1 Samuel 18:30
ဒီးပှၤဖလ့ၡသးဖိအပဒိၣ်ဖးဒိၣ်တဖၣ်ဟးထီၣ်ဝဲ,ဒီးလၢအဟးထီၣ်အလီၢ်ခံန့ၣ်တၢ်မၤအသးလၢစီၤဒၤဝံးမၢဝဲဒီးတၢ်ကူၣ်သ့ကူၣ်ဘၣ်ဒိၣ်န့ၢ်စီၤစီလူးအခ့အပှၤခဲလၢာ်,ဒီးပှၤပာ်အမံၤလၢတၢ်လုၢ်ဒိၣ်ပှ့ၤဒိၣ်လီၤ.
S'gaw Karen Mason Bible 1853
In The King James Version
In Context
29ဒီးစီၤစီလူးပျံၤစီၤဒၤဝံးအါန့ၢ်အလီၢ်တက့ၢ်.ဒီးစီၤစီလူးကဲထီၣ်စီၤဒၤဝံးအဒုၣ်အဒါတထံၣ်ဃီလီၤ.
Cross References
1 Samuel 2:30မၤသးဒ်န့ၣ်ဒီးယွၤအံၣ်စရ့လးအကစၢ်စံးဝဲဒၣ်,မ့ၢ်မးယစံးတ့ၢ်လၢနပှၤဟံၣ်ဖိဒီးနပၢ်အပှၤဟံၣ်ဖိကလဲၤတၢ်လၢယမဲာ်ညါလီၤစိၤလီၤထီလီၤ.မ့မ့ၢ်ခဲကနံၣ်အံၤယွၤစံးဝဲဒၣ်,မ်တၢ်သုတမၤအသးဒ်န့ၣ်ဒီးယၤတဂ့ၤ.အဂ့ၢ်ဒ်အံၤ,ပှၤလၢအမၤလၤကပီၤယၤန့ၣ်ယကမၤလၤကပီၤအီၤ,ဒီးပှၤလၢအမၤယၤတရီတပါန့ၣ်တၢ်ကမၤအီၤတရီတပါလီၤ.
1 Samuel 19:8ဒီးတၢ်ဒုးသုးအိၣ်ထီၣ်ကဒီး,ဒီးစီၤဒၤဝံးလဲၤထီၣ်,ဒီးဒုးတၢ်ဒီးပှၤဖလ့ၡသးဖိ,ဒီးကျီကွံာ်အီၤဒီးတၢ်ကျီကွံာ်ဖးဒိၣ်,ဒီးအဝဲသ့ၣ်ဃ့ၢ်ကွံာ်ဝဲလၢအမဲာ်ညါလီၤ.
2 Samuel 7:9ဒီးဖဲနလဲၤတၢ်တပူၤလၢ်လၢ်န့ၣ်ယအိၣ်ဒီးနၤ,ဒီးယဒီၣ်တဲာ်ကွံာ်နဒုၣ်နဒါခဲလၢာ်လၢနမဲာ်ညါ,ဒီးယပာ်လံနမံၤလၢတၢ်အဒိၣ်,ဒ်ပှၤအဒိၣ်လၢဟီၣ်ခိၣ်ချၢအမံၤအသိးလံ.
2 Kings 1:13မၤကဒီးတစု,မၢလီၤပှၤယဲၢ်ဆံအခိၣ်သၢဂၤတဂၤဒီးအပှၤယဲၢ်ဆံလီၤ.ဒီးပှၤယဲၢ်ဆံအခိၣ်သၢဂၤတဂၤလဲၤထီၣ်,ဒီးဟဲ,ဒီးချံးလီၤအခီၣ်လၢစီၤအ့ၤလံယၤအမဲာ်ညါ,ဒီးဃ့ကညးတၢ်,ဒီးစံးလၢအီၤ,ယွၤအပှၤကညီဧၢ,မ်ယသးသမူ,ဒီးနခ့နပှၤယဲၢ်ဆံအသးသမူအံၤကဲထီၣ်တၢ်လုၢ်ဒိၣ်ပှ့ၤဒိၣ်လၢနမဲာ်ညါတက့ၢ်.
Psalms 119:99ယနူၤပၢၢ်ယနၢ်ပၢၢ်တၢ်န့ၣ်အါန့ၢ်ပှၤသိၣ်လိယၤခဲလၢာ်တက့ၢ်လီၤ.အဂ့ၢ်ဒ်အံၤ,ယဆိကမိၣ်လၢနတၢ်အုၣ်အသးတဖၣ်အဂ့ၢ်အကျိၤလီၤ.
Daniel 1:20ဒီးကယဲၢ်တၢ်ဘၣ်ဃးဒီးတၢ်ကူၣ်သ့,တၢ်ကူၣ်တၢ်ဆးလၢစီၤပၤသံကွၢ်အီၤလၢအဂ့ၢ်န့ၣ်ထံၣ်န့ၢ်ဝဲလၢအဂ့ၤန့ၢ်ကယဲၢ်ပှၤကွဲးလံာ်,ဒီးပှၤသ့တၢ်အူတၢ်သမူလၢအအိၣ်ဝဲလၢဘီမုၢ်အပူၤခဲလၢာ်ဆံဆဲၣ်စးတက့ၢ်လီၤ.