1 Chronicles 11:4
ဒီးစီၤဒၤဝံး,ဒီးအံၣ်စရ့လးခဲလၢာ်လဲၤဝဲဆူယရူၤၡလ့ၣ်,အဝဲန့ၣ်မ့ၢ်ယဘူၣ်,ဖဲပှၤယဘူၣ်ဖိ,ပှၤကီၢ်ဖိအိၣ်ဝဲလီၤ.
S'gaw Karen Mason Bible 1853
In The King James Version
In Context
Cross References
Genesis 10:16ဒီးယဘူၣ်ဖိ,ဒီးအမိၢ်ဖိ,ဒီးကံၢ်ကၣ်ဖိ,
Exodus 3:17ဒီးယစံးတၢ်,ယကဒုးလဲၤထီၣ်ကွံာ်သုလၢအဲၤကူပတူးအတၢ်နးတၢ်ဖှီၣ်အပူၤဆူပှၤကနၤဧၣ်ဖိ,ဒီးပှၤဃ့ၤသးဖိ,ဒီးပှၤအမိၢ်ဖိ,ဒီးပှၤပရးစၤဖိ,ဒီးပှၤဃံၤဝံၤဖိ,ဒီးပှၤယဘူၣ်ဖိသ့ၣ်တဖၣ်အကီၢ်,ဆူကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲစီလီၤ.
Joshua 15:63မ့မ့ၢ်ပှၤယဘူၣ်ဖိ,ပှၤယရူၤၡလ့ၣ်ဖိန့ၣ်,ပှၤယူဒၤဖိဟီထီၣ်ကွံာ်အီၤတသ့ဘၣ်လီၤ.ဒီးပှၤယဘူၣ်ဖိအိၣ်ဝဲဆိးဝဲဒီးပှၤယူဒၤဖိလၢယရူၤၡလ့ၣ်အပူၤတုၤမုၢ်မဆါတနံၤအံၤလီၤ.
Judges 1:21ဒီးပှၤဘံၣ်ယၤမံၣ်ဖိတဟီထီၣ်ကွံာ်ဘၣ်ပှၤယဘူၣ်ဖိလၢအအိၣ်ဝဲဆိးဝဲလၢယရူၤၡလ့ၣ်အပူၤဘၣ်.မ့မ့ၢ်ပှၤယဘူၣ်ဖိအိၣ်ဝဲဆိးဝဲဒီးပှၤဘံၣ်ယၤမံၣ်ဖိလၢယရူၤၡလ့ၣ်အပူၤတုၤမုၢ်မဆါတနံၤအံၤလီၤ.
2 Samuel 5:6ဒီးစီၤပၤ,ဒီးအပှၤကညီလဲၤဝဲဆူယရူၡလ့ၣ်,ဆူပှၤယဘူၣ်ဖိ,ပှၤကီၢ်ဖိအအိၣ်လၢအကတိၤတၢ်ဒီးစီၤဒၤဝံး,ဒီးစံးဝဲဒၣ်,နမ့ၢ်တစိာ်ထီၣ်ကွံာ်ပှၤမဲာ်ဘျီၣ်,ဒီးပှၤခီၣ်ဟးဂီၤဘၣ်ဒီး,နတဟဲနုာ်ဘၣ်ဖဲအံၤဘၣ်.(စံးဝဲစီၤဒၤဝံးဟဲနုာ်ဖဲအံၤတသ့ဘၣ်.)