Numbers 18:7
ဒီးနဲဒၣ်ဒီးနဖိခွါတဖၣ်အိၣ်ဒီးနၤန့ၣ်ဘၣ်ကွၢ်သုပှၤလုၢ်တၢ်အဒိၣ်အတၢ်,လၢကယဲၢ်တၢ်ဘၣ်ဃးဒီးတၢ်လုၢ်လီၢ်,ဒီးလၢယၣ်ဘျးထီၣ်အသးလၢညါခီ,ဒီးသုကမၤတၢ်လီၤ.ယဟ့ၣ်လီၤလံသုလၢပှၤလုၢ်တၢ်အဒိၣ်အတၢ်မၤ,တၢ်ဟ့ၣ်ဘၣ်ဃးဒီးတၢ်မၤလီၤ.ဒီးပှၤတခီဘီမုၢ်ဖိလၢအသုးဘူးအသးကဘၣ်တၢ်မၤသံအီၤလီၤ.
S'gaw Karen Mason Bible 1853
In The King James Version
In Context
Cross References
Exodus 28:1ဒီးနဲဒၣ်အံၤဒုးဟဲဘူးဒီးနၤနဒီပုၢ်ဝဲၢ်စီၤအၤဟရိၣ်ဒီးအဖိခွါအိၣ်ဒီးအီၤတဖၣ်လၢပှၤအံၣ်စရ့လးဖိအကျါ,ဒ်သိးအကမၤပှၤလုၢ်တၢ်အဒိၣ်အတၢ်လၢယဂီၢ်,စီၤအၤဟရိၣ်,ဒီးစီၤအၤဟရိၣ်အဖိခွါစီၤနၤဒး,ဒီးစီၤအဘံဟူၤ,စီၤအလၤဧစၢ်,ဒီးစီၤအံသမၢ်တက့ၢ်.
Leviticus 7:35အဝဲန့ၣ်မ့ၢ်စီၤအၤဟရိၣ်အတၢ်ဘၣ်ဃးဒီးအဒိးဖှူအသးဒီးအဖိခွါတဖၣ်အဒိးဖှူအသးလၢတၢ်လုၢ်မ့ၣ်အူလၢယွၤအဂီၢ်အကျါ,လၢမုၢ်နံၤလၢအပာ်အီၤလၢအကမၤပှၤလုၢ်တၢ်အဒိၣ်အတၢ်မၤလၢယွၤအဂီၢ်လီၤ.
Leviticus 16:12ဒီးဘၣ်မၤပှဲၤသပၢၤမ့ၣ်အူလၢမ့ၣ်အူကဖး,လၢအဟံးန့ၢ်လၢတၢ်လုၢ်လီၢ်အဖီခိၣ်အိၣ်လၢယွၤအမဲာ်ညါ,ဒီးအစုပှဲၤဒီးတၢ်နၢမူဆိၣ်ကဲၤ,တိၢ်ကမူၣ်အသး,ဒီးစိာ်ဝဲဆူတၢ်ယၣ်ဘျးထီၣ်အသးလၢညါခီလီၤ.
Numbers 3:10ဒီးနဘၣ်ပာ်လီၤစီၤအၤဟရိၣ်ဒီးအဖိခွါ,ဒီးအဝဲသ့ၣ်ဘၣ်တိၢ်န့ၢ်ဝဲလၢအပှၤလုၢ်တၢ်အဒိၣ်အတၢ်လီၤ.ဒီးပှၤတခီဘီမုၢ်ဖိလၢအသုးဘူးအသးန့ၣ်ကဘၣ်တၢ်မၤသံအီၤလီၤ.
Numbers 16:5ဒီးကတိၤတၢ်ဒီးစီၤကိၤရးဒီးအတၢ်အိၣ်ဖှိၣ်ခဲလၢာ်,ဒီးစံးဝဲဒၣ်,ခဲဂီၤကိာ်ယွၤကလီၣ်ဖျါထီၣ်ပှၤလၢအမ့ၢ်အတၢ်,ဒီးလၢအစီဆှံန့ၣ်,ဒီးကဒုးသုးဘူးအီၤဆူအအိၣ်,ပှၤလၢအဃုထၢအီၤန့ၣ်ကဒုးသုးဘူးအီၤဆူအအိၣ်လီၤ.
Numbers 18:4ဒီးအဝဲသ့ၣ်တဖၣ်န့ၣ်ကအိၣ်လၢနပူၤ,ဒီးကွၢ်တၢ်ကွၢ်ဘၣ်ဃးဒီးတၢ်အိၣ်ဖှိၣ်အဒဲ,လၢဒဲအတၢ်မၤခဲလၢာ်အဂီၢ်လီၤ.ဒီးပှၤတခီဘီမုၢ်တဘၣ်သုးဘူးအသးဆူသုအိၣ်ဘၣ်.