Jesaja 28:21
want de Heere sal staen ghelijck opden berch der deylinghen, ghelijc hy in die valleye die in Gabaon is gram sal wesen om dat hy sijn werck maken soude, sijn werc is vreemt, op dat hy sijn werc wercken soude, sijn werck is vreemt van hem.
Leuvense Bijbel 1548
In The King James Version
In Context
Cross References
Deuteronomy 29:21ende hem verderue tot dat hy hem vernielt heeft wt alle die gheslachten van Israhel nae die vermaledijdinghen die in den boeck deser wet ende verbonts begrepen sijn,
Joshua 10:11Ende als sij vloden voor die kinderen van Israhel ende waren in den nederganck van Bethoron, soo heeft die Heere op hen ghesonden groote steenen van den hemel tot Azeca, ende daer isser veel meer ghestoruen van die hagelsteenen, dan die de kinderen van Israel metten sweerde verslaghen hadden.
2 Samuel 5:20Aldus soo is Dauid ghecomen te Baal-pharasim, ende heeft die Philistijnen daer gheslaghen ende gheseyt. Die Heere heeft mijn vianden voor my ghedeylt, ghelijck die wateren worden ghesceyden, daerom is die plaetse ghenoemt Baal-pharasim,
1 Chronicles 14:11Ende doen sij opghetrocken waren in Baalpharasim, soo heeftse Dauid daer gheslaghen ende ghesceydt. Godt heeft mijn vianden ghesceyden door mijn hant, ghelijck die wateren ghesceyden worden, ende daerom is den naem van die plaetse ghenoemt Baalpharasim,
Isaiah 10:12Ende tsal zijn als die Heere sal volbracht hebben alle zijn wercken opden berch Sion, ende in Ierusalem, sal ick besoecken op die vrucht van dat grootdadich herte des conincs Assur, ende op die glorie van die hoocheyt zijnder ooghen.
Isaiah 29:14Daerom siet ic sal daer toe doen, dat ick verwonderinghe maken sal desen volcke met een groot ende veruaerlijck myrakel, want die wijsheyt sal vergaen van sijnen wijsen, ende tverstant van sijnen verstandighen sal verberghen worden.