Proverbs 17:19

Qui meditatur discordias diligit rixas, et qui exaltat ostium quærit ruinam.

Vulgata (Latina)

In The King James Version

He loveth transgression that loveth strife: and he that exalteth his gate seeketh destruction.

In Context

18Stultus homo plaudet manibus, cum spoponderit pro amico suo. + 17.18 Homo stultus plaudet manibus. Stultus est, qui cum fratris sui animam suscipiat regendam, de suis gloriatur actibus, et non potius ei humili compassione quidquid potest auxilii salutaris impendit. Animus gaudens. Qui interna sancti Spiritus consolatione lætatur, etc., usque ad gloriam dilectionis amisit.

20Qui perversi cordis est non inveniet bonum, et qui vertit linguam incidet in malum.

Read all of Proverbs 17

Cross References

1 Samuel 25:36Venit autem Abigail ad Nabal: et ecce erat ei convivium in domo ejus quasi convivium regis, et cor Nabal jucundum: erat enim ebrius nimis: et non indicavit ei verbum pusillum aut grande usque mane.

1 Kings 1:5Adonias autem filius Haggith elevabatur, dicens: Ego regnabo. Fecitque sibi currus et equites, et quinquaginta viros qui currerent ante eum. + 1.5 Adonias autem. Judaicum populum significat, qui major filius esse videtur, quia prior legem suscepit, et gentilem populum, qui per gratiam Dei posterior vocatus est, spernens, se solum cum Domino regnare putavit. Adonias enim dominator dominus interpretatur. Sed Ecclesiæ populus cum vero Salomone, id est pacifico nostro, cujus ipse corpus est, per divinam ordinationem in regnum substituitur, de quo merito perfidiæ major filius, id est prior populus, præcipitatur.

Proverbs 17:14Qui dimittit aquam caput est jurgiorum, et antequam patiatur contumeliam judicium deserit.]

Proverbs 24:27Præpara foris opus tuum, et diligenter exerce agrum tuum, ut postea ædifices domum tuam. + 24.27 Præpara. Præparato opere agrum diligenter exercere, etc., usque ad intus tota virtutum fabrica fame boni crescente destruatur.

Proverbs 29:22[Vir iracundus provocat rixas, et qui ad indignandum facilis est erit ad peccandum proclivior. + 29.22 Vir iracundus. Janua omnium vitiorum iracundia: qua clausa, virtutibus intrinsecus dabitur quies, aperta, ad omne facinus armabitur animus.

Daniel 4:20Quod autem vidit rex vigilem, et sanctum descendere de cælo, et dicere: Succidite arborem, et dissipate illam, attamen germen radicum ejus in terra dimittite, et vinciatur ferro et ære in herbis foris, et rore cæli conspergatur, et cum feris sit pabulum ejus, donec septem tempora mutentur super eum:

This Verse In Other Editions

Study Proverbs 17:19