Mark 2:17

Iesu asoli abele mer, E uiabim daratagerare, kega, Saserim le giz lukup kemle lakak, gim le giz lagelag; kaka nole tabarki ko gaire barkak tonar dabgeri, debele gair uit le giz.

Meriam Mir Bible

In The King James Version

When Jesus heard it, he saith unto them, They that are whole have no need of the physician, but they that are sick: I came not to call the righteous, but sinners to repentance.

In Context

16Aotale giz a Faresaio giz abi dasmer kemem leuer ero telona giz a uit le giz, uiaba tabara kaimeg giz daratagerare, kega, Nako E kemem leuer ero a ereli telona giz a uit le giz?

18Ioane ra kaimeg giz, a gaire Faresaio ra kaimeg giz leuer baili; uiaba tabakeuare a abi detager, kega, Nalugelam Ioane ra kaimeg giz a gaire Faresaio ra kaimeg giz leueru baili, a mara kaimeg giz nole leueru baili?

Read all of Mark 2

Cross References

Matthew 18:10Uaba nole dedkoli nerute uiaba ike kebi kale; abelelam kaka uabi detager, Uiaba angela dali kotor ge ner kak uiaba dasmered kara Aba ra op dali kotor ge.

Luke 15:7Kaka uabi detager, kega, Mokakalam gaire le kotor ge au sererege le uit a emetu obazgeda, a kebi kebi sererege nainte nain le giz barkak nole dikiapor obazgeda.

Luke 15:29Ege E abi detager, abara aba, kega, Dasmer, gaire urut kaka mara memeg le, gaire mara mer kaka nole batauered: ma nole kari ikuar kebi nani, ki sererege debudkem:

Luke 19:10Abelelam Ade ra Uerem tabarki deraimerare le badimirida, ueakai uerkabu.

John 9:40Uader Faresaio giz abi dog asoli abele, uiaba abi detautare, kega, Nako, keriba ko sadamer?

This Verse In Other Editions

Study Mark 2:17