Numbers 20:15
ဒီးပပၢ်တဖၣ်လဲၤလီၤဆူအဲၤကူပတူး,ဒီးပအိၣ်အဆိးလၢအဲၤကူပတူးအပူၤအါနံၤအါသီလံ,ဒီးပှၤအဲၤကူပတူးဖိမၤအၢမၤသီပှၤဒီးပပၢ်တဖၣ်လီၤ.
S'gaw Karen Mason Bible 1853
In The King James Version
In Context
Cross References
Genesis 46:6ဒီးဟံးန့ၢ်အဆၣ်ဖိကီၢ်ဖိ,ဒီးအတၢ်ဖိတၢ်လံၤလၢအန့ၢ်ဘၣ်ဝဲလၢကီၢ်ကနၤဧၣ်အပူၤ,ဒီးလဲၤလီၤဆူအဲၤကူပတူးအပူၤ,စီၤယၤကိာ်,ဒီးအချံအသၣ်အိၣ်ဒီးအီၤခဲလၢာ်လီၤ.
Exodus 1:11ဒီးပာ်သွဲအပဒိၣ်တဖၣ်လၢအဖီခိၣ်,ဒ်သိးအကမၤနးမၤဖှီၣ်အီၤလၢအတၢ်ဝံတၢ်ယိးလီၤ.ဒီးအဝဲသ့ၣ်မၤထီၣ်တၢ်ပာ်ဖှိၣ်အဝ့ၢ်တဖၣ်လၢဖၤရိၤအဂီၢ်,ဝ့ၢ်ပံသိၣ်,ဒီးဝ့ၢ်ရၤမစ့လီၤ.
Exodus 1:22ဒီးဖၤရိၤမၤလိာ်အပှၤဂီၢ်မုၢ်ခဲလၢာ်,ဒီးစံးဝဲဒၣ်,ဖိခွါလၢအအိၣ်ဖျဲၣ်တဖၣ်န့ၣ်,သုဘၣ်ကွံာ်တ့ၢ်ကွံာ်အီၤလၢထံမိၢ်ပှၢ်အပူၤကိးဂၤဒဲးလီၤ.မ့မ့ၢ်ပိာ်မုၣ်တဖၣ်န့ၣ်,သုဘၣ်ဒုးမူအီၤကိးဂၤဒဲးလီၤ.
Exodus 12:40ဒီးပှၤအံၣ်စရ့လးဖိအအိၣ်အဆိးလၢအအိၣ်ဝဲဆိးဝဲလၢအဲၤကူပတူးအပူၤန့ၣ်,မ့ၢ်အနံၣ်လွံၢ်ကယၤသၢဆံလီၤ.
Numbers 16:13နဒုးဟးထီၣ်ပှၤလၢကီၢ်လၢအယွၤဒီးတၢ်နုၢ်ထံဒီးကနဲစီ,ဒ်သိးပကဘၣ်တၢ်မၤသံပှၤလၢပှၢ်မုၢ်ကနၢန့ၣ်တအါဘၣ်ဒီး,မ့ၢ်နပာ်နသးလၢနကကဲပဒိၣ်သပှၢ်တၢၢ်လၢပဖီခိၣ်ဧါ,
2 Samuel 12:18ဒီးမုၢ်နွံနံၤတနံၤန့ၣ်တၢ်မၤအသးလၢဖိသၣ်သံဝဲလီၤ.ဒီးစီၤဒၤဝံးအခ့အပှၤပျံၤလၢကစံးဘၣ်အီၤလၢဖိသၣ်သံလံအဂ့ၢ်လီၤ.အဂ့ၢ်ဒ်အံၤ,အဝဲသ့ၣ်တဖၣ်စံးဝဲဒၣ်,ကွၢ်ကွၢ်,ဖိသၣ်မူဒံးအဖၢမုၢ်ဒီးပကတိၤတၢ်ဒီးအီၤ,ဒီးတကနၣ်ဘၣ်ပကလုၢ်ဘၣ်,ပမ့ၢ်စံးဘၣ်အီၤလၢဖိသၣ်သံလံန့ၣ်ဒီး,ကမၤကိၢ်အသးဒ်လဲၣ်.