Psalms 113

1Angraeng to saphaw oh. Aw Angraeng ih tamnanawk, saphaw oh, Angraeng ih ahmin to saphaw oh.

2Vaihi hoi dungzan khoek to Angraeng ih ahmin tahamhoihaih om nasoe.

3Ni tacawt hoi niduem khoek to Angraeng ih ahmin to saphaw han oh.

4Angraeng loe prae kaminawk boih pongah sang moe, a lensawkhaih doeh vannawk pongah sang.

5Ahmuen sang ah kaom, aicae Angraeng Sithaw baktiah,

6van hoi long ih hmuennawk khet hanah poekhaih pahnaemh mi maw kaom?

7Anih loe amtang kami to maiphu thung hoiah pathawk moe, kavawt kami to aek thung hoiah pathawk,

8Anih mah siangpahrang ih caanawk, angmacae kami siangpahrang ih caanawk hoi nawnto anghnuthaih ahmuen to paek.

9Caa kaak nongpata to im khenzawnkung hoi anghoehaih tawn caanawk ih amno ah a sak. Angraeng loe saphaw oh.

Study Psalms 113

All Chapters