Isaiah 12
1ဒီးတၢ်လၢမုၢ်တနံၤန့ၣ်နကစံး,ယွၤဧၢ,ယကစံးထီၣ်ပတြၢၤနၤလီၤ.အဂ့ၢ်ဒ်အံၤ,နသးထီၣ်ယၤဘၣ်ဆၣ်ဒီး,နသးထီၣ်န့ၣ်ဟးထီၣ်ကွံာ်,ဒီးနမၤမုာ်ထီၣ်က့ၤယၤလီၤ.
2ကွၢ်ကွၢ်,ယွၤမ့ၢ်တၢ်အုၣ်က့ၤခီၣ်က့ၤယၤလီၤ.ယကသန့ၤယသး,ဒီးတပျံၤဘၣ်တၢ်ဘၣ်.အဂ့ၢ်ဒ်အံၤ,ယွၤမ့ၢ်ယဂံၢ်ယဘါ,ဒီးယတၢ်သးဝံၣ်,ဒီးကဲထီၣ်တၢ်အုၣ်က့ၤခီၣ်က့ၤယၤလီၤ.
3မၤသးဒ်န့ၣ်ဒီး,သုကဒၢၣ်ထီၣ်ထံလၢတၢ်အုၣ်က့ၤခီၣ်က့ၤအထံပူၤတဖၣ်ဒီးတၢ်သူၣ်ခုသးခုလီၤ.
4ဒီးလၢမုၢ်တနံၤန့ၣ်သုကစံး,စံးထီၣ်ပတြၢၤယွၤ,ကိးထီၣ်အမံၤ,ဒုးသ့ၣ်ညါအမၤတၢ်လၢပှၤကလုာ်တဖၣ်အကျါ,ဒုးသ့ၣ်နီၣ်ထီၣ်က့ၤအီၤလၢအမံၤအိၣ်လၢတၢ်ထီၣ်ထီတက့ၢ်.
5သးဝံၣ်ထီၣ်ယွၤတက့ၢ်.အဂ့ၢ်ဒ်အံၤ,မၤဝဲလၢတၢ်ထီၣ်ထီလီၤ.သ့ၣ်ညါတၢ်အံၤလၢဟီၣ်ခိၣ်ဒီဘ့ၣ်ညါတက့ၢ်.
6ကိးပသူတၢ်,ဒီးသးဝံၣ်တၢ်,ပှၤစံယိၣ်ဖိဧၢ,အဂ့ၢ်ဒ်အံၤ,အံၣ်စရ့လးအတၢ်စီဆှံတဂၤန့ၣ်ဒိၣ်ဝဲလၢနသးကံၢ်ပူၤလီၤ.
Study Isaiah 12
KJVMatthew HenryJamieson-Fausset-BrownAdam ClarkeJohn WesleyJohn CalvinKeil and DelitzschScofieldFamily Bible NotesGeneva Bible Notes (1599)Reina-Valera (Español)Bíblia Portuguesa MundialLuther Bibel (Deutsch)Bible Louis Segond (Français)