Jozua 7:21
Want ick sach onder den roof eenen rooden mantel seer goet, ende twee hondert siclen siluers, ende eenen gulden rije van vijftich siclen, ende begherende heb ic die wech ghedraghen, ende gheborghen in die aerde teghen dat midden van mijnder tenten, ende dat siluer heb ick in die eerde ghegrauen ende bedect.
Leuvense Bijbel 1548
In The King James Version
In Context
Cross References
Genesis 6:2die kinderen Gods siende die dochteren der menschen dat sij schoon waren, hebben sij wt alle die, huysvrouwen ghenomen die sij vercoren hadden.
Genesis 34:27Ende als sij wter stadt comen waren, soe sijn die ander Iacobs kinderen metter macht gheuallen op die verslaghenen, ende hebben die stadt ghepluystert, ter wraecken vander maghet vercrachtinghe.
Deuteronomy 7:25Haerlieden ghesneden beelden suldi int vier verbranden, ghy en sult dat gout oft siluer niet begheren, daer sij af ghemaect sijn, noch en neemt daer af niet tot uwen behoeue, op dat ghy niet en misdoet, Want tes een afgrijselijcheyt voor den Heere uwen Godt.
2 Samuel 11:6Doen sondt Dauid aen Ioab segghende, Seyndt my Vriam den Hethiter. Ende Ioab heeft Vriam tot Dauid ghesonden.
2 Kings 5:20Ende Giezi die dienaer des mans Godts heeft gheseyt. Mijn heere heeft desen Sirier Naaman ghespaert, dat hi niet en heeft genomen dat hi ghebracht heeft, soo warachtelijck als die Heere leeft ick sal hem naer loopen, ende wat van hem nemen,
Job 31:1IIk heb een verbont ghemaect met mijnen ooghen, dat ick niet eens peylen en soude van eender maghet.