Leviticus 5:12

ဒီးဘၣ်ဟဲစိာ်ဆူပှၤလုၢ်တၢ်အဒိၣ်အအိၣ်,ဒီးပှၤလုၢ်တၢ်အဒိၣ်ဘၣ်ဟံးန့ၢ်တတၢၤဒုၣ်လၢအီၤ,လၢအတၢ်သ့ၣ်နီၣ်ထီၣ်အဂီၢ်,ဒီးဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်,ဒ်တၢ်လုၢ်မ့ၣ်အူလၢယွၤအဂီၢ်အသိးန့ၣ်လီၤ.အဝဲန့ၣ်မ့ၢ်တၢ်လုၢ်တၢ်ဒဲးဘးလီၤ.

S'gaw Karen Mason Bible 1853

In The King James Version

Then shall he bring it to the priest, and the priest shall take his handful of it, even a memorial thereof, and burn it on the altar, according to the offerings made by fire unto the LORD: it is a sin offering.

In Context

11ဒီးထိၣ်လွံၢ်ခံဘ့ၣ်မ့ၢ်ဂ့ၤ,ကးက့ၣ်ဖိဖိခံဘ့ၣ်မ့ၢ်ဂ့ၤ,အစုမ့ၢ်တချုးန့ၢ်ဘၣ်ဒီး,လၢအမၤဘူၣ်တၢ်အဂီၢ်န့ၣ်ပှၤလၢအမၤတၢ်ဒဲးဘးတဂၤဘၣ်ဟဲစိာ်ကိၣ်ကမူၣ်တအ့ဖးဆံဆဲၣ်ပူတပူလၢတၢ်လုၢ်တၢ်ဒဲးဘးအဂီၢ်လီၤ.သိမ့ၢ်ဂ့ၤ,လီၢ်ဘၣ်မ့ၢ်ဂ့ၤ,တဘၣ်ပာ်လၢအဖီခိၣ်ဘၣ်,အဂ့ၢ်ဒ်အံၤ,အဝဲန့ၣ်မ့ၢ်တၢ်လုၢ်တၢ်ဒဲးဘးလီၤ.

13ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲးလၢအတၢ်ဒဲးဘးလၢအမၤဝဲအဃိ,လၢတၢ်တဖၣ်န့ၣ်တမံၤမံၤလီၤ.ဒီးတၢ်ကပျၢ်အတၢ်လီၤ.ဒီးတၢ်အိၣ်လီၤတဲာ်ကကဲထီၣ်ပှၤလုၢ်တၢ်အဒိၣ်အတၢ်,ဒ်တၢ်မၤဘူၣ်ကိၣ်အသိးန့ၣ်လီၤ.

Read all of Leviticus 5

Cross References

Leviticus 1:9မ့မ့ၢ်အပှံာ်,ဒီးအခီၣ်န့ၣ်ဘၣ်သ့စီလၢထံလီၤ.ဒီးပှၤလုၢ်တၢ်အဒိၣ်ဘၣ်ဆိၣ်ကဲၤကွံာ်ခဲလၢာ်လၢတၢ်လုၢ်လီၢ်အဖီခိၣ်လီၤ.မ့ၢ်တၢ်လုၢ်မ့ၣ်အူ,တၢ်လုၢ်လၢမ့ၣ်အူ,တၢ်နၢမူလၢယွၤအဂီၢ်လီၤ.

Leviticus 1:17ဒီးဘၣ်ဒီၣ်ဖးအီၤအိၣ်ဒီးအဒံးဆ့ခဲလၢာ်ဘၣ်ဆၣ်ဒီး,တဘၣ်ဒီၣ်တဲာ်ကွံာ်အီၤဘၣ်.ဒီးပှၤလုၢ်တၢ်အဒိၣ်ဘၣ်ဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်,လၢသ့ၣ်မုၣ်အဖီခိၣ်,လၢအအိၣ်လၢမ့ၣ်အူအဖီခိၣ်လီၤ.မ့ၢ်တၢ်လုၢ်မ့ၣ်အူ,တၢ်လုၢ်လၢမ့ၣ်အူ,တၢ်နၢမူလၢယွၤအဂီၢ်လီၤ.

Leviticus 2:9ဒီးပှၤလုၢ်တၢ်အဒိၣ်ဘၣ်ဟံးန့ၢ်အတၢ်သ့ၣ်နီၣ်ထီၣ်က့ၤလၢတၢ်မၤဘူၣ်ကိၣ်အပူၤ,ဒီးဘၣ်ဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်လီၤ.မ့ၢ်တၢ်လုၢ်မ့ၣ်အူ,တၢ်နၢမူလၢယွၤအဂီၢ်လီၤ.

Leviticus 3:4ဒီးအကလ့ၢ်ခံဖျၢၣ်,ဒီးသိလၢအအိၣ်လၢအလိၤ,လၢအအိၣ်လၢယီၢ်ဒ့အဃၢၤဒီးတၢ်အိၣ်လၢအသူၣ်အလိၤန့ၣ်ဘၣ်ဟံးထီၣ်ကွံာ်ဒီးအကလ့ၢ်တဖၣ်လီၤ.

Leviticus 4:35ဒီးဘၣ်ဟံးထီၣ်ကွံာ်အသိခဲလၢာ်ဒ်သိဖိအသိဘၣ်တၢ်ဟံးထီၣ်ကွံာ်အီၤလၢတၢ်လုၢ်မၤဃူမၤဖိးအသိးန့ၣ်,ဒီးပှၤလုၢ်တၢ်အဒိၣ်ဘၣ်ဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်ဒ်တၢ်လုၢ်မ့ၣ်အူလၢယွၤအဂီၢ်အသိးန့ၣ်လီၤ.ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲးလၢအတၢ်ဒဲးဘးလၢအမၤဝဲအဃိ,ဒီးတၢ်ကပျၢ်အတၢ်လီၤ.

Numbers 5:26ဒီးပှၤလုၢ်တၢ်အဒိၣ်ဘၣ်ဟံးန့ၢ်တတၢၤဒုၣ်လၢတၢ်မၤဘူၣ်အပူၤအတၢ်ဒုးသ့ၣ်နီၣ်ထီၣ်က့ၤတၢ်,ဒီးဆိၣ်ကဲၤဝဲလၢတၢ်လုၢ်လီၢ်အဖီခိၣ်လီၤ.လၢခံက့ၤဒီးဘၣ်ဒုးအီပိာ်မုၣ်လၢထံခၣ်န့ၣ်လီၤ.

This Verse In Other Editions

Study Leviticus 5:12