Apocalypse 10
1ALORS je vis un autre fort Ange defcendant du ciel, environné d'une nuée, en la tefte duquel eftoit l'arc celefte: & fa face eftoit comme le foleil, & fes pieds comme des colonnes de feu.
2Et il avoit en fa main un livret ouvert: & mit fon pied droit fur la mer, & le gauche fur la terre:
3Et cria à haute voix, comme quand un lion rugit: & quand il eut crié, les fept tonnerres profererent leurs voix.
4Et quand les fept tonnerres eurent proferé leurs voix, je m'en allois les écrire: mais j'oüis une voix du ciel me difant, Cachette les chofes que les fept tonnerres ont proferées, & ne les efcris point.
5Et l'Ange que j'avois veu fe tenant fur la mer & fur la terre, leva fa main vers le ciel.
6Et jura par le Vivant és fiecles des fiecles, qui a creé le ciel & les chofes qui y font, & le terre & les chofes qui y font, & la mer & les chofes qui y font, qu'il n'y auroit plus de temps:
7Mais qu'és jours de la voix du feptiéme Ange, quand il commencera à fonner de la trompette, le myftere de Dieu fera confommé, comme il a declaré à fes ferviteurs Prophetes.
8Et la voix que j'avois oüie du ciel, parla derechef à moi, difant, Va, & prens le livret ouvert, qui eft en la main de l'Ange qui fe tient fur la mer & fur la terre.
9Je m'en allai donc vers l'Ange, & lui dis, Baille-moi le livret, & il me dit, Prens- le, & le devore: & il mettra ton ventre en amertume, mais en ta bouche il fera doux comme du miel.
10Je pris donc le livret de la main de l'Ange, & le devorai: & il eftoit doux en ma bouche comme du miel: mais quand je l'eus devoré, mon ventre fut en amertume.
11Alors il me dit, à plufieurs peuples, & nations, & langues, & rois.