Micah 1:7
ဒီးအတၢ်ဂီၤတၢ်ဖီၣ်ခဲလၢာ်ကဘၣ်တၢ်တီၢ်လီၤကလဲအီၤ,ဒီးမ့ၣ်အူကအီၣ်ကွံာ်အဘူးအလဲခဲလၢာ်,ဒီးယကမၤသယုၢ်အတၢ်ဂီၤတၢ်ဖီၣ်ခဲလၢာ်လီၤ.အဂ့ၢ်ဒ်အံၤ,ပာ်ဖှိၣ်ဝဲလၢပှၤဃဲသဲမုၣ်အဘူးအလဲ,ဒီးကကဲထီၣ်က့ၤပှၤဃဲသဲမုၣ်အဘူးအလဲလီၤ.
S'gaw Karen Mason Bible 1853
In The King James Version
In Context
Cross References
Leviticus 26:30ဒီးယကမၤဟးဂီၤသုလီၢ်ထီၣ်ထီ,ဒီးယကကူာ်လီၤကွံာ်သုတၢ်ဂီၤဃမၣ်,ဒီးယကကွံာ်တ့ၢ်ကွံာ်သုစိၣ်,လၢသုတၢ်ဂီၤအမိၢ်ပှၢ်အဖီခိၣ်,ဒီးယကသးဘၣ်အၢသုလီၤ.
Deuteronomy 23:18ပှၤဃဲသဲမုၣ်အဘူးအလဲမ့ၢ်ဂ့ၤ,ထွံၣ်အပှ့ၤမ့ၢ်ဂ့ၤ,နတဘၣ်ဟဲစိာ်အီၤဆူယွၤနကစၢ်အဟံၣ်ပူၤလၢနတၢ်မၤဘူၣ်ဘၣ်ဃးဒီးဆိၣ်တၢ်တမံၤမံၤအဂီၢ်ဘၣ်.အဂ့ၢ်ဒ်အံၤ,အဝဲန့ၣ်ခံမံၤလိာ်မ့ၢ်တၢ်သးဘၣ်အၢလၢယွၤအမဲာ်ညါလီၤ.
2 Chronicles 31:1ဒီးတုၤတၢ်ခဲလၢာ်န့ၣ်ဝံၤဝဲဒီး,အံၣ်စရ့လးလၢအအိၣ်ဝဲခဲလၢာ်ဟးထီၣ်ဝဲဆူယူဒၤအဝ့ၢ်တဖၣ်အပူၤ,ဒီးမၤကၢ်လီၤကလဲတၢ်ဂီၤတဖၣ်,ဒီးကူာ်လီၤကွံာ်အရှ့ရၤတဖၣ်,ဒီးမၤလီၤပှီၢ်ကွံာ်တၢ်အလီၢ်ထီၣ်ထီတဖၣ်,ဒီးတၢ်လုၢ်လီၢ်တဖၣ်လၢယူဒၤဒီးဘံၣ်ယၤမံၣ်ခဲလၢာ်အပူၤ,ဒီးလၢအ့ဖရဲၣ်ဒီးမနၤရှ့ၤအပူၤ,တုၤအမၤဟးဂီၤကွံာ်အီၤစီဖ့ကလ့ၤခဲလၢာ်န့ၣ်လီၤ.ဒီးပှၤအံၣ်စရ့လးဖိက့ၤက့ၤတဂၤဆူအတၢ်ဟံးဃာ်ဒၣ်ဝဲ,တဂၤဆူအတၢ်ဟံးဃာ်ဒၣ်ဝဲစုာ်စုာ်,ဆူအဝ့ၢ်ဒၣ်ဝဲအပူၤလီၤ.
Isaiah 27:9မၤသးဒ်န့ၣ်ဒီးတုၤအပာ်တၢ်လုၢ်လီၢ်အလီၢ်ခဲလၢာ်ဒ်လၢၢ်ထူၣ်တဖၣ်လၢအလီၤကလဲအသိးဒီး,ယၤကိာ်အတၢ်ဒဲးဘးကပူၤဖျဲးလၢတၢ်န့ၣ်အဃိ,ဒီးတၢ်န့ၣ်မ့ၢ်တၤသၣ်ခဲလၢာ်လၢအကပျၢ်အတၢ်ကမၣ်လီၤ.ဒီးအရှ့ရၤ,ဒီးတၢ်ဂီၤဃမၣ်န့ၣ်တဂဲၤဆၢထၢၣ်လၢၤဘၣ်.
Ezekiel 6:6လၢသုအိၣ်သုဆိးအလီၢ်ခဲလၢာ်န့ၣ်တၢ်ကမၤလူၤခူဧိၤဝ့ၢ်ဧိၤ,ဒီးတၢ်အလီၢ်ထီၣ်ထီတဖၣ်န့ၣ်ကအိၣ်သယုၢ်,ဒ်သိးတၢ်ကမၤလူၤ,ဒီးမၤသယုၢ်အီၤ,ဒီးသုတၢ်ဂီၤတၢ်ဖီၣ်ကကၢ်ကွံာ်,ဒီးဆိတ့ၢ်,ဒီးဒ်သိးတၢ်ကကူာ်လီၤကွံာ်သုတၢ်ဂီၤဃမၣ်,ဒီးသုမၤတၢ်တဖၣ်န့ၣ်ကတုၤလၢတၢ်ဟးဂီၤလီၤ.
Hosea 2:12ဒီးယကမၤဟးဂီၤအစပံးမုၢ်,ဒီးအချၢၣ်ဒၢလၢအစံးလၢအဂ့ၢ်,အဝဲအံၤမ့ၢ်ယဘူးယလဲလၢပှၤလၢယအဲၣ်အီၤတဖၣ်ဟ့ၣ်ယၤလီၤ.ဒီးယကပာ်အီၤလၢသ့ၢ်ပှၢ်,ဒီးဆၣ်ဖိကီၢ်ဖိလၢပှၢ်လၢ်ကျါန့ၣ်ကအီၣ်ကွံာ်အီၤလီၤ.