Matthew 17:12
A kaka uabi detager, Emetu Elia tabarki, a uiaba nole abi asmer kak, epe uiaba ikeli abim gaire lu uridili uiaba lagelag. Mokakalam Le la Uerem, a ko uiaba abi dedkoli.
Meriam Mir Bible
In The King James Version
In Context
11Ege Iesu etkalu uiabim, kega, Elia kekiam tabarki, a ko ditimed gaire lu uridili:
13Ege abara kaimeg giz uiaba opasereret E uiabi detager abele tonar Ioane Bapatiso.
Cross References
Matthew 11:9Nalugelam uaba bakeuare dasmerare? Nako perofeta? Ageakar kaka uabi detagerare, E aule tumem perofeta.
Matthew 16:21Abele kerker Iesu ditimedlu ko natomertare abara kaimeg giz abkoreb E Ierusalemaem bakeamulu, ko gaire lu aiasi ikeli abim gaire aule giz pako zogozogo le giz pako aotale giz, uiaba abim ipitare eumida, E ko eded akaida thri gerger.
Matthew 21:32Abelelam Ioane kekiam uabim tabarki barkak tonar ra gab, ege uaba nole abi oatur kak; ege gaire telona giz pako gab kosker giz abi egardare; a uaba umele erdali, a uaba nole keubu obazged, ueakai abim oituli.
Mark 9:12E uiabi detagereda, kega, Ageakar, Elia ko kekiam tabakeam, gaire lu ko barditug; mokakalam emetu detali Le la Ueremlam, E ko au asiasi, a abi desauersili.
Luke 3:19Ege Ioane abi barditug Heroda opole, epe Herodialam Filipo ra kosker abi narbet, pako gaire lu adud Heroda ikeli;