Psalms · S'gaw Karen Mason Bible 1853

Psalms 13

1ဆံးယံာ်လဲၣ်,ယွၤဧၢ,နကသးပ့ၤနီၣ်ယၤလီၤထူလီၤယိာ်ဧါ.နကပာ်တဒၢနမဲာ်ဒီးယၤဆံးယံာ်လဲၣ်,

2ယကပာ်တၢ်ဆိကမိၣ်ဆိကမးလၢယသးကံၢ်ပူၤ,တၢ်သူၣ်အုးသးအုးလၢယသးကံၢ်ပူၤသ့သ့တနံၤဆံးယံာ်လဲၣ်.ယဒုၣ်ယဒါကအိၣ်ထီၣ်ထီန့ၢ်ယၤဆံးယံာ်လဲၣ်.

3ကွၢ်,ကနၣ်ယကလုၢ်တက့ၢ်,ယွၤယကစၢ်ဧၢ,ဒုးကပီၤထီၣ်ယမဲာ်တက့ၢ်.ယကမံသံဘၣ်ဖုးလီၤ.

4ယဒုၣ်ယဒါကစံးဘၣ်ဖုး,ယမၤနၢၤလံအီၤလံန့ၣ်,ဒီးတုၤယဟူးဝးဒီး,ပှၤလၢအမၤကိၢ်မၤဂီၤယၤတဖၣ်ကသူၣ်ဖှံသးညီဘၣ်ဖုးလီၤ.

5ဘၣ်ဆၣ်ဒီးယသန့ၤယသးလၢနဘျုးနဖှိၣ်,ယကသူၣ်ဖှံသးညီလၢနတၢ်အုၣ်က့ၤခီၣ်က့ၤအပူၤလီၤ.

6ယကသးဝံၣ်ထီၣ်ယွၤလီၤ.အဂ့ၢ်ဒ်အံၤ,မၤဂ့ၤလံယၤလံ.

Study Psalms 13