Nehemiah 8:16

ဒီးပှၤဂီၢ်မုၢ်လဲၤထီၣ်,ဒီးဟဲစိာ်ဝဲ,ဒီးမၤဒဲတဖၣ်လၢအဂီၢ်ဒၣ်ဝဲကိးဂၤဒဲးလၢအဟံၣ်ခိၣ်,ဒီးလၢအဂၢၤပူၤ,ဒီးလၢယွၤအဟံၣ်အဂၢၤတဖၣ်အပူၤ,ဒီးလၢပဲတရီထံအကျဲပူၤ,ဒီးလၢအ့ဖရဲၣ်အပဲတရီအကျဲပူၤလီၤ.

S'gaw Karen Mason Bible 1853

In The King James Version

So the people went forth, and brought them, and made themselves booths, every one upon the roof of his house, and in their courts, and in the courts of the house of God, and in the street of the water gate, and in the street of the gate of Ephraim.

In Context

15ဒီးလၢအဘၣ်ဒုးနၢ်ဟူတၢ်,ဒီးဒုးလဲၤတၢ်သီၣ်လၢအဝ့ၢ်တဖၣ်ခဲလၢာ်အပူၤ,ဒီးလၢယရူၤၡလ့ၣ်အပူၤ,ဒီးစံး,လဲၤထီၣ်ဆူကစၢၢ်,ဒီးဟဲစိာ်သ့ၣ်စၤယံးအဒ့,ဒီးသ့ၣ်စၤယံးအမံၤအဒ့,ဒီးသမ့ၤဟးဒးအဒ့,ဒီးစူၣ်ပလိၣ်အဒ့,ဒီးသ့ၣ်လၢအဒ့ခဲအဒ့တဖၣ်,ဒ်သိးအကမၤဒဲတဖၣ်ဒ်တၢ်ကွဲးအသးအသိးန့ၣ်လီၤ.

17ဒီးတၢ်အိၣ်ဖှိၣ်ခဲလၢာ်လၢအဟဲထီၣ်ဝဲလၢတၢ်မၢကဲကုၢ်အပူၤန့ၣ်မၤဒဲ,ဒီးဆ့ၣ်နီၤဝဲလၢဒဲပူၤလီၤ.အဂ့ၢ်ဒ်အံၤ,လၢစီၤနိၣ်အဖိခွါစီၤယိၤရှူအမုၢ်နံၤတဖၣ်တုၤလၢမုၢ်တနံၤန့ၣ်ပှၤအံၣ်စရ့လးဖိတမၤဘၣ်ဒ်န့ၣ်ဘၣ်,ဒီးတၢ်သူၣ်ခုသးခုဖးဒိၣ်အိၣ်ဝဲလီၤ.

Read all of Nehemiah 8

Cross References

Deuteronomy 22:8တုၤနမၤဟံၣ်သီတဖျၢၣ်ဒီး,နဘၣ်မၤနဟံၣ်ခိၣ်အခိၣ်ဒူ,ဒ်သိးပှၤမ့ၢ်လီၤတဲာ်ဖဲန့ၣ်ဒီး,နသုတဒုးဘၣ်တၢ်သွံၣ်လၢနဟံၣ်တဂ့ၤလီၤ.

2 Kings 14:13ဒီးအံၣ်စရ့လးအစီၤပၤယိၤအၣ်မၤန့ၢ်ယူဒၤအစီၤပၤစီၤအဃၤစယၤအဖိခွါစီၤယိၤအၣ်အဖိခွါ,စီၤအမၤစယါလၢဘ့ၤသရှ့မ့ၣ်အပူၤ,ဒီးဟဲဝဲဆူယရူၤၡလ့ၣ်,ဒီးမၤလီၤပှီၢ်ယရူၤၡလ့ၣ်အခိၣ်ဒူအပျၢ်လွံၢ်ကယၤ,လၢပဲတရီအ့ဖရဲၣ်ပၢၢ်လၢတၢ်သနၢၣ်အပဲတရီလီၤ.

2 Chronicles 33:5ဒီးမၤတၢ်လုၢ်လီၢ်တဖၣ်လၢမူခိၣ်အသုးမုၢ်ခဲလၢာ်အဂီၢ်လၢယွၤအဟံၣ်အဂၢၤပူၤခံပူၤလီၤ.

Nehemiah 8:1ဒီးပှၤဂီၢ်မုၢ်ခဲလၢာ်အိၣ်ဖှိၣ်ရိဖှိၣ်ဒ်ပှၤတဂၤဃီအသိးလၢကျဲပူၤလၢအအိၣ်ဝဲလၢပဲတရီထံအမဲာ်ညါ,ဒီးစံးဘၣ်ပှၤကွဲးလံာ်စီၤဧ့စြၤဒ်သိးအကဟဲစိာ်လံာ်စီၤမိၤရှ့အတၢ်သိၣ်တၢ်သီလၢယွၤမၤလိာ်အံၣ်စရ့လးလီၤ.

Nehemiah 12:37ဒီးဖဲပဲတရီထံထီၣ်ပၢၢ်လၢအအိၣ်သဃီၤဒီးအီၤန့ၣ်လဲၤထီၣ်ဝဲလၢစီၤဒၤဝံးအဝ့ၢ်အဃီ,ဖဲတၢ်လဲၤထီၣ်လၢတၢ်ခိၣ်ဒူလၢစီၤဒၤဝံးအဟံၣ်အဖီခိၣ်,ပၢၢ်လၢပဲတရီထံလၢမုၢ်ထီၣ်တခီလီၤ.

Jeremiah 19:13ဒီးယရူၤၡလ့ၣ်အဟံၣ်ဒီးယူဒၤအစီၤပၤအဟံၣ်တဖၣ်လၢအတဆှီဘၣ်န့ၣ်ကမၤသးဒ်တိဖ့းအသိးန့ၣ်,ဟံၣ်ခဲလၢာ်လၢပှၤဆိၣ်ကဲၤတ့ၢ်တၢ်နၢမူလၢအခိၣ်အဖီခိၣ်လၢမူခိၣ်အသုးမုၢ်ခဲလၢာ်အဂီၢ်,ဒီးလူလီၤတၢ်လုၢ်အီလၢကစၢ်အဂၤတဖၣ်အဂီၢ်လီၤ.

This Verse In Other Editions

Study Nehemiah 8:16