Mark 9:32

Epe uiaba nole akmer kak abele mer, ui geum ko abim eutumer.

Meriam Mir Bible

In The King James Version

But they understood not that saying, and were afraid to ask him.

In Context

31Iesu abara kaimeg giz ereuerem, a uiabi detagereda, kega, Le la Uerem ko emarida uiabim gaire le la tag, uiaba ko abi ipit eumilu; uiaba emetu abi ipit eumilu, E iako eded akaida keubu gerger thri.

33Uiaba Kaperanauma tabarki; E muige meta, E uiabim eutumer, kega, Nalu uaba gab ge basareda?

Read all of Mark 9

Cross References

Mark 8:17Epe Iesu opasereret, E uiabi detager, kega, Nako uaba mer atager abele nole leuer kak? Nako uaba nole umer kak, uaba nole akiapor kak? nako uaba tumtum nerkep?

Mark 9:10Uiaba abele mer mamor asesered, a uiaba mer atager tonar abele eded akaida eudelam.

Luke 2:50A ui ge nole abi mer asor kak nakueiredar.

Luke 18:34A uiaba umer kak asoli gaire lu; ege ispilu abele mer uiabim, uiaba umer kak abele mer, E uiabi daratagerare.

John 4:27Abara kaimeg giz tabarki, a ezigmada, abelelam E koskerim mer detager; epe nole nerute le abi detager, kega, Nalu ma deraimer? a nalugem ma abi mer atagerem?

John 16:19Iesu umele uiaba laglag abim bautumer, E uiabim detaut, kega, Nako uaba uabu deraimerare kara merlam detaut, kega, Menaba, uaba nole kari nasmer, iako menaba, uaba ko kari nasmer?

This Verse In Other Editions

Study Mark 9:32