תהילים · Aleppo Codex

תהילים 81

1למנצח על-הגתית לאסף

2הרנינו לאלהים עוזנו הריעו לאלהי יעקב

3שאו-זמרה ותנו-תף כנור נעים עם-נבל

4תקעו בחדש שופר בכסה ליום חגנו

5כי חק לישראל הוא משפט לאלהי יעקב

6עדות ביהוסף שמו— בצאתו על-ארץ מצריםשפת לא-ידעתי אשמע

7הסירותי מסבל שכמו כפיו מדוד תעברנה

8בצרה קראת ואחלצךאענך בסתר רעם אבחנך על-מי מריבה סלה

9שמע עמי ואעידה בך ישראל אם-תשמע-לי

10לא-יהיה בך אל זר ולא תשתחוה לאל נכר

11אנכי יהוה אלהיך— המעלך מארץ מצריםהרחב-פיך ואמלאהו

12ולא-שמע עמי לקולי וישראל לא-אבה לי

13ואשלחהו בשרירות לבם ילכו במועצותיהם

14לו—עמי שמע לי ישראל בדרכי יהלכו

15כמעט אויביהם אכניע ועל צריהם אשיב ידי

16משנאי יהוה יכחשו-לו ויהי עתם לעולם

17ויאכילהו מחלב חטה ומצור דבש אשביעך

Study תהילים 81