ်ဒ်လဲၣ်,ပကကတိၤတၢ်ဒ်လဲၣ်,ပကပာ်တီပသးဒ်လဲၣ်.ယွၤထံၣ်န့ၢ်နကုၢ်နပှၤအတၢ်အၢတၢ်သီလီၤ.ကွၢ်ကွၢ်,ပမ့ၢ်ပကစၢ်အကုၢ်အပှၤ,ပဝဲဒၣ်ဒီးပှၤတဂၤလၢတၢ်ထံၣ်န့ၢ်သလူတဖျၢၣ်န့ၣ်အိၣ်ဒီးအီၤစ့ၢ်ကီးလီၤ.
17ဒီးစံးဝဲဒၣ်,ယမၤတၢ်န့ၣ်မ်အသုတမၤအသးတဂ့ၤ.ပှၤလၢတၢ်ထံၣ်န့ၢ်သလူတဖျၢၣ်လၢအစုပူၤတဂၤန့ၣ်ကကဲထီၣ်ယကုၢ်လီၤ.မ့မ့ၢ်သုဝဲသ့ၣ်အံၤဂဲၤဆၢထၢၣ်က့ၤထီၣ်က့ၤမုာ်မုာ်ဆူသုပၢ်အအိၣ်တက့ၢ်.
18ဒီးစီၤယူဒၤသုးဘူးအသးဆူအအိၣ်,ဒီးစံးဝဲဒၣ်,ယကစၢ်ဧၢ,ဒုးကတိၤလၢ်နကုၢ်နပှၤလၢတၢ်ကတိၤတဘီလၢယကစၢ်အနၢ်ပူၤတက့ၢ်.ဒီးမ်နသးထီၣ်သုတကဲၤထီၣ်ဘၣ်နကုၢ်နပှၤတဂ့ၤ.အဂ့ၢ်ဒ်အံၤ,နထဲသိးဒီးဖၤရိၤလီၤ.
19ယကစၢ်သံကွၢ်အကုၢ်အပှၤ,ဒီးစံးဝဲဒၣ်,သုပၢ်မ့ၢ်ဂ့ၤ,သုဒီပုၢ်ဝဲၢ်မ့ၢ်ဂ့ၤ,အိၣ်စ့ၢ်ကီးဧါ.
20ဒီးပစံးဘၣ်ယကစၢ်ပအိၣ်ဒီးပပၢ်,ပှၤသးပှၢ်တဂၤ,ဒီးအဖိအိၣ်ဖျဲၣ်ဖဲအသးပှၢ်,အဆံးတဂၤ,ဒီးအဝဲၢ်တဂၤသံလံ,ဒီးအိၣ်လီၤတဲာ်လၢအမိၢ်န့ၣ်ထဲအဝဲတဂၤဧိၤ,ဒီးယပၢ်အဲၣ်အီၤလီၤ.
21ဒီးနစံးဘၣ်နကုၢ်နပှၤ,ဟဲစိာ်လီၤအီၤဆူယအိၣ်,ဒ်သိးယကဒိးယမဲာ်လၢအလိၤန့ၣ်တက့ၢ်.
22ဒီးပစံးဘၣ်ယကစၢ်,ဖိၣ်သၣ်ခွါန့ၣ်လဲၤသဒၣ်အပၢ်တသ့ဘၣ်.မ့ၢ်လဲၤသဒၣ်အပၢ်ဒီး,အဝဲဒၣ်ကသံလီၤ.
23ဒီးနစံးဘၣ်နကုၢ်နပှၤ,သုပုၢ်သဒါမ့ၢ်တဟဲလီၤဘၣ်ဒီးသုဘၣ်ဒီး,သုတထံၣ်လၢၤဘၣ်ယမဲာ်ဘၣ်လီၤ.
24ဒီးတၢ်မၤအသးတုၤပက့ၤထီၣ်ဆူနကုၢ်နပှၤ,ပပၢ်တဂၤအအိၣ်ဒီး,ပစံးဘၣ်တဲဘၣ်အီၤလၢယကစၢ်အတၢ်ကတိၤန့ၣ်လီၤ.
