Psalmorum 67:23

Dixit Dominus: Ex Basan convertam, convertam in profundum maris: + 67.23 Ex Basan. AUG. Id est, confusione, etc., usque ad ad eos, qui erant desperatissimi. 1

Vulgata (Latina)

In Context

22Verumtamen Deus confringet capita inimicorum suorum, verticem capilli perambulantium in delictis suis. + 67.22 Verticem capilli. Ibid. Versutias inanium quæstionum, quæ tales inimicitias calumniarum quærunt, ut capillos videantur perscrutari. 1

24ut intingatur pes tuus in sanguine; lingua canum tuorum ex inimicis, ab ipso. + 67.24 Pes tuus. Ibid. Id est, ut qui prius erant inimici, fiant pes tuus, prædicando usque ad sanguinem, scilicet, usque ad mortem: et canes, pro Deo latrantes, qui edunt de micis, etc. Pes tuus. Illi soli ad officium regiminis assumendi sunt, qui quod percipiunt, aliis prædicant, qui manibus honorum operum exsequuntur, quod ore prædicant, vel docent; unde in Levitico: Os turturis retorquetur ad ascellas. In sanguine. BASIL. Quoniam ostendit Deum, etc., usque ad: et cum eos vincerem, aspersa sunt vestimenta mea. Canum. AUG. In magno sacramento eos ducere jussus est Gedeon, qui ut canes aquam lamberent, trecentos tantum et non plures, in signo crucis propter thau, quæ trecentos significat. Ab ipso. Quasi si quæras unde tantum bonum, ut canes ejus sint cujus erant inimici? ait: Ab ipso, id est, ejus gratia, non a seipsis. 1

Read all of Psalmorum 67

This Verse In Other Editions

Study Psalmorum 67:23