1 Chronicles 28:2
ဒီးစီၤပၤဒၤဝံးဆၢထၢၣ်လၢအခီၣ်,ဒီးစံးဝဲဒၣ်,ယဒီပုၢ်ဝဲၢ်ဒီးယပှၤဂီၢ်မုၢ်သ့ၣ်ဧၢ,ကနၣ်တၢ်တက့ၢ်.ယဲဒၣ်အံၤတၢ်အိၣ်ဝဲလၢယသးကံၢ်ပူၤလၢယကသူၣ်ဟံၣ်အိၣ်ဘှံးလၢယွၤအတၢ်အၢၣ်လီၤအီလီၤအတလါအဂီၢ်,ဒီးလၢပကစၢ်အခီၣ်ယီၢ်လီၤအလီၢ်အဂီၢ်,ဒီးယကတဲာ်ကတီၤတ့ၢ်တၢ်လၢသူၣ်ဟံၣ်အဂီၢ်လီၤ.
S'gaw Karen Mason Bible 1853
In The King James Version
In Context
Cross References
Genesis 48:2ဒီးပှၤစံးဘၣ်တဲဘၣ်စီၤယၤကိာ်,ဒီးစံးဝဲဒၣ်,ကွၢ်ကွၢ်,နဖိခွါစီၤယိၤသးဟဲဆူနအိၣ်လီၤ.ဒီးစီၤအံၣ်စရ့လးပာ်ဆူၣ်ထီၣ်အသး,ဒီးဆ့ၣ်နီၤဝဲလၢအလီၢ်မံဖီခိၣ်လီၤ.
Deuteronomy 17:20ဒ်သိးအသးသုတပာ်ထီၣ်ထီအသးလၢအဒီပုၢ်ဝဲၢ်အဖီခိၣ်,ဒီးဒ်သိးအသုတဃၣ်ကပၤအသးလၢတၢ်မၤလိာ်အအိၣ်,ဆူစုထွဲဂ့ၤဆူစုစ့ၣ်ဂ့ၤန့ၣ်တဂ့ၤ,ဒ်သိးအကထုးထီထီၣ်အမုၢ်နံၤလၢအဘီအမုၢ်အပူၤ,အဝဲဒၣ်,ဒီးအဖိတဖၣ်လၢအံၣ်စရ့လးအကျါလီၤ.
1 Kings 1:47ဒီးစီၤပၤအခ့အပှၤဟဲစံးထီၣ်ပတြၢၤပကစၢ်စီၤပၤဒၤဝံး,ဒီးစံးဝဲဒၣ်,မ်နကစၢ်မၤစီၤၡလိၤမိၤအမံၤဂ့ၤန့ၢ်နမံၤ,ဒီးမၤအလီၢ်ပစိာ်ဒိၣ်န့ၢ်နလီၢ်ပစိာ်န့ၣ်တက့ၢ်.ဒီးစီၤပၤဘူၣ်ထီၣ်ဘါထီၣ်လၢအလီၢ်မံပူၤလီၤ.
1 Chronicles 6:31ဒီးအဝဲသ့ၣ်တဖၣ်အံၤမ့ၢ်ပှၤလၢစီၤဒၤဝံးပာ်ဝဲလၢပှၤသးဝံၣ်တၢ်အခိၣ်လၢယွၤအဟံၣ်ပူၤလၢတလါန့ၣ်အိၣ်ဘှံးအလီၢ်ခံလီၤ.
1 Chronicles 17:1ဒီးစီၤဒၤဝံးဆ့ၣ်နီၤဝဲလၢအဟံၣ်ပူၤ,ဒီးတၢ်မၤအသးလၢစီၤဒၤဝံးစံးဘၣ်ဝံနၤသၣ်,ကွၢ်ကွၢ်,ယအိၣ်ယဆိးလၢဟံၣ်သ့ၣ်ဆှိအ့ရ့းအပူၤ,မ့မ့ၢ်ယွၤအတၢ်အၢၣ်လီၤအီလီၤအတလါန့ၣ်အိၣ်ဝဲလၢယၣ်သဒၢတၢ်အပူၤလီၤ.
1 Chronicles 22:2ဒီးစီၤဒၤဝံးမၤလိာ်ဝဲဒ်သိးပှၤကဒုးအိၣ်ဖှိၣ်ရိဖှိၣ်ပှၤတခီဘီမုၢ်ဖိလၢအအိၣ်ဝဲလၢကီၢ်အံၣ်စရ့လးအပူၤလီၤ.ဒီးပာ်ပှၤမၤတၢ်ဖိလၢလၢၢ်ဒ်သိးအကစိးပျၤလၢၢ်လၢအကသူၣ်ယွၤအဟံၣ်အဂီၢ်လီၤ.