25ဒီးပပၢ်စံး,က့ၤပှ့ၤပတၢ်အီၣ်တၢ်အီတစဲးတက့ၢ်.
26ဒီးပစံး,ပလဲၤလီၤတသ့ဘၣ်.ပပုၢ်အဆံးတဂၤမ့ၢ်အိၣ်ဒီးပှၤဒီး,ပကလဲၤလီၤလီၤ.အဂ့ၢ်ဒ်အံၤ,ပပုၢ်အဆံးတဂၤမ့ၢ်တအိၣ်ဘၣ်ဒီးပှၤဒီး,ပထံၣ်ဘၣ်ပှၤတဂၤန့ၣ်အမဲာ်တသ့ဘၣ်.
27ဒီးနကုၢ်နပှၤယပၢ်တဂၤန့ၣ်စံးဘၣ်ပှၤ,သုသ့ၣ်ညါလၢယမါဆံးစၢ်န့ၢ်ယၤလၢပှၤခံဂၤလီၤ.
28ဒီးအဝဲတဂၤဟးထီၣ်လၢယအိၣ်,ဒီးယစံး,ယာ်သံကွံာ်လံဝဲသပှၢ်တၢၢ်လံ.ဒီးလၢန့ၣ်လံၤလံၤယတထံၣ်လၢၤဘၣ်အီၤဘၣ်.
29ဒီးသုမ့ၢ်ဟံးန့ၢ်စ့ၢ်ကီးအဝဲတဂၤအံၤလၢယအိၣ်,ဒီးမ့ၢ်ဘၣ်တၢ်အၢတၢ်နးဒီး,သုကဒုးလဲၤလီၤယခိၣ်ဝါဆူပျုၤပူၤဒီးတၢ်နးတၢ်ဖှီၣ်လီၤ.
30ဒီးခဲကနံၣ်အံၤတုၤယက့ၤဆူနကုၢ်နပှၤယပၢ်အအိၣ်ဒီးဖိၣ်သၣ်ခွါတဂၤအံၤတအိၣ်ဘၣ်ဒီးပှၤဘၣ်ဒီး,အသးသမူဘၣ်တၢ်စၢဃာ်အသးလၢအဖိအသးသမူအပူၤ,
31ဒီးတုၤအထံၣ်လၢဖိၣ်သၣ်ခွါအံၤတအိၣ်ဘၣ်ဒီး,တၢ်ကမၤအသးလၢအကသံဝဲလီၤ.ဒီးနကုၢ်နပှၤကဒုးလဲၤလီၤနကုၢ်နပှၤပပၢ်အခိၣ်ဝါဆူပျုၤပူၤ,ဒီးတၢ်သူၣ်အုးသးအုးလီၤ.
32အဂ့ၢ်ဒ်အံၤ,နကုၢ်နပှၤကဲထီၣ်ပှၤအၢၣ်လီၤအီလီၤလၢအဂီၢ်လၢယပၢ်အမဲာ်ညါဒီးယစံး,ယမ့ၢ်တဟဲက့ၤစိာ်ဘၣ်အီၤဆူနအိၣ်ဘၣ်ဒီး,ယကဘၣ်တၢ်ဒဲးဘးလၢယပၢ်အမဲာ်ညါကိးမုၢ်နံၤမုၢ်နၤဒဲးလီၤ.
33ဒီးခဲကနံၣ်အံၤ,ဒုးအိၣ်ဒုးဆိးလၢ်ယၤ,လၢယကစၢ်အကုၢ်လၢဖိၣ်သၣ်ခွါန့ၣ်အလီၢ်,ဒီးဒုးက့ၤထီၣ်ဖိၣ်သၣ်ခွါဒီးအဒီပုၢ်ဝဲၢ်တက့ၢ်.
34အဂ့ၢ်ဒ်အံၤ,ဖိၣ်သၣ်ခွါန့ၣ်တအိၣ်ဒီးယၤဘၣ်ဒီး,ယကက့ၤထီၣ်ဆူယပၢ်အအိၣ်ဒ်လဲၣ်.ယကထံၣ်ဘၣ်ဖုးတၢ်နးတၢ်ဖှီၣ်လၢအကလီၤဘၣ်ယပၢ်လီၤ.