Luke 21:24
အဝဲသ့ၣ်တဖၣ်န့ၣ်ကဘၣ်သံလၢနးအကနၣ်,ဒီးတၢ်ကစိာ်မၢကဲကုၢ်အီၤဆူပှၤကိးကလုာ်ဒဲးအကျါ,ဒီးတၢ်ကယီၢ်တံၢ်ဝ့ၢ်ယရူၤၡလ့ၣ်တုၤလီၤလၢပှၤကလုာ်အဂၤအမုၢ်အလါကလၢထီၣ်ပှဲၤထီၣ်လီၤ.
S'gaw Karen Mason Bible 1853
In The King James Version
In Context
Cross References
Deuteronomy 28:64ဒီးယွၤကမၤလီၤပြံလီၤပြါနၤလၢပှၤကိးကလုာ်ဒဲးအကျါလၢဟီၣ်ခိၣ်အကတၢၢ်အံၤပၢၢ်လၢဟီၣ်ခိၣ်အကတၢၢ်န့ၣ်,ဒီးဖဲန့ၣ်နကမၤကစၢ်အဂၤတဖၣ်အတၢ်,လၢနဲဒၣ်ဒီးနပၢ်တဖၣ်တသ့ၣ်ညါဘၣ်အီၤ,သ့ၣ်ဧိၤဝၣ်ဧိၤ,ဒီးလၢၢ်ဧိၤလ့ဧိၤလီၤ.
Isaiah 63:18နပှၤစီဆှံန့ၢ်သါတၢ်တစိၢ်ဖိလီၤ.ပဒုၣ်ပဒါယီၢ်လီၤကွံာ်နတၢ်အလီၢ်စီဆှံလီၤ.
Isaiah 66:19ဒီးယကပာ်တၢ်အပနီၣ်လၢအကျါ,ဒီးယကမၢလီၤပှၤလၢအထူၣ်ဖျဲးတဖၣ်ဆူပှၤကလုာ်တဖၣ်အအိၣ်,ဆူတၢ်ၡံၣ်,ပူလး,ဒီးလူး,ပှၤလၢအခးချံၣ်,ဆူတူၤဘလး,ဒီးယၤဝၣ်,ဒီးဆူပီၣ်လဲၣ်နံၤအိၣ်လၢအယံၤအယိာ်လၢအတနၢ်ဟူဘၣ်ယဂ့ၢ်,ဒီးလၢအတထံၣ်ဘၣ်ယလၤကပီၤဘၣ်န့ၣ်လီၤ.ဒီးကစံၣ်တဲၤတဲလီၤဝဲယလၤကပီၤလၢပှၤကလုာ်တဖၣ်န့ၣ်အကျါလီၤ.
Daniel 8:13ဒီးယနၢ်ဟူတၢ်စီဆှံတဂၤကတိၤတၢ်,ဒီးတၢ်စီဆှံတဂၤစံးဘၣ်မတၤတဂၤလၢအကတိၤတၢ်န့ၣ်,တၢ်ထံၣ်တၢ်လၢညါခီ,တၢ်လုၢ်တၢ်ပာ်တနံၤဘၣ်တနံၤ,ဒီးတၢ်ကမၣ်လၢအမၤအိၣ်သယုၢ်တၢ်ဒ်သိးကဟ့ၣ်လီၤတၢ်အလီၢ်စီဆှံဒီးတၢ်သုးမုၢ်ဂီၢ်မုၢ်လၢတၢ်ကယီၢ်တံၢ်အီၤအဂီၢ်န့ၣ်မ့ၢ်အဆံးယံာ်လဲၣ်.
Daniel 12:7ဒီးယနၢ်ဟူပှၤလၢအကူသိးဝဲဒီးဖှီဝါကဆှၣ်လၢအအိၣ်ဝဲလၢထံဖံးခိၣ်တဂၤအကလုၢ်,ယူာ်ထီၣ်အစုထွဲဒီးအစုစ့ၣ်ဆူမူခိၣ်,ဒီးဆိၣ်တၢ်လၢတၢ်လၢပှၤအမူဝဲလီၤထူလီၤယိာ်တဂၤအမဲာ်ညါဒီးစံး,ကအိၣ်ဝဲလၢအကတီၢ်တကတီၢ်,ဒီးကတီၢ်တဖၣ်,ဒီးဖးဖီတကတီၢ်န့ၣ်လီၤ.ဒီးတုၤတၢ်မၤသဘှံးကွံာ်ပှၤဂီၢ်မုၢ်စီဆှံအစိအကမီၤလၢာ်ဝံၤဒီး,တၢ်ခဲလၢာ်န့ၣ်ကဝံၤဝဲလီၤ.
Romans 11:25ပုၢ်သ့ၣ်ဝဲၢ်သ့ၣ်ဧၢ,ဒ်သိးသုသုတပာ်သုသးလၢသုကူၣ်ဘၣ်ကူၣ်သ့တဂ့ၤဒီး,ယသးအိၣ်လၢသုကသ့ၣ်ညါတၢ်ခူသူၣ်အံၤလၢပှၤကလုာ်တဖၣ်အတၢ်လၢထီၣ်ပှဲၤထီၣ်တချုးဟဲနုာ်ဒံးဘၣ်အဖၢမုၢ်ဒီး,တၢ်သူၣ်ကိၤသးကိၤဘၣ်လံအံၣ်စရ့လးတနီၤနီၤလံလီၤ.