Psalms 129

1Israel, srumun luman akkeok lun mwet lokoalok nu suwos Oe ke kowos fusr ah me.

2“Oe ke nga fusr ah me nwe inge, Mwet lokoalok luk elos akkeokyeyu arulana upa, Tusruktu elos tiana kutangyula.

3Elos kanteya fintukuk arulana loal Oana ke elos pikin acn in orek ima lalos uh.

4Tusruktu LEUM GOD, su arulana suwoswos, El aksukosokyeyula liki moul in kohs.”

5Lela tuh elos nukewa su srunga Zion In kutangyukla ac lillilyak.

6Lela tuh elos in oana mah su yoki oan fin mangon lohm uh, Su paola ac tia ku in kapak.

7Wangin mwet sifelosyak inpaolos, Ku losani ac usla.

8Wangin mwet su fahsr alukela acn se inge fah fahk, “Lela God Elan akinsewowoye kom! Kut akinsewowoye kom ke Inen LEUM GOD.”

Study Psalms 129

All Chapters