1 Kings 8:50
ဒီးမၤပူၤမၤဖျဲးနပှၤဂီၢ်မုၢ်လၢအမၤကမၣ်ဘၣ်နၤ,ဒီးပျၢ်ကယဲၢ်အတၢ်ကမၣ်လၢအမၤကမၣ်ဘၣ်နၤခဲလၢာ်,ဒီးဟ့ၣ်လီၤအီၤလၢတၢ်သးကညီၤအီၤလၢပှၤလၢအစိာ်မၢကဲကုၢ်အီၤတဖၣ်အမဲာ်ညါ,ဒ်သိးအကသးကညီၤအီၤန့ၣ်တက့ၢ်.
S'gaw Karen Mason Bible 1853
In The King James Version
In Context
49ဒိကနၣ်နဲအတၢ်ဘါထုကဖၣ်,ဒီးအတၢ်ဃ့ကညးလၢမူခိၣ်နအိၣ်နဆိးအလီၢ်,ဒီးစံၣ်ညီၣ်တၢ်လၢအဂီၢ်,
51အဂ့ၢ်ဒ်အံၤ,မ့ၢ်ဝဲလၢနပှၤဂီၢ်မုၢ်ဒီးနတၢ်န့ၢ်သါလၢအဟဲစိာ်လၢအဲၤကူပတူးအပူၤ,လၢဖၣ်ကပူၤထးအသးကံၢ်ပူၤလီၤ.
Cross References
2 Chronicles 30:9အဂ့ၢ်ဒ်အံၤ,သုမ့ၢ်ဃၣ်က့ၤသုသးဆူယွၤအအိၣ်ဒီး,သုဒီပုၢ်ဝဲၢ်,ဒီးသုဖိတဖၣ်ကဘၣ်တၢ်သးကညီၤလၢပှၤလၢအမိၤမၢကဲကုၢ်အီၤအမဲာ်ညါ,ဒီးကဟဲက့ၤကဒါက့ၤဆူကီၢ်အံၤအပူၤလီၤ.အဂ့ၢ်ဒ်အံၤ,ယွၤသူၣ်ကညီၤတၢ်,သးကညီၤတၢ်,ဒီးအသးအိၣ်တၢ်လီၤ.ဒီးသုမ့ၢ်ဃၣ်က့ၤသုသးဆူအအိၣ်ဒီး,တဃၣ်ကွံာ်အမဲာ်လၢသုအိၣ်ဘၣ်.
Ezra 7:6စီၤဧ့စြၤတဂၤန့ၣ်ဟဲထီၣ်ဝဲလၢဘၤဘူၤလိၣ်အပူၤ,ဒီးမ့ၢ်ပှၤကွဲးလံာ်သ့လၢစီၤမိၤရှ့အတၢ်သိၣ်တၢ်သီအပူၤလၢယွၤအံၣ်စရ့လးအကစၢ်ဟ့ၣ်လီၤဝဲလီၤ.ဒီးစီၤပၤဟ့ၣ်လီၤအီၤလၢကယဲၢ်တၢ်လၢအဃ့ဝဲ,ဒ်ယွၤအကစၢ်အစုအိၣ်ဝဲလၢအလိၤအသိးန့ၣ်လီၤ.
Nehemiah 1:11ကစၢ်ဧၢ,ယဃ့ကညးနၤ,မ်နနၢ်တူၢ်လိာ်နခ့နပှၤအတၢ်ထုကဖၣ်,ဒီးနခ့နပှၤတဖၣ်အတၢ်ထုကဖၣ်လၢအဆၢပျံၤနမံၤတက့ၢ်.ဒီးဒုးဘီၣ်ထီၣ်ညီထီၣ်နခ့နပှၤလၢမုၢ်မဆါတနံၤအံၤ,ယဃ့ကညးနၤ,ဒီးဟ့ၣ်လီၤအီၤလၢတၢ်ဘျုးတၢ်ဖှိၣ်လၢပှၤကညီတဂၤအံၤအမဲာ်ညါတက့ၢ်.ဒီးယမ့ၢ်ပှၤစိာ်လီခီအီတၢ်လၢစီၤပၤအဂီၢ်လီၤ.
Psalms 32:5ယဘိးဘၣ်သ့ၣ်ညါနၤလၢယတၢ်ဒဲးဘး,ဒီးယတၢ်အၢန့ၣ်ယတပာ်ခူသူၣ်ဘၣ်.ယစံးယကတဲလီၤကျဲၤလီၤယတၢ်ကမၣ်လၢယွၤန့ၣ်,ဒီးနပျၢ်ကွံာ်ယတၢ်ဒဲးဘးလီၤ. စ့လၤ.
Proverbs 16:7တုၤပှၤကညီအကျဲဘၣ်ယွၤအသးဒီး,ဒုးဃူဒုးဖိးအဒုၣ်အဒါဒၣ်လဲာ်ဒီးအီၤလီၤ.
Acts 7:10ဒီးမၤပူၤမၤဖျဲးအီၤလၢအတၢ်နးတၢ်ဖှီၣ်ခဲလၢာ်,ဒီးဟ့ၣ်လီၤအတၢ်ဘျုးတၢ်ဖှိၣ်,ဒီးအတၢ်ကူၣ်ဘၣ်ကူၣ်သ့လၢအဲၤကူပတူးအစီၤပၤဖၤရိၤအမဲာ်ညါ,ဒီးအဝဲဒၣ်ပာ်အီၤလၢအဲၤကူပတူးအခိၣ်,ဒီးအဟံၣ်ဒီဖျၢၣ်ညါအခိၣ်လီၤ.