Numbers 27:13

ဒီးနထံၣ်ဘၣ်ဝံၤဒီး,နကဘၣ်ပာ်ဖှိၣ်ဒီးနပှၤဂီၢ်မုၢ်,ဒ်နဒီပုၢ်ဝဲၢ်စီၤအၤဟရိၣ်ဘၣ်တၢ်ပာ်ဖှိၣ်အီၤအသိးန့ၣ်လီၤ.

S'gaw Karen Mason Bible 1853

In The King James Version

And when thou hast seen it, thou also shalt be gathered unto thy people, as Aaron thy brother was gathered.

In Context

12ဒီးယွၤစံးဘၣ်စီၤမိၤရှ့,လဲၤထီၣ်ဘးကစၢၢ်ဧဘါရံၣ်န့ၣ်,ဒီးထံၣ်ဘၣ်ကီၢ်တဘ့ၣ်လၢယဟ့ၣ်လီၤပှၤအံၣ်စရ့လးဖိတက့ၢ်.

14အဂ့ၢ်ဒ်အံၤ,သုပူထီၣ်ယတၢ်မၤလိာ်လၢပှၢ်မုၢ်ကနၢစံၣ်အပူၤလၢတၢ်အိၣ်ဖှိၣ်အတၢ်တၢထီၣ်တၢလီၤအပူၤ,ဖဲသုဂ့ၤပာ်စီဆှံယၤအလီၢ်အိၣ်လၢအမဲာ်ညါဖဲထံန့ၣ်လီၤ.အဝဲန့ၣ်မ့ၢ်မရံၤဘါအထံလၢကၤဒ့ၣ်အပူၤလၢပှၢ်မုၢ်ကနၢစံၣ်န့ၣ်လီၤ.

Read all of Numbers 27

Cross References

Genesis 25:8ဒီးစီၤအၤဘြၤဟၣ်အသးလၢာ်,ဒီးသံဝဲအခိၣ်ဝါဂ့ၤ,ဒီးအိၣ်ဘျဲးအိၣ်,ဒီးတၢ်ပာ်ဖှိၣ်အီၤဒီးအပှၤတကလုာ်ဒၣ်ဝဲန့ၣ်လီၤ.

Numbers 20:24စီၤအၤဟရိၣ်ကဘၣ်တၢ်ပာ်ဖှိၣ်အီၤဒီးအပှၤဂီၢ်မုၢ်လီၤ.အဂ့ၢ်ဒ်အံၤ,တဘၣ်လဲၤနုာ်ကီၢ်လၢယဟ့ၣ်လီၤပှၤအံၣ်စရ့လးဖိဘၣ်.အဂ့ၢ်ဒ်အံၤ,သုပူထီၣ်ဘၣ်ယကလုၢ်ဖဲထံမရံၤဘါလီၤ.

Numbers 33:38ဒီးပှၤလုၢ်တၢ်အဒိၣ်စီၤအၤဟရိၣ်လဲၤထီၣ်ဘးကစၢၢ်ဃိၢ်,ဒ်ယွၤမၤလိာ်ဝဲအသိးန့ၣ်,ဒီးပှၤအံၣ်စရ့လးဖိဟးထီၣ်ကွံာ်လၢကီၢ်အဲၤကူပတူးအလီၢ်ခံအနံၣ်လွံၢ်ဆံနံၣ်တနံၣ်,လါယဲၢ်လါတလါ,လါထီၣ်တနံၤန့ၣ်သံဝဲဖဲန့ၣ်လီၤ.

Deuteronomy 31:14ဒီးယွၤစံးဘၣ်စီၤမိၤရှ့,ကွၢ်ကွၢ်,နမုၢ်နံၤလၢနဘၣ်သံန့ၣ်သုးဘူးအသးလီၤ.ကိးန့ၢ်စီၤယိၤရှူ,ဒီးဆၢထၢၣ်လၢတၢ်အိၣ်ဖှိၣ်အဒဲပူၤ,ဒ်သိးယကမၤလိာ်အီၤန့ၣ်တက့ၢ်.ဒီးစီၤမိၤရှ့ဒီးစီၤယိၤရှူလဲၤတၢ်,ဒီးဆၢထၢၣ်လၢတၢ်အိၣ်ဖှိၣ်အဒဲပူၤလီၤ.

Deuteronomy 32:50ဒီးသံလၢကစၢၢ်အလိၤဖဲနလဲၤထီၣ်န့ၣ်,ဒီးဘၣ်တၢ်ပာ်ဖှိၣ်နၤဒီးနပှၤဂီၢ်မုၢ်,ဒ်နဒီပုၢ်ဝဲၢ်စီၤအၤဟရိၣ်သံဝဲလၢကစၢၢ်ဃိၢ်အလိၤ,ဒီးဘၣ်တၢ်ပာ်ဖှိၣ်အီၤဒီးအပှၤဂီၢ်မုၢ်အသိးန့ၣ်တက့ၢ်.

This Verse In Other Editions

Study Numbers 27:13