Jozua 2:14
Die welcke hebben haer gheantwoordt, Ons ziele moet voor vlieden ghedoot worden, eest sake nochtans dat ghy ons niet en verradet, ende als die Heere ons dit lant sal gheleuert hebben, so sullen wij aen v ghenade ende warachticheyt doen.
Leuvense Bijbel 1548
In The King James Version
In Context
Cross References
Genesis 24:49Daer om eest sake dat ghy met mijnen heere bermherticheyt ende warachticheyt doet, soe segghet my maer eest dat v anders belieft, segghet my dat oeck, dat ick mach ghaen wech, ter rechter oft ter slincker sijden.
Numbers 10:29Ende Moyses seyde tot Hobab Raguels sone den Madianiter sijnen maech, Wij reysen ter plaetsen welck ons die Heere gheuen sal, coemt met ons, op dat wij v weldoen moghen, want die Heere heeft Israhel goede dinghen beloeft.
Joshua 6:22Ende tot den twee mannen die welcke bespieders wtghesonden waren, hebt Iosue gheseyt, Gaet int huys der ghemeynder weerdinnen, ende brengtse wt, ende alle dat haer toebehoort, ghelijck ghy haer by eede vast beloeft heeft.
Judges 1:24soo hebben sij eenen man ghesien wter stadt comende, ende sij hebben tot hem gheseyt, toont ons den inganck vander stadt, ende wij sullen met v barmherticheyt doen,
2 Samuel 2:5Daerom soo heeft Dauid boden wt ghesonden tot die mannen van Iabes Galaad, ende hen gheseyt. Ghebenedijt moet ghi vanden Heere sijn, die dese barmherticheyt ghedaen hebt met uwen heere Saul, ende hebt hem begrauen
2 Samuel 9:1ENde Dauid heeft gheseyt. Is daer oock iemant ouerbleuen van Sauls huys dat ick bermherticheyt met hem doen mach om Ionathas wille?