Jeremiah 31:1
ယွၤစံးဝဲဒၣ်,တၢ်လၢအကတီၢ်ဖဲန့ၣ်ယကကဲထီၣ်အံၣ်စရ့လးအဒူၣ်တဖၣ်ခဲလၢာ်အကစၢ်,ဒီးအဝဲသ့ၣ်ကကဲထီၣ်ယပှၤဂီၢ်မုၢ်လီၤ.
S'gaw Karen Mason Bible 1853
In The King James Version
In Context
Cross References
Genesis 17:7ဒီးယကဒုးအိၣ်ဂၢၢ်ဆိးကျၢၤယတၢ်အၢၣ်လီၤအီလီၤဒီးနၤ,ဒီးနချံနသၣ်လၢနလီၢ်ခံလၢအစိၤအဃၣ်အကျါ,ဒ်သိးအကကဲထီၣ်တၢ်အၢၣ်လီၤအီလီၤအထူအယိာ်,လၢယကကဲထီၣ်နကစၢ်,ဒီးနချံနသၣ်လၢနလီၢ်ခံအကစၢ်အဂ့ၢ်လီၤ.
2 Samuel 7:24အဂ့ၢ်ဒ်အံၤ,နပာ်ဂၢၢ်ပာ်ကျၢၤလံလၢလၢနဂီၢ်နပှၤဂီၢ်မုၢ်အံၣ်စရ့လးလၢနပှၤတကလုာ်လၢနဂီၢ်အစိၤစိၤအဃၣ်ဃၣ်,ဒီးနဲဒၣ်ယွၤဧၢ,နကဲထီၣ်လံအကစၢ်လံ.
Psalms 144:15ပှၤလၢအဒ်န့ၣ်သိးတဖၣ်န့ၣ်ဘၣ်ဆိၣ်ဂ့ၤဝဲလီၤ.ပှၤဂီၢ်မုၢ်လၢအကစၢ်မ့ၢ်ယွၤန့ၣ်ဘၣ်ဆိၣ်ဂ့ၤဝဲလီၤ.
Isaiah 41:10ပျံၤတၢ်တဂ့ၤအဂ့ၢ်ဒ်အံၤ,ယအိၣ်ဒီးနၤလီၤ.ကွၢ်တရံးတၢ်တဂ့ၤ,အဂ့ၢ်ဒ်အံၤ,ယမ့ၢ်နကစၢ်လီၤ.ယဒုးဆူၣ်ထီၣ်လံနဂံၢ်နဘါလံ,မ့ၢ်မးယမၤစၢၤလံနၤလံ.မ့ၢ်မးယဒုးအိၣ်ကျၢၤလံနၤလၢယစုထွဲအတီအလိၤန့ၣ်လီၤ.
Jeremiah 23:6တၢ်လၢအမုၢ်နံၤတဖၣ်န့ၣ်ယူဒၤကတုၤလၢတၢ်အုၣ်က့ၤခီၣ်က့ၤ,ဒီးအံၣ်စရ့လးကအိၣ်ဒီးတၢ်သန့ၤအသးအလီၢ်,ဒီးတၢ်ကကိးအမံၤလၢအအံၤ,ယွၤပတၢ်တီတၢ်လိၤလီၤ.
Jeremiah 30:10မၤသးဒ်န့ၣ်ဒီးနဲဒၣ်ယခ့ယပှၤယၤကိာ်ဧၢ,ပျံၤတၢ်တဂ့ၤ,ယွၤစံးဝဲဒၣ်,ဒီးဘၣ်ယိၣ်တၢ်တဂ့ၤ,အံၣ်စရ့လးဧၢ,အဂ့ၢ်ဒ်အံၤ,ကွၢ်ကွၢ်,ယကအုၣ်က့ၤခီၣ်က့ၤနၤလၢအယံၤ,ဒီးနချံနသၣ်လၢအကဲကုၢ်အကီၢ်ပူၤ,ဒီးယၤကိာ်ကဟဲက့ၤကဒါက့ၤ,ဒီးကအိၣ်ဘှံး,ဒီးကအိၣ်မုာ်,ဒီးတၢ်တမၤပျံၤဘၣ်အီၤတနီတဂၤဘၣ်.