Jeremiah 30:3
အဂ့ၢ်ဒ်အံၤ,ကွၢ်ကွၢ်,မုၢ်နံၤတဖၣ်ကဟဲဝဲလၢယကဒုးဟဲက့ၤကဒါက့ၤပှၤလဲၤကဲကုၢ်,ယပှၤဂီၢ်မုၢ်အံၣ်စရ့လးဒီးယူဒၤ,ယွၤစံးဝဲဒၣ်,ဒီးယကဒုးဟဲက့ၤအီၤဆူကီၢ်တဘ့ၣ်လၢယဟ့ၣ်အီၤလၢအပၢ်တဖၣ်,ဒီးကန့ၢ်ဘၣ်သါအီၤလီၤ.
S'gaw Karen Mason Bible 1853
In The King James Version
In Context
2ယွၤအံၣ်စရ့လးအကစၢ်စံးဒ်အံၤ,ဒီးစံးဝဲဒၣ်,ကယဲၢ်တၢ်ကတိၤလၢယကတိၤတ့ၢ်ဒီးနၤခဲလၢာ်န့ၣ်ကွဲးလၢလံာ်ပူၤတက့ၢ်.
4ဒီးအအံၤမ့ၢ်တၢ်ကတိၤလၢယွၤကတိၤဝဲလၢအံၣ်စရ့လးအဂ့ၢ်,ဒီးလၢယူဒၤအဂ့ၢ်လီၤ.
Cross References
Deuteronomy 30:3ယွၤနကစၢ်ကဒုးက့ၤက့ၤနကဲကုၢ်တၢ်,ဒီးကသးအိၣ်နၤ,ဒီးကဟဲက့ၤ,ဒီးထၢဖှိၣ်နၤလၢကယဲၢ်ပှၤကလုာ်အကျါဖဲယွၤနကစၢ်မၤလီၤပြံလီၤပြါနၤလီၤ.
Ezra 3:8ဒီးလၢအဟဲဝဲဆူယွၤအဟံၣ်လၢယရူၤၡလ့ၣ်အပူၤခံနံၣ်တနံၣ်,လၢခံလါတလါန့ၣ်စီၤၡၤလတံၤအ့လးအဖိခွါစီၤစရူဘၤဘ့လး,ဒီးစီၤယိစဒးအဖိခွါစီၤယ့ၤရှူ,ဒီးပှၤအိၣ်လီၤတဲာ်လၢအဒီပုၢ်ဝဲၢ်ပှၤလုၢ်တၢ်အဒိၣ်,ဒီးပှၤလ့ၤဝံဖိအကျါ,ဒီးပှၤလၢအဟဲလၢတၢ်မၢကဲကုၢ်အလီၢ်ဆူယရူၤၡလ့ၣ်အပူၤခဲလၢာ်မၤထီၣ်သီ,ဒီးပာ်လီၤပှၤလ့ၤဝံဖိလၢအသးပှၢ်အနံၣ်ခံဆံဒီးအါန့ၢ်အန့ၣ်ဒ်သိးအကဒုးမၤထီၣ်ပှၤလၢယွၤအဟံၣ်အတၢ်မၤလီၤ.
Psalms 53:6မ်တၢ်ဟ့ၣ်အံၣ်စရ့လးအတၢ်အုၣ်က့ၤခီၣ်က့ၤလၢစံယိၣ်အပူၤန့ၣ်တက့ၢ်.တုၤယွၤဒုးဟဲက့ၤအပှၤဂီၢ်မုၢ်အတၢ်ကဲကုၢ်ဒီးယၤကိာ်ကသူၣ်ဖှံသးညီ,အံၣ်စရ့လးကသူၣ်ခုသးခုလီၤ.
Jeremiah 16:15မ့ၢ်အကစံး,ယွၤမူဝဲလၢအဒုးဟးထီၣ်ကွံာ်ပှၤအံၣ်စရ့လးဖိလၢကီၢ်ကလံၤစိးတခီ,ဒီးလၢကယဲၢ်ကီၢ်လၢအဟီထီၣ်ကွံာ်အီၤဆူအပူၤလီၤ.အဂ့ၢ်ဒ်အံၤ,ယကဒုးဟဲက့ၤအီၤဆူအကီၢ်ဒၣ်ဝဲအပူၤလၢယဟ့ၣ်လီၤအပၢ်တဖၣ်လီၤ.
Jeremiah 23:7မၤသးဒ်န့ၣ်ဒီးယွၤစံးဝဲဒၣ်,ကွၢ်ကွၢ်,မုၢ်နံၤတဖၣ်ဟဲလၢပှၤတစံးလၢၤဘၣ်,ယွၤမူဝဲလၢအဒုးဟးထီၣ်ကွံာ်ပှၤအံၣ်စရ့လးဖိလၢကီၢ်အဲၤကူပတူးန့ၣ်ဘၣ်.
Jeremiah 27:22ပှၤကစိာ်ထီၣ်ကွံာ်အီၤဆူဘၤဘူၤလိၣ်,ဒီးကအိၣ်ဖဲန့ၣ်တုၤမုၢ်တနံၤလၢယကအိၣ်သကိးအီၤလီၤ.ယွၤစံးဝဲဒၣ်.တုၤနုၤတဘျီယကဟဲက့ၤစိာ်အီၤ,ဒီးပာ်က့ၤအီၤလၢအလီၢ်ဖဲအံၤလီၤ.