James 2:8
သုမ့ၢ်မၤလၢထီၣ်ပှဲၤထီၣ်တၢ်သိၣ်တၢ်သီစီၤပၤ,ဒ်တၢ်ကွဲးအသးအသိးန့ၣ်,အဲၣ်ပှၤလၢနဃၢၤဒ်နအဲၣ်လီၤနသးအသိးတက့ၢ်န့ၣ်ဒီး,သုမၤတၢ်ဂ့ၤဂ့ၤဘၣ်ဘၣ်လီၤ.
S'gaw Karen Mason Bible 1853
In The King James Version
In Context
7အဝဲသ့ၣ်တဖၣ်န့ၣ်ဒုၣ်ဒွဲၣ်တၢ်အမံၤဂ့ၤလၢတၢ်ကိးသုမံၤလၢအီၤန့ၣ်,တမ့ၢ်ဘၣ်ဧါ.
9မ့မ့ၢ်သုမ့ၢ်ကွၢ်မဲာ်ပှၤကညီဒီး,သုမၤတၢ်ဒဲးဘး,ဒီးဘၣ်တၢ်သိၣ်ဃီၣ်လၢတၢ်သိၣ်တၢ်သီ,ဒ်ပှၤမၤကမၣ်ဖိအသိးလီၤ.
Cross References
Leviticus 19:34ဒီးပှၤတခီဘီမုၢ်ဖိလၢအအိၣ်အဆိးဒီးသုန့ၣ်ဘၣ်ကဲထီၣ်လၢသုမဲာ်ညါဒ်ပှၤအိၣ်ဖျဲၣ်လၢသုကျါအသိးန့ၣ်လီၤ.ဒီးနဘၣ်အဲၣ်အီၤဒ်နအဲၣ်လီၤနကစၢ်ဒၣ်နဲအသိးန့ၣ်လီၤ.အဂ့ၢ်ဒ်အံၤ,သုမ့ၢ်တ့ၢ်ပှၤတခီဘီတခီမုၢ်ဖိလၢကီၢ်အဲၤကူပတူးအပူၤလီၤ.ယဲဒၣ်အံၤယမ့ၢ်ယွၤသုကစၢ်လီၤ.
2 Kings 7:9ဒီးစံးဝဲတဂၤဒီးတဂၤ,ပမၤတတီဘၣ်.တၢ်လၢမုၢ်မဆါတနံၤအံၤမ့ၢ်တၢ်သးခုအကစီၣ်အမုၢ်တနံၤ,ဒီးပဝဲဒၣ်အံၤပအိၣ်ဘှီၣ်ကလာ်လီၤ.ပမ့ၢ်အိၣ်ခိးတုၤမုၢ်ဆ့ၣ်ကပီၤထီၣ်ဒီး,တၢ်အၢတမံၤမံၤကဘၣ်ပှၤလီၤ.ဒီးခဲကနံၣ်အံၤဟဲဃီၤ,ဒီးလဲၤသကိး,ဒီးစံးဘၣ်စီၤပၤအပှၤဟံၣ်ဖိတက့ၢ်.
Jonah 4:9ဒီးယွၤစံးလၢစီၤယိၤနါ,နသးထီၣ်လၢမာ်တိအဃိဂ့ၤစ့ၢ်ကီးဧါ.ဒီးစံးဝဲဒၣ်,ယသးထီၣ်တုၤယသံန့ၣ်ဂ့ၤလီၤ.
Matthew 25:21ဒီးအကစၢ်စံးဘၣ်အီၤ,ဘၣ်လံ,ကုၢ်လၢအဂ့ၤဒီးအကလုၢ်တီဧၢ,နအိၣ်လၢတၢ်စှၤအဖီခိၣ်ဒီးနကလုၢ်တီလံ.ယကပာ်နၤလၢတၢ်အါအဖီခိၣ်လီၤ.လဲၤနုာ်ဆူနကစၢ်အတၢ်သးခုအပူၤတက့ၢ်.
Mark 12:31ဒီးခံထံၣ်တထံၣ်န့ၣ်လီၤဂာ်လၢအီၤလီၤ.အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးန့ၣ်တက့ၢ်..တၢ်မၤလိာ်အဂုၤအဂၤဒိၣ်န့ၢ်အဝဲတဖၣ်န့ၣ်တအိၣ်ဘၣ်.
Romans 13:8သုတအိၣ်ဒီးသုကမၢ်လၢပှၤနီတမံၤတဂ့ၤ.အိၣ်ထဲတမံၤ,လၢသုဘၣ်အဲၣ်လိာ်ကွံလိာ်သုသးတက့ၢ်.အဂ့ၢ်ဒ်အံၤ,ပှၤလၢအအဲၣ်ပှၤဂၤန့ၣ်,မၤလၢထီၣ်ပှဲၤထီၣ်လံတၢ်သိၣ်တၢ်သီလံ.