Psalms 47:9
ပှၤဂီၢ်မုၢ်အပဒိၣ်ဖးဒိၣ်အိၣ်ဖှိၣ်ရိဖှိၣ်,စီၤအၤဘြၤဟၣ်အကစၢ်အပှၤဂီၢ်မုၢ်န့ၣ်လီၤ.အဂ့ၢ်ဒ်အံၤ,ဟီၣ်ခိၣ်အကတီၤတဖၣ်အိၣ်ဒီးယွၤလီၤ.အိၣ်ထီၣ်ထီဝဲဒိၣ်မးလီၤ.
S'gaw Karen Mason Bible 1853
In The King James Version
In Context
8ယွၤကဲစီၤပၤလၢပှၤကလုာ်တဖၣ်အဖီခိၣ်,ယွၤဆ့ၣ်နီၤလၢအလီၢ်ပစိာ်စီဆှံအဖီခိၣ်လီၤ.
Cross References
Genesis 49:10စီၤပၤအနီၣ်ထိးတဟးထီၣ်လၢယူဒၤအအိၣ်,ပှၤဟ့ၣ်တၢ်သိၣ်တၢ်သီတဟးထီၣ်ကွံာ်လၢအခီၣ်ကဆူး,တုၤတၢ်မၤဃူမၤဖိးတၢ်ဟဲ,ဒီးပှၤဂီၢ်မုၢ်ကဒိကနၣ်အကလုၢ်လီၤ.
Exodus 3:15ဒီးယွၤစံးဒံးစီၤမိၤရှ့,နဘၣ်စံးဘၣ်ပှၤအံၣ်စရ့လးဖိဒ်အံၤ,ယွၤသုပၢ်အကစၢ်,စီၤအၤဘြၤဟၣ်အကစၢ်,စီၤအံၤစဲးအကစၢ်,ဒီးစီၤယၤကိာ်အကစၢ်,မၢလီၤယၤဆူသုအိၣ်လီၤ.အန့ၣ်မ့ၢ်ယမံၤလီၤထူလီၤယိာ်,ဒီးအန့ၣ်မ့ၢ်တၢ်ဒုးသ့ၣ်နီၣ်ထီၣ်ယၤအစိၤစိၤအဃၣ်ဃၣ်လီၤ.
Psalms 72:7လၢအမုၢ်နံၤတဖၣ်န့ၣ်,ပှၤတီပှၤလိၤကဘီၣ်ထီၣ်ညီထီၣ်,ဒီးတၢ်ဃူအါတၢ်ဖိးဒိၣ်ကအိၣ်တုၤလါတအိၣ်လၢၤဘၣ်.
Psalms 89:18အဂ့ၢ်ဒ်အံၤ,ပကတီၤတဘ့ၣ်န့ၣ်မ့ၢ်ယွၤ,ဒီးပစီၤပၤန့ၣ်မ့ၢ်အံၣ်စရ့လးအတၢ်စီဆှံတဂၤန့ၣ်လီၤ.
Psalms 110:2ယွၤကယူာ်ထီၣ်နစိနကမီၤအနီၣ်ထိးဘိလၢစံယိၣ်အပူၤလီၤ.ပၢတၢ်လၢနဒုၣ်နဒါအကျါတက့ၢ်.
Isaiah 11:10ဒီးတၢ်လၢမုၢ်တနံၤန့ၣ်တၢ်ကမၤအသးလၢယံးၡဲအဂံၢ်ပာ်ဆၢထၢၣ်အသးကကဲထီၣ်သုးဖိအလၣ်လၢပှၤကလုာ်တဖၣ်အဂီၢ်လီၤ.ပှၤကလုာ်တဖၣ်ကဃ့ၢ်ဆူအအအိၣ်,ဒီးအအိၣ်ဘှံးအလီၢ်န့ၣ်ကအိၣ်ဒီးအလၤအကပီၤလီၤ.