2 Chronicles 1:11

ဒီးယွၤစံးဘၣ်စီၤၡလိၤမိၤ,မ့ၢ်တၢ်တမံၤအံၤအိၣ်ဝဲလၢနသးကံၢ်ပူၤ,ဒီးတၢ်ထူးတၢ်တီၤမ့ၢ်ဂ့ၤ,တၢ်အစုလီၢ်အခီၣ်ခိၣ်မ့ၢ်ဂ့ၤ,တၢ်အလၤအကပီၤမ့ၢ်ဂ့ၤ,နဒုၣ်နဒါအသးသမူမ့ၢ်ဂ့ၤ,နတဃ့ဘၣ်,ဒီးနတဃ့ဘၣ်အါနံၤအါသီဘၣ်,ဒီးမ့ၢ်နဃ့တၢ်ကူၣ်သ့,ဒီးတၢ်သ့ၣ်ညါလၢနဂီၢ်,ဒ်သိးနကစံၣ်ညီၣ်ယပှၤဂီၢ်မုၢ်လၢယပာ်နၤလၢစီၤပၤလၢအဖီခိၣ်ဒီး,

S'gaw Karen Mason Bible 1853

In The King James Version

And God said to Solomon, Because this was in thine heart, and thou hast not asked riches, wealth, or honour, nor the life of thine enemies, neither yet hast asked long life; but hast asked wisdom and knowledge for thyself, that thou mayest judge my people, over whom I have made thee king:

In Context

10ခဲကနံၣ်အံၤဟ့ၣ်လီၤယၤလၢတၢ်ကူၣ်သ့,ဒီးတၢ်သ့ၣ်ညါ,ဒ်သိးယကဟးထီၣ်ဒီးဟဲနုာ်လၢပှၤဂီၢ်မုၢ်အံၤအမဲာ်ညါတက့ၢ်.အဂ့ၢ်ဒ်အံၤ,မ့ၢ်မတၤစံၣ်ညီၣ်နပှၤဂီၢ်မုၢ်ဖးဒိၣ်အံၤသ့တဂၤလဲၣ်.

12တၢ်ကူၣ်သ့,ဒီးတၢ်သ့ၣ်ညါန့ၣ်တၢ်ဟ့ၣ်လီၤနၤ,ဒီးယကဟ့ၣ်လီၤနၤလၢတၢ်ထူးတၢ်တီၤ,ဒီးတၢ်အစုလီၢ်အခီၣ်ခိၣ်,ဒီးတၢ်လၤကပီၤလီၤ.တၢ်ဒ်န့ၣ်သိးတအိၣ်ဘၣ်ဒီးစီၤပၤလၢအအိၣ်တ့ၢ်လၢနမဲာ်ညါနီတဂၤဘၣ်,ဒီးပှၤလၢနလီၢ်ခံတန့ၢ်ဘၣ်တၢ်ဒ်န့ၣ်သိးဘၣ်.

Read all of 2 Chronicles 1

Cross References

1 Kings 3:11ဒီးယွၤစံးဘၣ်အီၤ,မ့ၢ်နဃ့တၢ်တမံၤအံၤ,ဒီးတဃ့ဘၣ်အါနံၤအါသီလၢနဂီၢ်ဘၣ်,ဒီးတဃ့ဘၣ်တၢ်ထူးတၢ်တီၤလၢနဂီၢ်,ဒီးတဃ့ဘၣ်နဒုၣ်နဒါတဖၣ်အသးသမူဘၣ်,ဒီးမ့ၢ်နဃ့သူၣ်ဆးနသးဆးဒ်သိးနကတိၢ်န့ၢ်တၢ်စံၣ်ညီၣ်ဒီး,

1 Kings 8:18ဒီးယွၤစံးဘၣ်ယပၢ်စီၤဒၤဝံး,မ့ၢ်တၢ်အိၣ်လၢနသးလၢနကမၤဟံၣ်လၢယမံၤအဂီၢ်ဒီး,နမၤတၢ်ဂ့ၤလၢအအိၣ်လၢနသးအဃိလီၤ.

1 Chronicles 28:2ဒီးစီၤပၤဒၤဝံးဆၢထၢၣ်လၢအခီၣ်,ဒီးစံးဝဲဒၣ်,ယဒီပုၢ်ဝဲၢ်ဒီးယပှၤဂီၢ်မုၢ်သ့ၣ်ဧၢ,ကနၣ်တၢ်တက့ၢ်.ယဲဒၣ်အံၤတၢ်အိၣ်ဝဲလၢယသးကံၢ်ပူၤလၢယကသူၣ်ဟံၣ်အိၣ်ဘှံးလၢယွၤအတၢ်အၢၣ်လီၤအီလီၤအတလါအဂီၢ်,ဒီးလၢပကစၢ်အခီၣ်ယီၢ်လီၤအလီၢ်အဂီၢ်,ဒီးယကတဲာ်ကတီၤတ့ၢ်တၢ်လၢသူၣ်ဟံၣ်အဂီၢ်လီၤ.

Proverbs 8:15စီၤပၤကဲစီၤပၤလၢယၤ,ပှၤစံၣ်ညီၣ်ကွီၢ်စံၣ်ညီၣ်တီတၢ်လၢယၤလီၤ.

Proverbs 23:7အဂ့ၢ်ဒ်အံၤ,ဒ်အဆိကမိၣ်တၢ်လၢအသးကံၢ်ပူၤအသိးန့ၣ်အကစၢ်ဒၣ်ဝဲမ့ၢ်တၢ်ဒ်န့ၣ်သိးလီၤ.အီၣ်တၢ်အီတၢ်တက့ၢ်န့ၣ်,စံးနၤဘၣ်ဆၣ်ဒီး,အသးတအိၣ်ဘၣ်ဒီးနၤဘၣ်.

Hebrews 4:12အဂ့ၢ်ဒ်အံၤ,ယွၤအကလုၢ်န့ၣ်မ့ၢ်တၢ်မူ,ဒီးမၤတၢ်သ့,ဒီးအကနၣ်အ့ၣ်တၢ်ဂ့ၤန့ၢ်နးတဘ့ၣ်လၢအကနၣ်ခံခီလိာ်,ဒီးဆဲးဖျိတုၤအနီၤဖးပတၢ်မူဒီးပသး,ဒီးတၢ်အဆၢဒီးတၢ်အကံၢ်,ဒီးမ့ၢ်တၢ်လၢအသ့ၣ်ညါပသးအတၢ်ဆိကမိၣ်ဒီးအတၢ်ကူၣ်တၢ်တဖၣ်န့ၣ်လီၤ.

This Verse In Other Editions

Study 2 Chronicles 1:11