1 Chronicles 29:25
ဒီးယွၤပာ်ဒိၣ်ထီၣ်စီၤၡလိၤမိၤဒိၣ်ဒိၣ်ကလဲာ်လၢအံၣ်စရ့လးခဲလၢာ်အမဲာ်ညါ,ဒီးဟ့ၣ်လီၤအီၤလၢစီၤပၤအကကညီၢ်လၢအတအိၣ်ဘၣ်ဒီးစီၤပၤလၢအမဲာ်ညါလၢအံၣ်စရ့လးအကျါနီတဂၤဘၣ်.
S'gaw Karen Mason Bible 1853
In The King James Version
In Context
24ဒီးပဒိၣ်ဖးဒိၣ်ခဲလၢာ်,ဒီးပှၤအဆူၣ်,ဒီးစီၤပၤဒၤဝံးအဖိခွါခဲလၢာ်ပာ်အသးလၢစီၤပၤၡလိၤမိၤအဖီလာ်လီၤ.
26ဒီးစီၤယံးၡဲအဖိခွါစီၤဒၤဝံးကဲစီၤပၤလၢအံၣ်စရ့လးခဲလၢာ်အဖီခိၣ်လီၤ.
Cross References
Joshua 4:14တၢ်လၢမုၢ်တနံၤန့ၣ်ယွၤပာ်ဒိၣ်စီၤယိၤရှူလၢအံၣ်စရ့လးခဲလၢာ်အမဲာ်ညါ,ဒီးအဝဲသ့ၣ်ပျံၤအီၤ,ဒ်အပျံၤစီၤမိၤရှ့အသိးန့ၣ်တစိၤဒၣ်အီၤလီၤ.
1 Kings 3:12ကွၢ်ကွၢ်,ယမၤလံတၢ်ဒ်နတၢ်ကတိၤအသိးန့ၣ်လံ.ကွၢ်ကွၢ်,ယဟ့ၣ်လီၤနၤလၢနသးလၢအကူၣ်တၢ်သ့,ဒီးနသူၣ်ဆးနသးဆး,တုၤပှၤဒ်နၤအသိးတအိၣ်ဘၣ်လၢနမဲာ်ညါ,ဒီးလၢနလီၢ်ခံန့ၣ်ပှၤတဂဲၤဆၢထၢၣ်ဘၣ်ဒ်နၤအသိးဘၣ်.
2 Chronicles 1:1ဒီးစီၤဒၤဝံးအဖိခွါစီၤၡလိၤမိၤဂၢၢ်ထီၣ်ကျၢၤထီၣ်ဝဲလၢအဘီအမုၢ်အပူၤ,ဒီးယွၤ,အကစၢ်အိၣ်ဝဲဒီးအီၤ,ဒီးပာ်ဒိၣ်ပာ်ထီအီၤဒိၣ်မးလီၤ.
Job 7:17ပှၤကညီလၢနကပာ်ဒိၣ်ပာ်ထီအီၤ,ဒီးပာ်နသးလၢအလိၤ,
Daniel 5:18နဲဒၣ်အံၤစီၤပၤဧၢ,ကစၢ်အထီကတၢၢ်ဟ့ၣ်လီၤနပၢ်စီၤနဘူၤကးန့စၢ်လၢဘီဧိၤမုၢ်ဧိၤ,ဒီးတၢ်အဒိၣ်အထီ,ဒီးတၢ်လၤကပီၤ,ဒီးတၢ်အကဟုကညီၢ်လီၤ.
Hebrews 2:9မ့မ့ၢ်ခဲကနံၣ်အံၤ,တၢ်ပာ်တၢ်ခဲလၢာ်လၢအဖီလာ်န့ၣ်,ပတထံၣ်ဒံးဘၣ်.ဘၣ်ဆၣ်ဒီးပထံၣ်ယ့ၣ်ရှူး,လၢအဘၣ်တၢ်ပာ်အီၤလၢကလူးတဖၣ်အဖီလာ်တစဲးစဲး,လၢအဒိးတၢ်သံအတၢ်နးတၢ်ဖှီၣ်အဃိန့ၣ်ဒိးကုာ်ခိၣ်သလုးအသးလၢတၢ်အကဟုအကညီၢ်ဒီးတၢ်လၤကပီၤ,ဒ်သိးအကလ့ၣ်ကွၢ်တၢ်သံလၢပှၤကညီခဲလၢာ်အဂီၢ်,လၢယွၤအဘျုးအဖှိၣ်အဃိန့ၣ်လီၤ.