Jeremiah 51:53
ဘၤဘူၤလိၣ်မ့ၢ်ထီၣ်ဘးမူခိၣ်,ဒီးမၤဆူၣ်ထီၣ်အဂံၢ်အဘါအလီၢ်ထီၣ်ထီဘၣ်ဆၣ်ဒီး,ပှၤမၤဟးဂီၤတၢ်တဖၣ်ကဟဲထီဒါအီၤလၢယၤလီၤ,ယွၤစံးဝဲဒၣ်.
S'gaw Karen Mason Bible 1853
In The King James Version
In Context
54ကနၣ်တက့ၢ်.တၢ်သီၣ်လၢဘၤဘူၤလိၣ်,ဒီးတၢ်မၤဟးဂီၤဖးဒိၣ်အသီၣ်လၢပှၤက့ၤစ့းဖိအကီၢ်ပူၤန့ၣ်ဟူထီၣ်လံ.
Cross References
Psalms 139:8ယမ့ၢ်လဲၤထီၣ်ဘးလၢမူခိၣ်ဒီး,နအိၣ်ဖဲန့ၣ်လီၤ.ယမ့ၢ်ဒါလီၤယလီၢ်မံလၢပျုၤပူၤဒီးကွၢ်ကွၢ်,နအိၣ်ဖဲန့ၣ်လီၤ.
Isaiah 13:2လၢကစၢၢ်အဒီခိၣ်ပျီန့ၣ်သူၣ်ထီၣ်သုးဖိအလၣ်,ထုထီၣ်အကလုၢ်ဆူအအိၣ်,ဝၢ်လၢသုစု,မ်အလဲၤနုာ်လၢပဒိၣ်ဖးဒိၣ်အပဲတရီပူၤန့ၣ်တက့ၢ်.
Isaiah 14:12နလီၤတဲာ်လၢမူခိၣ်ဒ်လဲၣ်,ဆၣ်တူၢ်ဂီၤ,မုၢ်ဆ့ၣ်အဖိဧၢ,နဘၣ်တၢ်ကူာ်လီၤတ့ၢ်လၢဟီၣ်ခိၣ်အဖီခိၣ်ဒ်လဲၣ်,ပှၤလၢအမၤဃၣ်ပှၤကလုာ်တဖၣ်န့ၣ်နဲဧၢ.
Isaiah 45:1ယွၤစံးလၢအပှၤဒိးဖှူအသးစီၤကိရ့ၣ်ဒ်အံၤ,ယဟံးဃာ်အီၤလၢယစုထွဲဒ်သိးအကယီၢ်လီၤတံၢ်ပှၤကလုာ်တဖၣ်လၢအမဲာ်ညါ,ဒီးယကဃ့ၣ်လီၤစီၤပၤတဖၣ်အယီၢ်တကိး,ဒီးအိးထီၣ်တြဲၤခံဘ့ၣ်လၢအမဲာ်ညါ,ဒီးတြဲၤတဖၣ်တကးတံာ်ဃၣ်ဘၣ်အသးဘၣ်.
Isaiah 47:7ဒီးနစံး,ယကကဲကစၢ်မုၣ်လီၤထူလီၤယိာ်လီၤ.တၢ်တဖၣ်န့ၣ်နတတိၢ်န့ၢ်ဘၣ်လၢနသးဘၣ်,ဒီးနတသ့ၣ်နီၣ်ထီၣ်က့ၤဘၣ်တၢ်အခံကတၢၢ်န့ၣ်ဘၣ်.
Jeremiah 50:9အဂ့ၢ်ဒ်အံၤ,ကွၢ်ကွၢ်,ယကဒုးဂဲၤဆၢထၢၣ်,ဒီးဒုးဟဲထီဒါဘၤဘူၤလိၣ်လၢပှၤကလုာ်ဖးဒိၣ်အတၢ်အိၣ်ဖှိၣ်လၢကီၢ်လၢကလံၤစိးတခီလီၤ.ဒီးကပာ်အသးထီဒါအီၤ,ဒီးတၢ်ကဟံးထီၣ်က့ၤအီၤဖဲန့ၣ်လီၤ.အပျၢ်ကမၤသးဒ်ပှၤအဆူၣ်လၢအခးတၢ်သ့အပျၢ်သိးန့ၣ်လီၤ.တဟဲက့ၤကဒါက့ၤကလီဘၣ်.