Revelation 11:17

ဒီးစံးဝဲဒၣ်,သ့တၢ်လၢာ်လၢအအိၣ်,ဒီးလၢအအိၣ်တ့ၢ်,ကစၢ်ယွၤဧၢ,ပစံးထီၣ်ပတြၢၤနဘျုးနဖှိၣ်လီၤ.အဂ့ၢ်ဒ်အံၤ,နဟံးန့ၢ်နစိဒိၣ်နကမီၤဒိၣ်,ဒီးနပၢတၢ်လီၤ.

S'gaw Karen Mason Bible 1853

In The King James Version

Saying, We give thee thanks, O Lord God Almighty, which art, and wast, and art to come; because thou hast taken to thee thy great power, and hast reigned.

In Context

16ဒီးပှၤသူၣ်က့သးပှၢ်လၢအဆ့ၣ်နီၤလၢအလီၢ်ပစိာ်လၢယွၤအမဲာ်ညါခံဆံလွံၢ်ဂၤန့ၣ်,ထိၣ်လီၤပှီၤအသးဒီးဘူၣ်ထီၣ်ဘါထီၣ်ယွၤ,

18ဒီးပှၤကလုာ်ကလုာ်အသးဒိၣ်ထီၣ်,ဒီးနတၢ်သးဒိၣ်ဟဲဝဲ,ဒီးပှၤသံတဖၣ်အဆၢအကတီၢ်ဘၣ်,ဒ်သိးအကဘၣ်တၢ်စံၣ်ညီၣ်အီၤ,ဒီးဒ်သိးတၢ်ကဟ့ၣ်လီၤအဘူးအလဲလၢနခ့နပှၤဝံတဖၣ်,ဒီးလၢပှၤစီဆှံတဖၣ်,ဒီးလၢပှၤလၢအပျံၤနမံၤဒီးဒိၣ်ဒီးဆံးတဖၣ်,ဒီးဒ်သိးအကမၤဟးဂီၤပှၤလၢအမၤဟးဂီၤဟီၣ်ခိၣ်န့ၣ်လီၤ.

Read all of Revelation 11

Cross References

Psalms 21:13မ်နဘၣ်တၢ်ပာ်ထီၣ်ထီနၤလၢနဂံၢ်နဘါအဃိန့ၣ်တက့ၢ်.ယွၤဧၢ,ပကအုၣ်တၢ်,ဒီးစံးထီၣ်ပတြၢၤနစိနကမီၤလီၤ.

Psalms 64:9ဒီးပှၤကညီခဲလၢာ်ကပျံၤတၢ်,ဒီးဒုးနဲၣ်ယွၤအတၢ်မၤ,ဒီးကကွၢ်ဆိကမိၣ်ဝဲအမၤတၢ်အဂ့ၢ်အကျိၤလီၤ.

Psalms 102:13နကဂဲၤဆၢထၢၣ်,နကသူၣ်ကညီၤသးကညီၤစံယိၣ်လီၤ.အဂ့ၢ်ဒ်အံၤ,အဆၢအကတီၢ်လၢနသ့ၣ်ပာ်,လၢနကသူၣ်ကညီၤသးကညီၤအီၤန့ၣ်ဘၣ်လံ.

Isaiah 52:10ယွၤမၤဘ့ၣ်ဆ့အစုဒုၣ်စီဆှံလၢပှၤကလုာ်ခဲလၢာ်အမဲာ်ညါ,ဒ်သိးဟီၣ်ခိၣ်အကတၢၢ်ခဲလၢာ်န့ၣ်ကထံၣ်ဘၣ်ပကစၢ်အတၢ်အုၣ်က့ၤခီၣ်က့ၤတၢ်လီၤ.

Daniel 6:10တုၤစီၤဒၤနံးယ့လးသ့ၣ်ညါဝဲလၢတၢ်ကွဲးအသးဝံၤဒီး,လဲၤနုာ်လၢအဟံၣ်ပူၤ,ဒီးအတၢ်ထူၣ်ဖျိအိၣ်အိးထီၣ်အသးလၢအဒၢးထီၣ်ထီတတီၤဖျိထီၣ်ဝဲဆူယရူၤၡလ့ၣ်တခီ,ဒီးချံးလီၤအခီၣ်တနံၤသၢဘျီစုာ်စုာ်,ဒီးဃ့ဘါထုကဖၣ်တၢ်,ဒီးစံးထီၣ်ပတြၢၤတၢ်အဘျုးအဖှိၣ်လၢအကစၢ်အမဲာ်ညါ,ဒ်အမၤဝဲလၢအခီၣ်ထံးအသိးန့ၣ်လီၤ.

Luke 10:21ဒီးယ့ၣ်ရှူးအသူၣ်ဖှံအသးညီတစုဃီဖဲန့ၣ်,ဒီးစံးဝဲဒၣ်,မူခိၣ်ဒီးဟီၣ်ခိၣ်အကစၢ်,ပၢ်ဧၢ,ယစံးထီၣ်ပတြၢၤနၤလီၤ.အဂ့ၢ်ဒ်အံၤ,တၢ်တဖၣ်အံၤ,နပာ်ခူသူၣ်လၢပှၤကူၣ်တၢ်သ့,ဒီးပှၤအသူၣ်ဆးသးဆးတဖၣ်အမဲာ်ညါ,ဒီးနမၤဖျါထီၣ်အီၤလၢဖိသၣ်အမဲာ်ညါလီၤ.မ့ၢ်လံ,ပၢ်ဧၢ,မ့ၢ်အဘၣ်နသးဒ်န့ၣ်လီၤ.

This Verse In Other Editions

Study Revelation 11:17